Свет
Клинтон не исклучува израелски удар врз Иран
Американскиот државен секретар, Хилари Клинтон не ја отфрли можноста Израел да изврши воен удар врз Иран
Американскиот државен секретар, Хилари Клинтон не ја отфрли можноста Израел да изврши воен удар врз Иран.
Ова е прв пат висок претставник на администрацијата на американскиот претседател Барак Обама отворено да говори за оваа можност, пишува „Тајмс“.
Клинтон говорејќи неколку дена пред изборите во Иран, кои ќе ја одредат судбината на претседателот Махмуд Ахмадинеџад, исто така предупреди дека државата ќе се соочи со одмазда доколку изврши нуклеарен напад врз Израел.
Клинтон изгледа подготвена да го обесхрабри иранското раководство говорејќи за превентивен напад „на начинот на кој што го нападнавме Ирак“. Таа рече дека се обидува да се постави во улога на иранското раководство, но додаде оти Техеран „може да има некои други непријатели што би им го направиле тоа ним“ (превентивен напад).
Според „Тајмс“, Клинтон со оваа порака јасно мислела на Израел, каде премиерот Бенјамин Нетанјаху, зборува за можноста за воена акција за стопирање на иранската нуклеарна програма, која тој ја смета за закана за еврејската држава./крај/т/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Инцидент пред посетата на Трамп: маж нападна полицаец со нож во близина на американската амбасада во Токио
Маж вооружен со нож е уапсен денес во близина на амбасадата на САД во Токио, објавија јапонските медиуми, а инцидентот се случил неколку дена пред планираната посета на американскиот претседател Доналд Трамп на јапонската престолнина.
Еден полицаец е повреден во нападот, но степенот на неговите повреди е непознат, објави TBS News, според полициски извори.
Мотивот за нападот засега е непознат.
Трамп ќе се сретне со јапонскиот цар Нарухито и новоизбраниот премиер Санае Такаичи за време на неговиот престој во Јапонија од 27 до 29 октомври, објави јапонската влада, според Ројтерс.
Полициската управа во Токио мобилизирала дополнителни 18.000 луѓе за да ја зголеми безбедноста за време на посетата, објави претходно Kyodo News.
Фото: принтскрин
Регион
Силно невреме ја зафати Хрватска: паднати дрвја, покриви
Силниот дожд и ветер предизвикаа проблеми во делови од Хрватска, а особено драматично беше во Загреб, Славонија и Меѓумурје, каде што пожарникарите имаа полни раце работа, пренесуваат тамошните медиуми.
Пожарникарите од Загреб реагираа на 66 интервенции. Повеќето од нив вклучуваа отстранување на паднати дрвја, метални лимови, покриви и огради, испумпување вода и отстранување на заштитни огради и електричен столб.
Иако времето се смири, пожарникарите ги повикаа жителите на Загреб да бидат внимателни поради преостанатите скршени гранки или други штети.
Бурата погоди делови од Осиечко-барањскиот округ во текот на ноќта, каде што илјадници жители останаа без струја поради прекини во електричната мрежа. Пожарникарите работеа цела ноќ за да ги отстранат паднатите дрвја и другите пречки од патиштата.
До утрото, сите патишта беа проодни, а прекините во електричната мрежа постепено се санираат.
Илјадници без струја
Според податоците од Центарот 112 Осиек, првиот проблем започнал непосредно пред 2 часот наутро кога силните ветрови и активирањето на системот за заштита оставиле делови од населбите без струја, известува SiB.
Некои од дефектите беа поправени во текот на ноќта, а службите сè уште се на терен и работат на поправки.
Фото: принтскрин
Свет
Орбан: Истражуваме начини за заобиколување на американските санкции врз руските нафтени компании
Унгарскиот премиер Виктор Орбан денес изјави дека земјата интензивно истражува начини за заобиколување на американските санкции воведени врз руските нафтени компании.
Орбан нагласи за државното радио „Кошут“ дека разговарал за оваа тема со претставници на унгарската нафтена и гасна компанија МОЛ, објави Ројтерс.
Американскиот претседател Доналд Трамп во средата воведе санкции против Русија за прв пат во својот втор мандат, насочени кон Лукоил и Роснефт.
Фото: принтскрин

