Свет
Шверцот со цигари не ја одминува Македонија
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-6496.jpeg)
Шверцот на цигари е многу доходовен бизнис, отсекогаш постоел и ќе постои и во Грција и во Македонија.
ПОЗНАВАЧИТЕ НА БИЗНИСОТ ПОТВРДУВААТ
Шверцот на цигари е многу доходовен бизнис, отсекогаш постоел и ќе постои и во Грција и во Македонија. Битката е да се намали обемот на нелегалната трговија со оваа акцизна стока, за да се обезбедат буџетските приходи. Вака Царинската управа и домашните производители и дистрибутери на цигари ги коментираат состојбите во трговијата со цигари.
– Да се зборува дека десетици или стотици шлепери минувале во македонско-грчкиот меѓуграничен појас и се шетале низ земјава е несериозно. Македонската и грчката царина располагаат со современи системи за сателитско следење на камионите и секое вакво обвинување може лесно да се докаже. Што значи дека ако постои ваков шверц на цигари, би требало да се обвинат и двете царини – одговараат во македонската Царина на обвинувањата објавени во грчкиот весник “Та неа” за наводна вмешаност на царинските служби од земјава во шверцот со цигари во Грција.
Но, добри познавачи на овој бизнис велат дека во случајов станува збор за добро разработени канали на шверц со цигари кои минуваат и низ Македонија. Според нив, грчки шлепери полни со цигари произведени во Грција, наводно наменети за извоз и без бандероли, влегуваат во земјава на граничните премини Дојран и Меџитлија. Таму добивале “испрани” документи дека превезуваат неакцизна стока, по што полни се враќале во Грција, поточно во пристаништето во Солун, од каде што се товарале на бродови и заминувале кон пазари во ЕУ. За услугата, односно за “испраните” документи најчесто се добивал процент, кој во зависност од количеството цигари изнесувал меѓу пет и 10 отсто од количеството. Испораката на овие цигари се вршела во гаражи во пограничните села со Грција, а потоа завршувале на црните пазари во Косово.
Причините за исплатливоста на шверцот со цигари, според експертите, е големата разлика меѓу производната и малопродажната цена на цигарите, која може да достигне и над 200 отсто. На пример, во структурата на малопродажната цена на цигарите што се произведуваат во Македонија се вградени 33 отсто акциза, 18 отсто ДДВ и 18 проценти рабат, што вкупно претставува повеќе од 70 отсто. Во цената на увозните цигари, на сите овие трошоци, треба да се додаде и царината, која изнесува 30 отсто. Тоа значи дека од цената за една кутија луксузни странски цигари, што легално се продаваат за 100 денари, повеќе од половината, односно околу 52 денара се давачки кон државата, а останатите 48 отсто се производството, транспортот и трговските маржи. Давачките за државата во држави од ЕУ се многу повисоки, што ги прави цигарите уште поисплатливи за шверцување. Во Грција давачките за државата се движат околу 120 отсто. (Р.Д.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Нетанјаху: Ослободувањето на директорот на болницата „Ал Шифа“ во Газа е сериозна грешка
![](https://makfax.com.mk/wp-content/uploads/2023/11/netanjahu6.jpg)
Израелскиот премиер Бенјамин Нетанјаху изјави дека ослободувањето на уапсениот директор на болницата „Ал Шифа“ во Газа е „сериозна грешка и етички неуспех“.
Израелските министри и високите безбедносни функционери си ја префрлаат вината еден на друг, тврдејќи дека не се одговорни за ослободувањето на директорот на најголемата болница во Појасот Газа.
„Тој човек, под чија одговорност беа чувани и убиени нашите заложници, треба да биде во затвор“, рече Нетанјаху во изјавата, пренесоа израелските медиуми.
Тој нареди истрага како се случило директорот на болницата Мухамед Абу Селмија да биде пуштен на слобода.
Шефот на израелската служба за безбедност Ронен Бар утре ќе му ги презентира на Нетанјаху резултатите од истрагата, соопштија од кабинетот на премиерот.
Израелскиот лидер нагласи дека одлуката за ослободување на Абу Селмија е донесена без знаење на политичкиот ешалон и шефовите на безбедносните агенции.
Премиерот на Израел формира меѓуагенциско тело составено од Министерството за одбрана, израелската армија, Службата за безбедност и Советот за национална безбедност, кое ќе служи за одобрување на ослободување на затворениците чија истрага е завршена.
Абу Селмија, лекар во болницата, беше уапсен од израелски војници во ноември под сомнение дека му дозволил на Хамас да ја користи болницата во главниот град Газа како центар на операции.
Тој беше уапсен додека се обидуваше да се евакуира на југот на Појасот Газа преку хуманитарниот коридор контролиран од војската и беше одведен на сослушување во службата за безбедност Шин Бет, пренесуваат светските медиуми.
