Свет
Некој ќе се збогати ако Зоолошката стане градежна зона
Градските власти немаат идеја за што ќе се искористи просторот каде што сега се наоѓа Зоолошката градина ако се остварат најавите на градоначалникот Трифун Костовски таа да се премести на Водно или на некоја друга локација.
Градските власти немаат идеја за што ќе се искористи просторот каде што сега се наоѓа Зоолошката градина ако се остварат најавите на градоначалникот Трифун Костовски таа да се премести на Водно или на некоја друга локација.
Веќе почнаа шпекулациите дека ако овој простор од речиси десет хектари се претвори во градежна зона, некои луѓе ќе заработат огромни пари од изградбата и од продажбата на станови. Како што е познато, Зоолошката градина се наоѓа на мошне атрактивна локација, веднаш до Градскиот парк.
Според податоците од агенциите за недвижности, еден квадратен метар градежно земјиште на тоа место би се продавал за најмалку 200 евра, а таа цена би можела да биде и трипати повисока, ако се знае дека „Веро“ го купи плацот наспроти Народната банка за 510 евра по квадрат. Тоа значи дека за оваа зона од над 96.000 квадратни метри би се инкасирале од 19 до 48 милиони евра. Цената на становите во оваа зона, пак, според огласниците, би била околу 1.000 евра за обичните, а над 1.500 евра од квадрат за поексклузивните апартмани.
За да се премести Зоолошката градина, треба да се промени Генералниот урбанистички план. Постапката за промена почна, но се очекува да трае две до три години. Градските власти најавија дека ќе го испитуваат пулсот на јавноста за оваа идеја.
– Се уште не сме размислувале за тоа што би било со просторот каде што се наоѓа Зоолошката градина, затоа што сакаме да видиме какви ќе бидат реакциите на граѓаните по најавите на градоначалникот дека таа треба да се премести. Ако увидиме дека нема расположение за нова локација, воопшто нема да го осмислуваме тој простор – велат од градската управа.
Оттаму додаваат и дека државата на градот му ги пренела само културните институции, меѓу кои и Зоолошката градина, но не и земјиштето на кое тие се наоѓаат. Затоа, ако се премести Зоолошката, и централната власт ќе одлучува како да се искористи просторот, затоа што тој останува во нејзина сопственост.
Виолета Аларова, градоначалничката на општината Центар, смета дека треба да се искористи шансата да се прошири Градскиот парк.
– Треба да се поддржи идејата на градоначалникот Костовски да се премести Зоолошката на место каде што би имало подобри услови за животните. Но јас сум против овој простор да се направи градежна зона. Градскиот парк со години се стеснуваше, а со евентуалното преместување на Зоолошката, конечно би добиле шанса да го прошириме. Тоа би било одлично место за рекреација, а во него може да се направи и мала зоолошка градина, со птици и со мали животни – смета Аларова.
Г. Т.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Германскиот министер за надворешни работи: Упадот со беспилотни летала во Полска покажува дека Москва е подготвена за ескалација на конфликтот
Германскиот министер за надворешни работи Јохан Вадефул денес изјави дека фактот што руските беспилотни летала нелегално влегле во полскиот воздушен простор за време на нападот врз Украина покажува дека Москва е подготвена за ескалација на конфликтот, поради што НАТО мора да биде обединет и мора да следи одговор.
„Русија неодговорно прифати опасна ескалација“, рече Вадефул на прес-конференција со својот холандски колега Давид ван Вел, пренесува Ројтерс. Според него, за жал, е јасно дека дури и по три години, Москва сè уште не е подготвена сериозно да преговара за мир.
„Напротив, Кремљ сака да ја потчини Украина со сила. Ние мораме и сакаме да одговориме на тоа со јасен став“, додаде Вадефул, пренесува Танјуг.
Полските власти утрово објавија дека собориле неколку руски беспилотни летала што го нападнале полскиот воздушен простор синоќа, и дека остатоците од едно се пронајдени во близина на Лублин, додека европските претставници изјавија дека станува збор за намерен руски упад.
Портпаролот на руското претседателство, Дмитриј Песков, изјави дека раководството на ЕУ и НАТО секојдневно ја обвинува Русија за провокации, најчесто без да се обиде да изнесе какви било аргументи, додека вршителот на должноста амбасадор на Русија во Варшава, Андреј Ордаш, изјави дека Полска не доставила докази за наводното руско потекло на беспилотните летала соборени над нејзина територија.
