Свет
На тендерот за "Злетовица" ќе конкурираат и македонски фирми?
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-1612.jpeg)
Идната недела треба да биде објавен тендер за изградба на хидросистемот ”Злетовица”, на кој се очекува дека ќе можат да конкурираат и македонските градежни фирми.
За идната недела се најавува објавување нов конкурс со изменети услови
НИНА НИНЕСКА-ФИДАНОСКА
Идната недела треба да биде објавен тендер за изградба на хидросистемот ”Злетовица”, на кој се очекува дека ќе можат да конкурираат и македонските градежни фирми. Како што е познато, за изведба на овој капитален објект, за кој Владата во 2003 година доби јапонски кредит тежок 80 милиони евра, претходно беа наведени многу строги услови за градежните компании, што всушност значеше елиминирање на домашните фирми од градежната оператива. Според информации кои доаѓаа од македонските градежници, целта на ригорозните критериуми била да се исклучат нашите компании од учеството на тендерот, со цел овие милионски зделки да ги добијат јапонски фирми.
Токму од тие причини, Владата реши да ги преиспита условите со кои Јапонците го условуваа кредитот доделен од јапонската банка. На својата седница одржана пред десетина дена, владиниот кабинет одлучил да се пролонгира рокот за објавување на тендерот, со цел да се променат строгите услови за учество кои се бараа од фирмите. Целта е на овој јавен конкурс да можат да се пријават и македонски компании, а не тие од старт да бидат отстранети од големиот градежен ”колач” што го носи оваа зделка. ”Сите наши градежни компании се и тоа како способни да учествуваат во изградбата на хидросистемот ”Злетовица”. Тие се познати по хидроградба, така што нема никаква причина да не можат да конкурираат на тендерот. Затоа Владата бара да се објави нов конкурс, на кој ќе им се даде шанса и на домашните компании”, велат извори во Владата.
За главното прашање, дали Јапонците ќе се согласат со новите услови, во Владата веруваат дека ќе има позитивен исход. Неофицијално, се очекува дека и јапонската банка ќе се согласи малку да ”омекнат” строгите критериуми што претходно ги бараше.
Инаку, хидросистемот ”Злетовица” треба да Ј обезбеди здрава вода за пиење на речиси половина Источна Македонија, па затоа е многу битно изведбата на проектот што е можно побргу да стартува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Асанж пристигна во Австралија: емотивна средба со сопругата и неговиот татко
![](https://makfax.com.mk/wp-content/uploads/2024/06/677z381_asanz-kanbera.jpg)
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
![](https://makfax.com.mk/wp-content/uploads/2022/03/kremlj-moskva.jpg)
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
![](https://makfax.com.mk/wp-content/uploads/2023/04/zatvor-960x614.jpg)
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.