Свет
Шефки Идризи ја купил "Битола сил" на кафе на Скопски аеродром
Мистериозната кражба на 300 килограми динамит и 1000 детонаторски каписли од магацинот на поранешното битолско претпријатие ,,Битоласил’’, за која МВР се уште молчи, им дојде како кец на десетка на вработените
ИСТРАГАТА ЗА ИСЧЕЗНАТИТЕ 300 КИЛА ЕКСПЛОЗИВ ОД БИТОЛСКА ФИРМА ОТКРИВА ДУПКИ ВО ПРИВАТИЗАЦИЈАТА
Мистериозната кражба на 300 килограми динамит и 1000 детонаторски каписли од магацинот на поранешното битолско претпријатие ,,Битоласил’’, за која МВР се уште молчи, им дојде како кец на десетка на вработените во ова, сега веќе приватизирано, претпријатие, бидејќи се надеваат дека полицијата конечно ќе го открие криминалот од големи размери во текот на приватизацијата на ова претпријатие. Битолската полиција не соопштува никакви детали се до целосното расветлување на случајот, но од наши извори дознаваме дека истрагата е проширена и на други пропусти и злоупотреби во работењето на “Битоласил”.
Неколкумина поранешни вработени во ова претпријатие отворено се сомневаат во регуларноста на ликвидацијата и приватизацијата на А.Д. Рудници и индустрија за неметали “Битоласил” и истакнуваат бројни незаконски постапки за време на стечајната постапка и по нејзиното завршување. Тие благовремено се обратиле и до Јавниот обвинител на Република Македонија и до Антикорупциската комисија, но од таму се уште ништо не е преземено. Тие обвинуваат дека на незаконски начин во сопственост на лицето Шефкија Идризи од тетовското село Џепчиште преминало земјиште и основни средства на фирмата кои се појавиле како основачки влог на новото друштво ,,Рено-сил’’.
“Се започна кон средината на јули 2003 година, кога госпоѓата Милица Николовска се појави во претпријатието, како законски застапник на госпоѓата Верка Максимовиќ, која од Агенцијата за приватизација го купила управувачкиот пакет државни акции од околу 72 отсто, и ни рече дека ќе биде новиот директор на А.Д. Битоласил. Бидејќи новиот сопственик живее во Канада, нејзиниот син Дејан Максимовиќ формира борд на директори, но во претпријатието буквално ништо не се работеше. Во ноември истата година половината од вработените без никаков надоместок беа прогласени за технолошки вишок”.
При крајот на декември истата година вработените биле повторно шокирани. “Дојде Милица Николовска и не извести дека доминантниот сопственик Верка Максимовиќ, која ќе патувала за Канада, на скопскиот аеродром, додека пиела кафе го продала управувачкиот пакет на извесен Шефки Идризи од село Џепчиште, сопственик на претпријатието ,,Ренова’’ и на неколку други фирми, кој бил подготвен да вложува во Битоласил, да ги задржи вработените и да отвори нови работни места. И се почна навидум добро, се до 20. април 2004 година, кога со решение на Основниот суд во Битола е отворена стечајна постапка, со која се согласи и доминантниот сопственик, што навистина е многу чудно, бидејќи со стечајот пропаѓа акционерскиот капитал”.
За време на стечајната постапка, велат ексвработените, се појавил нов доверител, лицето Бејтула Адеми од Голема Речица, кој од Агенцијата за санација ги откупил хипотеките на “Битоласил” и заостанатиот девизен долг, севкупно во висина од 42 милиони денари, за само 4 милиони денари, и со тоа станал најголем доверител. Во стечајната постапка и Шефки Идризи стана сопственик на основни средства, кои ги купил од тетовската фирма Интер-проект, што било прифатено од страна на стечајниот управник.