Фото: принтскрин
Свет
(Видео) Големи протести во Франција: судири меѓу учесниците и полицијата
Околу 3.000 луѓе ги започнаа денешните големи протести во Франција. Полицијата веќе уапси околу 200 учесници во насилните демонстрации.
Средношколци исто така се придружија на протестите, блокирајќи го пристапот до образовните институции, според француските медиуми.
Déjà des images terribles de chaos.
L’ultra-gauche transforme la rue en terrain de bordelisation.
Le mouvement #NicolasQuiPaie a été phagocyté.#10septembre2025 n’a rien à voir avec les #GiletsJaunes :
la France des ronds-points, des oubliés, réveillés face au mépris politique,… pic.twitter.com/aot1YVMiYV— Naïma M'Faddel (@naimamfaddel) September 10, 2025
Исто така, полицијата спроведува операции за деблокирање на главните патишта, железничките и автобуските станици и кружните текови, изјави денес францускиот министер за внатрешни работи во заминување, Бруно Ретажо.
Според него, станува збор за мобилни мали групи, често маскирани, со качулки и облечени во црно, во кои всушност можат да се препознаат ултралевичарски движења.
🇫🇷 Radical far-left extremists launch major riots across France. pic.twitter.com/7ocG4R2pLB
— Visegrád 24 (@visegrad24) September 10, 2025
„Веќе има насилни акции“, додаде Ретажо.
Протести се одржуваат од раните утрински часови денес на околу 80 локации во Франција, а полицијата објави дека „користела ресурси за растерување на непријателски демонстранти кои го блокирале сообраќајот“.
Според последните информации од француската жандармерија, повеќе од 3.000 демонстранти се на улиците на Франција, а 10 патишта се блокирани.
Протестите се многу интензивни во градот Рено, каде што сообраќајот на кружниот пат беше блокиран од демонстрантите, објавија локалните власти.
Исто така, според соопштението, имало конфликт меѓу демонстрантите и полицијата.
Според неколку локални медиуми, автобус се запалил во близина на Порт д’Алма, а се собрале околу 300 демонстранти.
Неколку големи групи демонстранти се собрале во Лион, каде што околу 100 луѓе го блокирале кружниот тек Фејсин откако блокирале близок пат, пренесува BFM.
Портпаролот на Националната жандармерија, Ерван Коифард, изјави дека тензиите се поголеми на западот од земјата и дека „значајни акции“ се спроведени во регионот Бретања.
„Тие се движат од оштетување на камери за брзина, до проверка и блокирање на операциите. Ако станува збор за проверка, ние даваме приоритет на дијалогот, ако станува збор за блокирање, ќе продолжиме со деблокирање“, рече тој.
Фото: принтскрин
Свет
Песков: ЕУ и НАТО ја обвинуваат Русија секој ден без докази
Портпаролот на руското претседателство, Дмитриј Песков, денес изјави дека раководството на ЕУ и НАТО секојдневно ја обвинува Русија за провокации, најчесто без да се обиде да изнесе какви било аргументи.
Песков го кажа ова пред новинарите, одговарајќи на прашање дали НАТО и ЕУ ја обвинуваат Русија за провокации со беспилотни летала во Полска, пренесува РИА Новости.
Полскиот премиер Доналд Туск тврди дека опасните беспилотни летала соборени над Полска биле руски, но, според руската агенција, тој не доставил никакви докази за ова.
Како што изјави за РИА Новости вршителот на должноста руски амбасадор Андреј Ордаш, Полска не доставила докази за наводното руско потекло на беспилотните летала соборени над нејзина територија.
Фото: принтскрин
Мицкоски: За прв пат на месечно ниво имаме базична инфлација во негатива
„Тоа е месечната ставка, вклучително и годишната ставка ако се гледа споредено со јули имаме намалување од 4,9 на 4,4...
(Видео) Зошто бил сменет шефот на внатрешната контрола, дали полиграфистот си дал отказ: Петровска побара декласификација од АНБ
Не знам дали Агенцијата за национална безбедност ќе има слух да изврши декласификација или делумна декласификација сѐ во интерес да можеме...
