Свет
Владата и плати на ,,Канадска пошта" пенали од 208.494 канадски долари
Откажувањето на влезот на ,,Канадска пошта” во нашето Јавно претпријатие “Македонска пошта” ја чини државата 208.494 канадски долари.
Колку ја чини државата што го одби влезот на Канаѓаните во ЈП †Македонска пошта”
ВЕРЧЕ ГЕОРГИЕВСКА
Откажувањето на влезот на ,,Канадска пошта” во нашето Јавно претпријатие “Македонска пошта” ја чини државата 208.494 канадски долари. Толку пари им се исплатени на Канаѓаните кои беа заинтересирани да ја преземат нашата пошта. Државата и претставниците на ,,Канадска пошта” преговараа две години, за на крајот Владата да одлучи дека не ни се потребни Канаѓаните, кои се светски лидер во поштенското работење. ,,Канадска пошта” понуди инвестиција од 40 милиони евра, а од нашата Влада ја побара поштата без пари во наредните 20 години, со ветување дека “Македонска пошта” ќе биде регионален центар и профитабилна фирма. Но, откако Владата одлучи да не Ј дозволи влез на Канадска пошта, што во јавноста се прокоментира како голема грешка, на Канаѓаните во име на пенали им се исплатени 208.494 канадски долари.
До ова сознание дошол Државниот завод за ревизија при финансиската контрола на јавното поштенско претпријатие, кога открил дека “Македонска пошта” Ј исплатило на Канадска пошта голема сума пари, и тоа по писмен налог на Министерството за транспорт и врски, но без одобрение на Владата, кршејќи го Законот за јавни претпријатија и член 17 од Законот за поштенските услуги.
Средствата се уплатени на име компензација за хонорари и трошоци на ,,Канадска пошта”, согласно Протоколот во врска со Договорот за заеднички проект за обезбедување на поштенски и поштенско-банкарски услуги. Иако “Македонска пошта” подоцна ги побарала парите од Министерството за транспорт и врски, јавното претпријатие не ги добило на своја сметка средствата кои Ј ги исплатила на ,,Канадска пошта”, по налог на Министерството.
Во рамките на финансиската контрола, извршена од април до јули годинава, се констатирани низа пропусти од страна на раководството на “Македонска пошта” во текот на работењето во 2004 година. Според Државниот завод за ревизија, кој својот извештај за работата на “Македонска пошта” го има објавено на својата Интернет-страница, директорот на јавното претпријатие “Македонска пошта” и неговиот заменик примале плата во изминатата година врз основа на Одлука за определување на плата, донесена од Управниот одбор на 14 март 2000 година, а без соодветен писмен акт од Владата, како основач на претпријатието. Без согласност на Владата, на директорот и заменик-директорот во 2004 година им се исплатени плати во износ од 22.000 евра. Исплатата на плати за директорот и неговиот заменик врз основа на интерна одлука, а не врз основа на акт на Владата, е спротивно на член 2 од Законот за плати.
Директорот на “Македонска пошта”, Таип Јакупи, во изминатата година, како што стои во Извештајот, вршел и набавки без спроведување на јавен тендер. Така, без тендер, во 2004 година се потрошени над 300.000 евра за јавни набавки. Набавката на материјали или, пак, услуги во вредност над 3.000 евра, како што стои во Законот за јавни набавки предвидува распишување на тендер.
Директорот на ЈП “Македонска пошта”, Таип Јакупи, коментирајќи го Извештајот од Државниот завод за ревизија, вели дека не гледа ништо спорно во однос на платите, бидејќи одлуката ја донел Управниот одбор на претпријатието, формиран од Владата. Тој како прв човек на “Македонска пошта” е категоричен дека нема право да се меша во одлуката на Одборот, но секако тој како менаџер одговара пред ова тело за работењето на компанијата. Што се однесува до средствата исплатени на Канадска пошта по налог на Министерството за транспорт и врски, Јакупи потврдува дека министерството сў уште не им ги вратило парите во висина од 208.494 канадски долари. “Ние имаме побарување од Министерството за транспорт и врски, но не знаеме кога ќе ни бидат вратени парите”, вели директорот на “Македонска пошта”.
“Од Државниот завод за ревизија беа фасцинирани од нашето работење, имајќи ја предвид големината на нашето претпријатие. Има ситни грешки, но тие не се страшни”, додава директорот на “Македонска пошта”, Таип Јакупи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ја забрани употребата на Телеграм на официјалните уреди на службениците
Украина ја забранува употребата на апликацијата за пораки Телеграм на официјални уреди што ги користат владини функционери, војска и друг клучен персонал поради загриженост за руска шпионажа, соопшти денеска украинскиот Совет за национална безбедност и одбрана.
Безбедносното тело ги објави новите ограничувања откако Кирил Буданов, шеф на украинската воена разузнавачка агенција ГУР, му претстави на Советот докази за способноста на руските специјални служби да ја следат платформата, се вели во соопштението.
Во соопштението на Советот за безбедност се наведува дека Буданов дал докази дека руските специјални служби можеле да пристапат до пораките на Телеграм, вклучувајќи избришана содржина, како и лични податоци на корисниците.
Свет
(Видео) Израелците го нападнаа Бејрут, цел бил Ибрахим Акил, командант на операциите на Хезболах
Густ облак од чад се издигна над главниот град на Либан Бејрут откако израелската војска соопшти дека извршила „цеден напад“. Жителите на јужните предградија пријавиле дека слушнале силна експлозија, пренесува Ројтерс.
BREAKING: A security source in Lebanon:
“Israeli bombing targeted the southern suburb of Beirut. It is not yet known whether a specific person was targeted, but the damage is great.” pic.twitter.com/EvMBFxOa24
— Sulaiman Ahmed (@ShaykhSulaiman) September 20, 2024
Израелците не дадоа никакви детали за нападот, но нагласија дека нема промена во советите за израелските цивили да останат безбедни. Нападот на Бејрут се случи откако Хезболах истрела 140 ракети во северен Израел.
Новата размена на оган доаѓа по серијата експлозии на комуникациски уреди во вторникот и средата, при што загинаа најмалку 37 лица, меѓу кои две деца, а повеќе од 3.000 беа ранети во Либан.
Либанската влада и милитантната група Хезболах го обвинија Израел за нападот. Тел Авив не ги коментираше тие наводи, но министерот за одбрана Јоав Галант најави дека Израел влегува во „нова фаза“ од војната.
Цел на израелското гранатирање на Бејрут бил Ибрахим Акил, командант на операциите на Хезболах, објави израелското воено радио.
Медиумите јавуваат дека Акил е убиен во овој напад, а тој е еден од клучните луѓе на Хезболах, за чија глава Америка понудила дури седум милиони долари.
Новинската агенција АФП цитираше извор близок до Хезболах дека Акил бил убиен во нападот.
Американското Министерство за правда понуди награда од 7 милиони долари за информации за клучниот лидер на Хезболах Ибрахим Акил.
Свет
Либанско Министерство за здравство: Најмалку осум загинати и 59 ранети во израелскиот напад
Во денешниот воздушен напад на израелската армија на периферијата на Бејрут загинаа најмалку осум лица, а 59 се ранети, соопшти либанското Министерство за здравство, пренесува Ројтерс.
Израелската војска претходно денеска соопшти дека извршила „целен напад“ врз либанската престолнина, додека два безбедносни извори изјавија за Ројтерс дека е погодено јужно предградие на Бејрут и дека цел бил лидер на Хезболах.
Нападот погодил локации во близина на клучни објекти што ги користи Хезболах, објави британската агенција, повикувајќи се на неименувани безбедносни извори во Либан.