,,По ликвидирањето на ,,Битоласил’’, Шефки Идризи, Бејтула Адеми и Кенан Идризи регистрираа ново претпријатие АД Рено сил, во кое како основачки влог Бејтула Адеми ги вложува земјиштето и погоните за Кварц и Перлит, а Шефки Идризи ги вложува основните средства на ,,Битоласил’’ и земјиштето во демирхисаркото село Мренога. Стечајната маса не е дадена на лицитација, ниту пак ни е дозволен увид во проценката на капиталот, иако таа била направена и била утѕврдена на 400.000 евра. До денес не е одржана ниту една седница на одборот на доверители, а клучевите од сите простории на Битоласил се во рацете на претставникот на Ренова, во кои спаѓа и магацинот во кој се чуваше динамитот и детонаторските каписли”, истакнуваат неколкумина паранешни работници на поранешен ,,Битоласил’’ од Битола.
М.Павлевски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Путин во униформа на огромна воена вежба на источната граница на НАТО
Рускиот претседател Владимир Путин се појави во воена униформа на големата воена вежба на руската и белоруската армија, „Запад 2025“, која се одржува со денови во близина на источните граници на НАТО.
🤡 Putin shows up at the "Zapad-2025" exercises in military uniform. pic.twitter.com/7ZbNNJE1qN
— MAKS 25 🇺🇦👀 (@Maks_NAFO_FELLA) September 16, 2025
Путин го посети полигонот Мулино во регионот Нижни Новгород. Таму изјави дека 100.000 војници учествуваат во маневрите на 41 полигон за обука на копно и море, 333 авиони, околу 250 бродови и 10.000 парчиња воена опрема.
100,000 troops are participating in the Zapad 2025 exercise near NATO borders, war criminal Putin said.
He visited the Mulino training ground in the Nizhny Novgorod region.
During these maneuvers, 100,000 servicemen were involved at 41 land and sea training grounds, 333… pic.twitter.com/UBFNgrVEB3
— Anton Gerashchenko (@Gerashchenko_en) September 16, 2025
Претходно се сметаше дека во вежбата ќе учествуваат 30.000 војници, но бројките покажуваат значително поголема мобилизација.
Свет
(Видео) Нетанјаху: Господине Ердоган, Ерусалим е наш град
Американскиот државен секретар Марко Рубио отвори неодамна ископан антички пат во Давидовиот град, во близина на Стариот град на Ерусалим. На настанот присуствуваа и израелскиот премиер Бенјамин Нетанјаху и амбасадорот на САД во Израел, Мајк Хакаби, соопшти Фондацијата на Давидовиот град.
„Денес стоејќи тука на истиот пат каде што, пред 2.000 години, толку многу луѓе од сите краишта се осмелија да ја исполнат таа желба да бидат поблиску до својот Творец, е искуство кое е понизно и почестувачко“, рече Рубио.
„2.000 години по уништувањето на Вториот храм, го откриваме нашето минато и ја градиме нашата иднина врз темелите на Ерусалим од пред 2.000 години“, рече Нетанјаху.
Тој возврати на претходните изјави на турскиот претседател Реџеп Таип Ердоган.
NETANYAHU DESTROYS ERDOGAN 🔥
"Well, we’re here (in Jerusalem). This is our city. Mr. Erdogan, it’s not your city"
"It’s our city. It will always be our city. It will not be divided again" pic.twitter.com/aGlKduQ6ec
— Frontalforce 🇮🇳 (@FrontalForce) September 16, 2025
„Ова е наш град, господине Ердоган. Тоа не е ваш град. Тоа е наш град. Секогаш ќе биде наш град. Никогаш повеќе нема да биде поделен“, рече тој.
Ердоган претходно сугерираше дека Ерусалим ѝ припаѓа на Турција, осврнувајќи се на контролата на Отоманската империја врз градот во поголемиот дел од модерната ера. „Во овој град што моравме да го напуштиме во солзи за време на Првата светска војна, сè уште е можно да се најдат траги од отоманскиот отпор. Значи, Ерусалим е наш град“, рече Ердоган во 2020 година.
Свет
(Видео) „Ова е пекол“: Палестинците масовно бегаат
Илјадници семејства се обидуваат да избегаат од градот Газа, додека израелската армија спроведува копнена операција како дел од нејзината голема офанзива за освојување на градот.
Лина ал-Магреби, 32-годишна мајка на три деца од населбата Шеик Радван, изјави за Би-Би-Си дека се спротивставила на напуштањето на својот дом – и покрај опасноста – сè додека не добила телефонски повик од израелски офицер кој ѝ наредил да се евакуира.
