Свет
НАТО го осуди лансирањето на севернокорејската ракета
НАТО го осуди денеска лансирањето на севернокорејската ракета со голем дострел, јавија агенциите
НАТО го осуди денеска лансирањето на севернокорејската ракета со голем дострел, јавија агенциите.
„Лансирањето само ќе придонесе за поголема загриженост поради Северна Кореја во регионот и пошироко и ќе ги усложни шестраните преговори (за севернокорејската нуклеарна програма), се наведува во соопштението на генералниот секретар на НАТО, Јаап де Хоп Шефер.
Генералниот секретар апелираше до Пјонгјанг „да прекине со провокациите и да го почитува мораториумот на лансирање на ракети со голем домет“.
Северна Кореја и покрај меѓународните протести, ја лансираше ракетата со голем дострел, прогласувајќи го тоа како нов успех на патот кон технолошка и вселенска модернизација.
Многу држави денеска остро реагираа на лансирањето, барајќи итно свикување седница на Советот за безбедност на Обединетите нации, која што е закажана за вечерва.
Иако севернокорејската агенција извести дека сателитот е успешно лансиран, Сеул соопшти дека сателитот не стигнал до орбитата. Северната команда на американските сили соопшти дека дел од ракетата паднал во Јапонското Море, а друг дел паднал во Тихиот Океан./крај/он/бе/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.