Тој утрово беше вратен во Газа со уште 54 палестински затвореници.
Абу Селмија беше ослободен без обвинение и судење, а Нетанјаху рече дека одлуката за негово ослободување е донесена по петиција на организација за човекови права.
Тие организации тврдеа дека центарот за притвор бил преполн и дека Палестинците биле малтретирани таму, пренесува „Асошиејтед прес“. Ова ја натера владата да префрли поголем дел од палестинските затвореници во други затвори и да ослободи некои.
Директорот на болницата Шифа рече дека бил држен во тешки услови и мачен. Тој и другите палестински здравствени службеници ги негираа израелските обвинувања.
Болницата Шифа беше нападната од Израел двапати од почетокот на војната против Хамас во Газа на 7 октомври минатата година.
„Кој од затворениците ќе биде ослободен, независно одлучуваат безбедносните службеници, врз основа на професионални проценки“, напиша Нетанјаху во повикот за истрага.
Абу Селмија на прес-конференцијата по неговото ослободување рече дека мачењето било речиси секојдневно и дека биле мачени и други палестински затвореници.
Свет
„Горд сум што сум Американец“: Трамп ја поздрави одлуката на Врховниот суд за неговиот делумен имунитет
![](https://makfax.com.mk/wp-content/uploads/2023/11/tramp.jpg)
Поранешниот американски претседател Доналд Трамп ја поздрави денешната одлука на Врховниот суд на САД, која му овозможи да бара имунитет од гонење за некои од дејствијата што ги презеде за време на неговото претседателствување за да ги поништи резултатите од претседателските избори во 2020 година.
Трамп одлуката на Врховниот суд ја окарактеризира како голема победа за Уставот и демократијата.
– Голема победа за нашиот Устав и демократија. Горд сум што сум Американец – напиша Трамп во објава на неговата платформа „Truth Social“.
Оваа одлука на Врховниот суд ја поништи одлуката на федералниот апелационен суд донесена во февруари оваа година, со која беше утврдено дека Трамп не ужива имунитет за наводните злосторства што ги направил за време на неговиот претседателски мандат за поништување на резултатите од изборите во 2020 година.
Трамп инсистираше на тоа дека не може да му се суди за дејствија кои датираат од неговото време како претседател на САД, вклучително и обвиненијата поврзани со нападот на Капитол на 6 јануари 2021 година од страна на неговите поддржувачи во обид да го спречи Конгресот да ја потврди победата на неговиот демократски ривал, Џо Бајден на претседателските избори.
Свет
(Видео ) Авион принудно слетал поради силни турбуленци во Бразил: повредени најмалку 30 лица, патниците го снимиле хаосот
![](https://makfax.com.mk/wp-content/uploads/2023/05/avion.jpg)
Патничкиот авион „Боинг 787-9 Дримлајнер“ на Ер Европа принудно слета во Бразил поради силни турбуленции во кои се повредени 30 лица, јавува Би-би-си.
Авионот летал од Мадрид кон Монтевидео кога се случил инцидентот, соопшти авиокомпанијата.
El vuelo de @AirEuropa ux045 que sufrió turbulencias de aire claro pic.twitter.com/7ud1plk0uZ
— Nelson (@NblancoNelson) July 1, 2024
Летот UX045 беше пренасочен кон аеродромот Натал во североисточен Бразил на пат кон главниот град на Уругвај, објави шпанската компанија на X.
Оттаму додаваат дека повредените патници „примаат помош“.
Varios heridos en vuelo de Air Europa UX045 desde Madrid con destino a Montevideo. Debió aterrizar de emergencia en Natal, Brasil. Asisten bomberos y emergencias medicas. #aireuropa pic.twitter.com/MAQMziXIdV
— Pichi Pastosa (@pichipastoso) July 1, 2024
Авионот, кој превезуваше 325 патници, наиде на турбуленции над Атлантикот додека се приближуваше до бразилскиот брег, изјави портпаролот на Ер Европа.
Авионот слетал нормално и го пречекале голем број амбулантни возила.
Аеродромските власти соопштија дека на некои патници им била потребна медицинска помош и биле пренесени во најблиската болница.
Локален медицински тим за бразилските медиуми изјавил дека лекувале најмалку 30 патници од различни националности и дека 10 од нив биле пренесени во болница.
Пациентите се здобиле со повреди на главата за време на турбуленциите, вклучувајќи фрактури на черепот и исекотини на лицето, додаде тимот.
Инцидентот се случи неколку недели откако лет на „Сингапур ерлајнс“ беше погоден од силни турбуленции над Мјанмар, што доведе до повреди на неколку луѓе и смрт на еден Британец.
Тешките турбуленции се ретки, но неодамнешните студии покажаа дека климатските промени може да го зголемат ризикот.