Свет
ЕУ да се шири без нови условувања

ЕУ да не се фати во замката на изолационизам, поради актуелната глобална економска криза и треба да продолжи со прием на нови членки без дополнителни
ЕУ да не се фати во замката на изолационизам, поради актуелната глобална економска криза и треба да продолжи со прием на нови членки без дополнителни условувања
Ова денеска го порача чешкиот премиер и актуелен претседавач со Унијата Мирек Тополанек на отворањето на Меѓународната конференција „Проширувањето на ЕУ пет години подоцна“ во Прага.
Тополанек особено истакна дека Унијата треба да продолжи со процесот на проширување без пред било кој да подига вештачки бариери со некакви нови услови.
Чешкиот премиер, заедно со шефот на Европската комисија Жозе Баросо, е организатор на еднодневниот собир во Прага, на петтата годишнина од големото проширување на Европската унија
Цел на конференцијата е да се предочи користа од влезот на посткомунистичките земји во 2004 и 2007 и да се укаже дека иста корист ќе донесат и нови проширувања.
„Ние пред 40 години живеевме во комунистичка зоолошка градина, но, не престанавме да бидеме Европејци. Животот во кафезот не направи од нас тоталитарни животинчиња“, рече Тополанек.
Тој нагласи дека затоа нема апсолутно каква и да е причина ЕУ сега да одбива некои земји кои чуваат на нејзината врата„ само затоа што и се чини дека се сиромашни или премногу историски или културно различни“„Никако не смее да се прават нови бариери во вид на некакви дополнителни услови.
Критериумите од Копенхаген не се лични, тие се строг, но правичен тест колку сериозно земјите аспиранти мислат да се интегрираат во ЕУ и колку се подготвени за тоа“, нагласи чешкиот премиер./крак/б/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп вели дека состанок за прекин на огнот во Украина организираат Путин и Зеленски

Американскиот претседател Доналд Трамп изјави дека неговиот украински колега Володимир Зеленски и рускиот претседател Владимир Путин ќе одржат состанок за да се обидат да постигнат прекин на огнот и да ја прекинат војната во Украина.
„Навистина зависи од претседателот Зеленски да го стори тоа сега. Исто така, би рекол дека европските земји треба малку да се вклучат. Но, зависи од претседателот Зеленски. Ако сакаат, ќе бидам на следниот состанок“, рече Трамп во интервју за „Фокс њуз“ по средбата со Путин во Алјаска.
„Претпоставувам дека сега ќе закажат состанок меѓу претседателот Зеленски, претседателот Путин и мене“, додаде тој.
На прашањето каков совет би му дал на Зеленски, Трамп рече дека би му препорачал на украинскиот претседател „да склучи договор – Русија е многу голема сила“.
Свет
Владимир Путин доби писмо од Меланија Трамп за киднапираните деца за време на војната во Украина

Сопругата на американскиот претседател Доналд Трамп, Меланија, го покрена прашањето за тешката положба на децата во Украина и Русија во писмо до рускиот претседател Владимир Путин. Трамп лично му го предаде писмото на Путин за време на нивниот состанок во Алјаска, изјавија за американски медиуми претставници на Белата куќа.
Меланија Трамп не го придружуваше својот сопруг во Алјаска.
Претставниците на Белата куќа не открија детали за содржината на писмото, но рекоа дека во него се споменува киднапирањето деца за време на војната во Украина.
Киев го нарече киднапирањето на илјадници деца во Русија или на територии окупирани од руските сили без согласност на нивните родители или старатели – воено злосторство што ги исполнува дефинициите на ОН за геноцид.
Москва претходно изјави дека ги штити ранливите деца од воените зони.
Високиот комесар на ОН за човекови права изјави дека Русија предизвикала страдање на милиони украински деца и ги прекршила нивните права од почетокот на нејзината целосна инвазија на Украина во 2022 година.
Регион
Шестмина припадници на полицијата се повредени за време на синоќешните протести во Србија

Министерот за внатрешни работи на Србија, Ивица Дачиќ изјави дека за време на синоќешните протести имало драстично нарушување на јавниот ред и мир и брутален напад врз полицијата, и дека, според досегашните податоци, повредени се шестмина припадници на полицијата.
„Шест полицајци се повредени, според информациите што ги имаме во моментов, а 38 лица се приведени. Секој можеше да види во преносот во живо дека имало брутален напад врз полицијата, дека демонстрантите дошле со намера да ги нападнат полицајците, да ги повредат“, рече Дачиќ.
Тој изјави дека вечерта немало поддржувачи на Српската напредна партија, што, како што рече, не ги спречило демонстрантите да ги нападнат просториите на таа партија низ цела Србија, и додаде дека на некои места биле нападнати и просториите на Социјалистичката партија на Србија.