Полицијата во Хонг Конг соопшти дека денеска уапсила тројца мажи заради тестирање експлозиви од домашно производство, за кои се сомневаат дека се наменети за користење на протестите во градот .

Апсењата следеле по откривањето на неколку експлозивни направи, јави „АП“.

На почетокот на неделата полицијата соопшти дека биле деактивирани две бомби од домашна изработка што можеле да бидат активирани со мобилни телефони.

Медиумите потсетуваат дека полицијата во текот на летото заплени околу два килограма експлозивна материја што се користи во нападите на милитантите ширум светот.

Едно лице почина, а петмина се повредени на југозападот од Франција заради силните ветрови што на атлантското крајбрежје дуваа со јачина од 140 километри на час, јавија француските медиуми.

Околу 400.000 домови останаа без електрична енергија, соопштија локалните власти.

Како што се наведува, животот го загубил 70-годишен возач на автомобил кој налетал на урнато стебло на патот, објавија пожарникарите.

Ветрот туркал стебла врз возила на патиштата, при што пет други лица биле повредени, од кои двајца се наоѓале во тешка сосотјба, пренесе каналот Њуз Азија.

Силните ветрови го кренале покривот на едно училиште, но оттаму нема информаци за повредени.

Портокалова узбуна е прогласена во 23 департмани од југозападот и северот на земјата, како и на Алпите и на Корзика, главно заради силните ветрови и поплавите.

И на Медитеранот се забележани силни ветрови кои создадоа прекин во електричната енергија на брегот.

На кратко во прекин беше железничкиот и поморскиот сообраќај, а имаше и одложување на авионски летови.

На Алпите, француската метеоролошка служба предупреди на опасност од лавини.

Британскиот премиер Борис Џонсон и порача на шкотската лидерка Никола Старџен дека нема да има нов рефердендум за независност на Шкотска.

Тој рече дека мора да се почитува резултатот од претходното изјаснување на граѓаните во 2014 година.

Лидерката на Шкотската национална партија (СНП) Никола Старџен вчера изјави дека сега е време земјата да одлучи за својата иднина и дека нејзината администрација следната недела ќе ги отвори правните процедури за распишување референдум за независност.