Со 2,5 милиона денари интервентно ќе се заштитува „Македониумот“, а странски експерти ќе работат на трајна заштита
Споменикот „Македониум“ над Крушево до крајот на оваа година ќе биде итно заштитен од пропаѓање, а за в година Владата...
Али и Мали, Мицкоски подолг период го моли „превоспитаниот” Ахмети да влезе во Владата, вели Жерновски
ВМРО- ДПМНЕ дојде на власт врз основа на две ветувања. Прво, дека ќе го поништи “штетниот” Преспански договор, со што...
Фон дер Лајен: Европа ќе го брани секој квадратен сантиметар од својата територија
Претседателката на Европската комисија (ЕК), Урсула фон дер Лајен, го одржа своето традиционално обраќање за состојбата на Европската Унија пред...
ЛДП: Новите регистарски таблички за службените возила ќе значат крај на злоупотребите
По иницијативата за намалување на банкарските трошоци, уште еден предлог на Либерално-демократската партија (ЛДП) добива реализација, службените возила добиваат посебни...
Дали Македонија станува третата српска република, прашуваат од ДУИ
Демократската унија за интеграција е загрижена и алармира до јавноста дека Северна Македонија се соочува со отворена офанзива на злогласниот...
Завршена полската воена операција
Полската војска ја заврши својата воена операција откога собори беспилотни летала што влегоа во полскиот воздушен простор во текот на...
(Видео) Трамп прашан за дроновите во Полска додека излегуваше од ресторан, не одговори
Полската војска рано утрово објави дека соборила беспилотни летала што го нарушиле нејзиниот воздушен простор за време на рускиот напад...
Украина предлага нов пристап по упадот на дроновите во Полска: „Путин продолжува да ескалира, да ја проширува својата војна и да го тестира Западот“
Упадот на руски беспилотни летала во полскиот воздушен простор покажува дека „чувството на неказнивост на Путин продолжува да расте“, предупреди...
Катарскиот премиер: Преговорите со Израел во моментот нема да дадат плод
Премиерот на Катар, шеикот Мохамед бин Абдулрахман ал-Тани, вчера изјави дека напорите за медијација се дел од идентитетот на Катар...
(Видео) Полската војска за руските дронови: Тоа е чин на агресија
Полскиот воздушен простор беше повеќе пати нарушен од руски беспилотни летала за време на синоќешниот напад врз Украина, потврди Оперативната...
(Видео) Пристигнуваат снимки од Полска: „На ‘Флајтрадар’ можеше да се види сè во реално време“
Полската војска рано утрово соопшти дека соборила беспилотни летала што го нарушиле нејзиниот воздушен простор за време на рускиот напад...
Туск: Операцијата е во тек
Полскиот премиер Доналд Туск потврди дека е во тек операција „поврзана со повеќекратни нарушувања на полскиот воздушен простор“. Во објава...
Дронови влегоа во полскиот воздушен простор, Полјаците ги соборија
Полската војска рано утрово соопшти дека соборила беспилотни летала што го нарушиле нејзиниот воздушен простор за време на рускиот напад...
Постои сомнеж дека пожарот во Дрисла е подметнат
Скопската противпожарна бригада со сити сили се обидува да го локализира пожарот во депонијата Дрисла. Направен е противпожарен појас за...
Пожар на депонијата Дрисла, Ангелов смирува дека не е алармантно, но е сложено поради хемиските процеси
Пожар избувна на депонијата Дрисла. Директорот на Дирекцијата за заштита и спасување, Стојанче Ангелов, рече дека пожарот не е алармантен,...
(Видео) Филипче во Франција: Резолуцијата е гаранција за заштита на националните интереси
Македонија мора да продолжи по европскиот пат, активно, со резултати и визија, порача претседателот на Социјалдемократскиот сојуз на Македонија, Венко...
Нема казни за институциите што до 29 септември нема да стават црвени таблички на службените возила, ќе го направат тоа при регистрација
Институциите што до 29 септември нема да ги сменат табличките на службените возила за да се спречат приватни и партиски...
Поскапуваат бензините и дизелот
Од ноќеска на полноќ цените на бензините и на дизелот ќе се зголемат за еден денар, соопшти Регулаторната комисија за...