„Бев принудена да го продадам мојот накит за да ги покријам трошоците за преселба и купување шатор“, рече таа. „Ни требаа десет часа за да стигнеме до Кан Јунис, а плативме 3.500 шекели (847 евра) за возењето. Редот од автомобили и камиони изгледаше бесконечен.“
Many Palestinians are defying Hamas and heeding the IDF’s evacuation orders, leaving Gaza City despite the group’s calls to stay. pic.twitter.com/iIEPRQlifB
— Open Source Intel (@Osint613) September 14, 2025
„Последното големо упориште на Хамас“
Израелскиот премиер Бенјамин Нетанјаху изјави дека е започната „моќна операција“ во градот Газа, која ја опиша како последно големо упориште на Хамас.
Израелската војска го означи крајбрежниот пат Ал-Рашид како единствена дозволена рута за евакуација на цивилите. Многумина опишуваат густ сообраќај, бесконечни редици автомобили и камиони и долги чекања, со семејства заглавени на патиштата.
Операцијата предизвика широка меѓународна осуда, вклучително и од шефот на ОН за човекови права и германскиот министер за надворешни работи.
Британскиот министер за надворешни работи Ивет Купер ја нарече офанзивата „целосно неодговорна и ужасна“, велејќи дека таа „ќе донесе повеќе крв, ќе убие повеќе невини цивили и ќе ги загрози преостанатите заложници“.
Засилената израелска офанзива доаѓа во период кога истражна комисија на ОН објави извештај во кој се тврди дека Израел врши геноцид врз Палестинците во Газа. Израел категорично го отфрли извештајот.
Нивин Имад ал-Дин, 38-годишна мајка на пет деца, рече дека „побегнала на југ“ откако израелските авиони фрлиле летоци за евакуација врз нејзината населба, иако нејзиниот сопруг одбил да го напушти нивниот дом.
„Не можев да го земам мебелот затоа што немав пари да изнајмам голем камион“, објасни таа. „Напуштањето и оставањето сè зад себе беше најтешката одлука што некогаш сум ја донела.“
Пешачење километри
Цената на преселбата значително се зголеми, далеку над можностите на повеќето домаќинства. Жителите рекоа дека изнајмувањето мал камион сега чини околу 3.000 шекели (726 евра), додека шатор за пет лица се продава за околу 4.000 шекели (968 евра). Со оглед на тоа што повеќето семејства се без приходи од почетокот на војната, некои се принудени да пешачат километри или да останат во своите домови и покрај опасностите.
Во вторник вечерта, израелските авиони извршија бран тешки напади врз градот Газа, со концентрирани бомбардирања врз централната населба Ал-Дарај, бегалскиот камп на запад и населбата Шеик Радван на север.
На нападите им претходеа артилериски напади и напади со беспилотни летала, како и хеликоптерски борбени авиони.
Израелските одбранбени сили објавија дека „постепено“ влегуваат во градот Газа како дел од „следната фаза“ од нивната офанзива.
Тие рекоа дека воздушните и копнените сили ќе учествуваат во оваа следна фаза од воената операција, при што бројот на војници ќе се зголемува од ден на ден.
Жителите ги опишаа воздушните ноќни напади како „пекол“.
Гази ал-Алул, раселен жител на северна Газа, изјави за Би-Би-Си дека сега спие на влезот во болницата Ал-Кудс во Тел ал-Хави во југозападна Газа.
„Јас не го избрав тоа“, рече тој. „Ме принуди да го напуштам домот каде што живееме со моето семејство речиси еден месец откако избегавме од север. Гранатирањето е ненормално, трае со часови, а армијата се заканува да сруши неколку станбени згради во областа.“
Сами Абу Далал, од ал-Дарај во централна Газа, ја опиша ноќта како „исклучително тешка“.
„Цели станбени блокови се срамнети со земја со своите жители, оставајќи многу мртви, исчезнати или ранети“, рече тој.
