Свет
Рок од 24 часа за предавање на Тамилските тигри
Властите на Шри Ланка им дадоа рок од 24 часа на побунетите Тамилски тигри да се предадат, или во спротивно, ќе се соочат со конечен напад на
Властите на Шри Ланка им дадоа рок од 24 часа на побунетите Тамилски тигри да се предадат, или во спротивно, ќе се соочат со конечен напад на војската.
Повикот следи откако владините сили претходно спасиле 35.000 цивили од последниот дел од територијата под контрола на бунтовниците.
Ултиматумот на Владата до Тамилските тигри би требало да го оконча бунтот и 25-годишната граѓанска војна на Шри Ланка, во која загинаа повеќе од 70.000 луѓе. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Деца починаа од предизвик на „Тик ток“, родителите ја тужат социјалната мрежа
Родителите на четворица британски тинејџери го тужеа „Тик ток“ поради смртта на нивните деца, тврдејќи дека била резултат на натпревар со предизвик на социјалната мрежа.
Родителите тврдат дека нивните деца на возраст од 12 до 14 години починале додека учествувале во „предизвикот онесвестување“, кој стана популарен на социјалната мрежа во 2021 година, јави Гардијан.
Правниот центар за жртви на социјалните медиуми со седиште во САД пред два дена поднесе тужба во име на родителите против „Тик ток“ и нејзината кинеска матична компанија.
Свет
Трамп: Најверојатно ќе се сретнам со Зеленски следната недела
Американскиот претседател Доналд Трамп рече дека неговиот план за Појасот Газа, според кој САД ќе ја преземат контролата врз палестинската територија што ќе биде испразнета од нејзините жители за да може повторно да се изгради, не бара „брзање“.
„Апсолутно нема брзање“, рече американскиот претседател.
Тој вчера изјави дека Газа „ќе биде предадена на САД од Израел на крајот на борбите“. Дотогаш, Палестинците „веќе ќе бидат преселени“ на друго место во регионот, особено во Египет или Јордан.
Двете земји ја отфрлија таквата опција, што исто така предизвика меѓународни критики, со предупредување од ОН дека тоа може да биде „етничко чистење“. Тоа беше жестоко отфрлено и од Хамас и од палестинската управа на Западниот Брег.
Во денешното кратко обраќање пред новинарите во Овалната соба, Трамп исто така рече дека „најверојатно“ ќе се сретне со украинскиот претседател Володимир Зеленски следната недела.
„Веројатно ќе се видиме следната недела“, рече тој.
Повтори дека има намера да се сретне и со рускиот претседател Владимир Путин. За време на неговата кампања, Трамп вети дека веднаш ќе стави крај на војната во Украина по неговото враќање на власт.
Свет
Зеленски: Подготвен сум за договор со САД за ретките метали
Украинскиот претседател Володимир Зеленски денеска изјави дека Киев е подготвен да постигне договор со американскиот претседател Доналд Трамп за тоа Украина да ги снабдува САД со ретки метали во замена за финансиска поддршка во конфликтот против Русија.
Ако зборуваме за договор, ајде да направиме договор, ние сме за тоа, рече Зеленски во рзговор со Ројтерс.
Тој нагласи дека Украина треба да добие безбедносни гаранции од сојузниците како дел од секој договор.
Зеленски рече дека помалку од 20 отсто од минералните ресурси на Украина се под руска окупација, вклучително и околу половина од нејзините наоѓалишта.
„Треба да го запреме Путин и да го заштитиме она што го имаме, многу богатиот регион Днепар, централна Украина“, рече Зеленски.
Ретките земјени метали се важни за производство на магнети со високи перформанси, батерии за електрични мотори, како и електроника за широка потрошувачка, забележува агенцијата.
Зеленски рече дека Русија може да ги обезбеди овие ресурси на своите сојузници, имено Северна Кореја и Иран.
За време на интервјуто, Зеленски ја отвори картата на Украина на која се прикажани наоѓалиштата на овие метали, истакнувајќи дека Украина ги има најголемите европски резерви на титаниум, неопходни за воздухопловната и вселенската индустрија, како и ураниум, кој се користи за нуклеарна енергија и оружје.
Според таа карта, околу половина од наоѓалиштата се на руската страна на сегашните линии на фронтот, при што многу од наоѓалиштата на титаниум се наоѓаат на северозападот на земјата, далеку од борбите.
Украинскиот претседател нагласи дека Киев не предлага „подарок“ на ресурси, туку нуди „заемно корисно партнерство“.
Зеленски, исто така, рече дека Русија детално знае каде се клучните ресурси на Украина благодарение на геолошките истражувања од советската ера, кои беа префрлени во Москва кога Украина се отцепи од Советскиот Сојуз.
Тој изјави дека Киев и Вашингтон разговараат за складирање на американскиот течен нафтен гас (ТНГ) во складиштата во Украина.