Американскиот претседател Доналд Трамп изјави дека ќе разговара телефонски со рускиот претседател Владимир Путин во понеделник, 19 мај.

Разговорот со рускиот лидер е закажан за 10 часот наутро по американско време, а главните теми ќе бидат завршувањето на конфликтот во Украина, кој одзема животи на голем број и Руси и Украинци, а втората тема ќе биде трговијата, напиша Трамп на својата социјална мрежа „Truth“.

После тоа, тој ќе разговара и со Владимир Зеленски.

Американскиот претседател исто така има намера да разговара со неколку лидери на земјите-членки на НАТО.

„Се надевам дека ќе биде успешен ден, дека ќе се постигне прекин на огнот и дека војната, која никогаш не требаше да се случи, ќе заврши“, рече Трамп.

Најмалку 16 лица загинаа во силна бура и торнадо што ги погодија делови од американските држави Мисури и Кентаки од петокот навечер до утрово, соопштија денес официјални лица.

Според шерифот Џон Рут, девет лица се убиени во округот Лорел, Кентаки, а голем број луѓе се сериозно повредени, пренесува „NBC News“.

Тој рече дека торнадо го погоди Кентаки доцна синоќа и дека потрагата по преживеани продолжува.

Официјалните лица соопштија дека пет лица загинале во Сент Луис, а уште две во округот Скот, во југоисточен Мисури.

Официјални лица од Сент Луис изјавија дека повеќе од 5.000 домови биле погодени од силната бура.

Have y’all seen the WebCam from the Gateway arch in St. Louis that captured the tornado coming into the city? pic.twitter.com/243o0GPBRN

— USMC Lady Vet 🇺🇸 (@Arkypatriot) May 17, 2025

Портпаролот на Детската болница „Сент Луис“ и болницата „Барнс-Џуиш“ синоќа изјави дека установите примиле вкупно најмалку 35 пациенти – Детската болница примила 15, додека „Барнс-Џуиш“ примила најмалку 20, а можеби и 30 повредени во бурата.

Како што изјави портпаролот синоќа, сите пациенти во Детската болница треба да бидат пуштени дома, освен двајца. Медиумите претходно објавија дека еден пациент е во критична состојба.

Голем број пациенти во болницата „Барнс-Џуиш“ исто така требаше да бидат отпуштени, додека голем број се во сериозна состојба.

Портпаролот на полицијата во Сент Луис, Мич Мекој, изјави дека операциите за пребарување и спасување се во тек со помош на патролата на државните автопатишта на Мисури и службите за итни случаи од околните окрузи.

Top floor of my daughter’s apartment building blown off just now in St Louis tornado. pic.twitter.com/2op2RXeF0n

— Martha Husain (@MarthaHusain) May 16, 2025

Спасувачките екипи бараа преживеани во темнината во Сент Луис откако повеќе од 40.000 клиенти останаа без струја доцна синоќа.

Според „PowerOutage.us“. во државата Мисури, повеќе од 97.000 корисници останаа без струја.

Телевизијата „KSDK“ објави дека вчера две торнада можеби го погодиле загрозеното подрачје.

Националната метеоролошка служба соопшти дека работи на потврдување на второ торнадо.

Двегодишно момче паднало од 15 ти кат на облакодер во близина на главниот град на САД, Вашингтон, и преживеало, објавија американските медиуми.

Падот од балконот на станот наводно бил ублажен од грмушки на земја, според портпаролот на локалната противпожарна служба во округот Монтгомери, Мериленд.

Не е јасно како се случила несреќата.

„Покрај тоа, тој е сè уште многу мало момче, што веројатно помогна“, изјави портпаролот на телевизиската станица АБЦ.

„Неговата возраст, големина и тежина се она што навистина помогна, бидејќи ако беше потежок, можеби немаше да преживее… Мислам дека тоа беше комбинација од таа грмушка што беше таму, таа грмушка и неговата големина и тежина“, рече портпаролот на противпожарната служба.

Момчето си ја скрши раката при падот. Како се случила несреќата сè уште е нејасно.