Тој додаде дека Израел напредува на три фронта, користејќи импровизирани експлозивни направи од возила, интензивни воздушни напади и тешко артилериско гранатирање. Во меѓувреме, хеликоптерите „Апачи“ постојано летаат над различни делови од градот, пукајќи, заклучува Би-Би-Си.
фото: принтскрин
(Видео) Путин во униформа на огромна воена вежба на источната граница на НАТО
Рускиот претседател Владимир Путин се појави во воена униформа на големата воена вежба на руската и белоруската армија, „Запад 2025“,...
ИЈЗ смирува: Нема тешки метали во почвата и водата не е радиоактивна
Институтот за јавно здравје изврши вонредно испитување во засегнатото подрачје, и во неделата беа земени примероци, мостри од страна на...
„Ќе бидеш моја или ќе бидеш мртва“ – Росица сведочела за заканата од Илија кој подоцна ја уби
Обвинителството го објави записникот од испитувањето на Росица Коцева (31) од Велес, даден на 9 септември годинава, само неколку дена...
Јас не сум од вчера во политиката, партијата Левица фрли гума за спасување на ДУИ со кандидатите во Струга, Гостивар и во Тетово, вели Мицкоски
Партијата Левица предложи кандидати за градоначалници во Струга, Гостивар и во Тетово само за да ги раслои анти-ДУИ гласовите во...
Обвинителството испитува одговорност за големиот пожар во Трубарево, утре увид на терен
Утре, ќе почне увидот на самото место за причините за големиот пожар во Трубарево. Увидните екипи ќе работат под координација...
Подметнување пожар ќе биде тероризам, а фрлање отпад на недозволени места ќе се казнува со затвор над пет години, Мицкоски најави итни законски измени
Премиерот Христијан Мицкоски, денес, при посетата на Јегуновце најави законски измени со кои најстрого ќе се казнува подметнување пожар и...
Идентификувани 20 лица осомничени за подметнување пожари во Скопје
Премиерот Христијан Мицкоски денес изјави дека дваесетина лица се идентификувани како осомничени за серијата подметнати пожари во Скопје. Според него,...
Пред убиството Росица го пријавувала Стефановски за насилство и непочитување на забраната за приближување, го запалил и автомобилот на татко ѝ
Против Илија Стефановски, осомничен за убиството на Росица Коцева (31) и на татко ѝ Киро Коцев (68) во Велес, претходно...
Намалена активната транспарентност на Владата и на министерствата, најмалку информации има за финансиите, објави Центарот за граѓански комуникации
Центарот за граѓански комуникации го објави редовното годишно рангирање на институциите според Индексот на активна транспарентност, односно според активното објавување...
Синоќа повторно предизвикан пожар на „Дрисла“
Синоќа, пред 23 часот, повторно беше предизвикан пожар на депонијата „Дрисла“, на сосема друго место, подалеку од местото што беше...
Рубио: Трамп е единствениот лидер што може да разговара со Русија, Украина и со Европа
Американскиот претседател Доналд Трамп би можел да се сретне со украинскиот лидер Володимир Зеленски следната недела во Њујорк, објави американскиот...
„Марш за ангелите” во Кочани и мирен протест во Скопје: шест месеци од трагедијата во дискотеката „Пулс“
Денеска се навршуваат шест месеци од трагедијата во дискотеката „Пулс“ во Кочани, во која животот го загубија 62 млади лица....
Изгаснат тежок пожар пред Пинтија, под контрола се пожарите на „Дрисла“ и во Трубарево, активен пожарот на Кожуф
Рано утрово пред 4 часот избувна тежок пожар во сервис за возила пред Пинтија (над „Стакларата“ на местото наречено Каменик)...
Мицкоски треба да одговара за ширење страв и паника по признанието на Тошковски дека нема центри на моќ зад пожарите, велат од СДСМ
Панче Тошковски во интервју призна дека нема осомничени дека одреден центар на моќ влијаел да се подметне пожарот во Трубарево...
Зеленски до Трамп: Покажете јасен став и сопрете го Путин
Украинскиот претседател Володимир Зеленски го повика Доналд Трамп да заземе јасна позиција за да го запре Владимир Путин и да...
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
