Свет
Масовно откажување од АДСЛ или пониски цени

Корисниците брзиот интернет – АДСЛ услугата во понеделникот го предупредија “Македонски телекомуникации” дека ќе ги раскинат двогодишните договори ако денеска до 10 часот Телеком не ги повлече новововедените ценовни зголемувања
СУРФЕРИТЕ ГО УСЛОВИЈА ТЕЛЕКОМ СО РАСКИНУВАЊЕ НА ДОГОВОРИТЕ ЗА БРЗ ИНТЕРНЕТ
Корисниците брзиот интернет – АДСЛ услугата во понеделникот го предупредија “Македонски телекомуникации” дека ќе ги раскинат двогодишните договори ако денеска до 10 часот Телеком не ги повлече новововедените ценовни зголемувања
Корисниците на брзиот интернет – АДСЛ услугата го предупредија “Македонски телекомуникации” дека ќе ги раскинат договорите ако денеска до 10 часот Телеком не ги повлече новововедените ценовни зголемувања. Согласно претплатничките договори корисниците се обрзани услугата да ја користат две години и ако го раскине договорот предвреме претплатникот е обврзан да плаќа казна. Телеком на претплатниците им даде 15 дена рок во кој можат да ги раскинат договорите без да ги плаќаат казните. Но, корисниците најавуваат дека ќе поднесат тужби против операторот со барање за отштета ако одлучи сепак да ги наплаќа казните. “Промените се во спротивност со постојните договори потпишани со “Македонски телекомуникации”, како и со Законот за електронски комуникации и со Законот за заштита на потрошувачите”, се вели во петицијата, која АДСЛ корисниците во понеделникот ја доставија до Телеком. Незадоволните претплатници го обвинуваат Телеком дека од профитерски мотиви ја вовел промената која се косела со заложбите определени во Националната стартегија за информатичко општество. Претплатниците се револтирани и зашто Телеком за измените ги информирал преку објава во дневните весници.
Организацијата на потрошувачи на Македонија (ОПМ) од Телеком побара наместо 15 дена, на корисниците да им даде 30 дена за раскинување на договорот поради промената на договорните услови за користење АДСЛ. “Потрошувачите мора да имаат право на раскинување на договорот без последици. Согласно Законот за електронски комуникации, претплатниците мора да бидат информирани за сите измени во условите наведени во претплатничкиот договор во рок не пократок од 30 дена пред воведување на измените, како и за правото дека во истиот период, без известување или последици можат да го раскинат претплатничкиот договор”, велат од ОПМ и дополнуваат дека за постапката на Телеком ќе разговараат и на седница на Советот на потрошувачи на која ќе поканат претставници на “Македонски телекомуникации”, на Државниот пазарен инспекторат, на Агенцијата за електронски комуникации, како и на Комисијата за конкуренција.
На 30-ти минатиот месец, Телеком преку оглас ги извести корисниците на АДСЛ услугите дека почнувајќи од 1 ноември годинава, по надминување на наведениот месечен сообраќај, веќе нема да ја намалува брзината на пристапот на услугата, туку ќе наплатува 175 денари без ДДВ за секои наредни 512 мегабајти почнат сообраќај. Според договорот за користење АДСЛ, “Македонски телекомуникации” може еднострано да ги менува условите на услугата што им ја дава на потрошувачите. (Т.Ј.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.
Свет
Пожарникар почина од срцев удар додека гаснеше пожар во Турција

Шумски пожари што беснеат низ Турција со недели му се заканија на четвртиот по големина град во земјата, Бурса, во северозападна Турција, денеска принудувајќи повеќе од 1.700 луѓе да ги напуштат своите домови, и веќе има еден загинат еден пожарникар.
Пожарите што избувнаа во пошумените планини околу Бурса се проширија брзо. Десетици големи шумски пожари ја погодуваат земјата секој ден од крајот на јуни, а владата во петокот прогласи две западни провинции, Измир и Билеџик, за зони погодени од катастрофа.
Канцеларијата на гувернерот на Бурса денеска објави дека 1.765 луѓе се безбедно евакуирани од село на североисток, додека повеќе од 1.900 пожарникари се борат со пламените јазици.
– Пожарникарот почина од срцев удар додека беше на работа, изјави градоначалникот на градот, Мустафа Бозбеј, додавајќи дека пламените јазици изгореле 3.000 хектари околу градот. Орхан Сарибал, опозицискиот парламентарец за покраината, ја опиша сцената како „апокалипса“.
Невообичаено високите температури за оваа сезона, сушните услови и силните ветрови ги поттикнуваат пожарите.