Свет
90 минути за Камала Харис и Доналд Трамп: рејтингот на кандидатите речиси изедначен, клучен момент – вечерашната дебата
Вечерва, во Националниот уставен центар во Филаделфија ќе се одржи дебатата меѓу републиканските и демократските претседателски кандидати – Доналд Трамп и Камала Харис, која може да биде клучен момент во кампањата за претседателските избори во САД во ноември.
Двајца кандидати, кои, како што пишува „Гласот на Америка“, никогаш не се сретнале, ниту разговарале на телефон, ќе се сретнат вечерва во 21 часот по локално време.
Се вели дека Камала Харис е вешта во дебатите, но Доналд Трамп во претседателските дебати во 2016 и 2020 година покажа дека е тежок ривал.
Ова е втора претседателска дебата во 2024 година.
Првата се одржа во јуни меѓу Доналд Трамп и претседателот Џо Бајден пред вториот да одлучи да се повлече од изборната трка.
Десетици милиони Американци, веројатно, ќе ја гледаат средбата меѓу двајцата претседателски кандидати, кои треба да си разменуваат стрели 90 минути додека одговараат на прашањата на презентерите на „Еј-би-си њуз“, Дејвид Муир и Линси Дејвис, пренесуваат тамошните медиуми.
Дебатата ќе трае 90 минути со две паузи за реклами, а во вторник на 3 септември виртуелно се одржа фрлање паричка за да се одредат местото на говорницата и редоследот на завршните говори.
Трамп победи во фрлањето паричка и ќе ја даде последната изјава, а Харис ја избра вистинската позиција на подиумот.
Правилата подразбираат дека кандидатите влегуваат со вовед од спротивните страни на сцената, а прва ќе биде претставена актуелната партија на власт, односно Демократската партија.
Воведни зборови нема, завршните говори ќе траат по две минути од кандидат, а реквизитите и однапред напишаните белешки се забранети.
Ниту една тема или прашања нема да бидат однапред споделени со изборните тимови и кандидати, а на Харис и Трамп ќе им биде обезбедено пенкало, хартија и шише вода, пишува „Еј-би-си њуз“.
Кандидатите ќе имаат две минути да одговорат на прашањето, две минути за контрааргументирање на противникот и една дополнителна минута за последователни активности, појаснувања или одговори.
Микрофоните ќе бидат вклучени само за кандидатот чиј ред е да зборува и ќе се исклучи звукот за другиот кандидат во тоа време.
Кандидатите нема да смее да си поставуваат прашања, што ќе го дозволат само модераторите на дебатата.
Вработените во кампањата не смее да комуницираат со кандидатите за време на паузите за реклами и нема да има публика во салата.
„Еј-би-си њуз“ додава дека задачата на модераторот е да се погрижи кандидатите да го почитуваат даденото време и да имаат пристојна дискусија.
Анкетите на јавното мислење на национално ниво покажуваат дека рејтингот на кандидатите е речиси изедначен.
Анкетата на „Њујорк Тајмс“, „Сиена“, објавена вчера, покажа дека Трамп води со 48 наспроти 47 отсто на национално ниво, иако весникот покажа дека Харис води во просек во повеќе анкети во три клучни држави – Висконсин, Мичиген и Пенсилванија, со еднаква поддршка за кандидатите во четири други клучни држави – Аризона, Џорџија, Невада и Северна Каролина.
Трамп често ја навредуваше Харис велејќи дека таа нема поим што прави и дека е опасна жена. Харис исто така му се потсмеваше на Трамп.
На Демократската национална конвенција на почетокот на август Харис рече дека Трамп е несериозен човек, потсетуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Силен земјотрес ја погоди Индонезија: има загинати, над 80 се повредени, а стотици се евакуирани
Во земјотресот со јачина од 4,9 степени според Рихтеровата скала што ја погоди Западна Јава во Индонезија, едно лице загина, а најмалку 82 се повредени, јави агенцијата ВНА.
Епицентарот на земјотресот бил на 24 километри југоисточно од провинцијата Бандунг и на длабочина од 10 километри.
Најпогодено е подрачјето на Бандунг, каде се повредени 81 лице, а по него е Гарут.
Според првите проценки, оштетени се околу 700 куќи.
Оштетени се и речиси 100 здравствени, образовни, верски и јавни објекти, вклучително и пазари.
Поради земјотресот евакуирани се 450 лица.
Регион
(Видео) Голем пожар избувна во Бања Лука, дел од градот остана без струја
Синоќа во населбата Дервиши во Бања Лука избувна голем пожар кој ги вознемири жителите од тој дел на градот, јавува Кликс.ба
Според локалните медиуми, пожарот ја зафатил зградата на поранешната компанија „Кристал“, во која сега се наоѓа кујната на еден од поголемите трговски синџири.
Пожарот брзо се проширил и се издигнал неколку метри над зградата, создавајќи застрашувачки сцени. Сведоците на местото на настанот ја опишаа сцената како апокалиптична, а овие тврдења се поткрепени со видеа и фотографии кои кружат на социјалните мрежи.
Поради пожарот дел од населбата остана без струја. Се претпоставува дека пожарот бил причина за прекинот. На терен беа распоредени бројни противпожарни возила и припадници на бањалучката противпожарна и спасувачка бригада во обид да го стават огнот под контрола, а полицијата го обезбедува теренот за да спречи натамошно ширење на пожарот и можни несреќи.
Причината за пожарот се уште не е позната, а нема информации за повредени лица. Истрагата е во тек.
Свет
Шефот на Мајкрософт: Треба да внимаваме на странско мешање во претседателските избори во САД
Претседателот на американскиот технолошки гигант Мајкрософт, Бред Смит предупреди на странските обиди да влијаат на американските претседателски избори во ноември.
„Мислам дека најопасниот момент ќе дојде 48 часа пред изборите“, рече Смит на сослушувањето во американскиот Сенат во средата. „Тоа е лекција што треба да се научи од, да речеме, изборите во Словачка минатата есен“.
Смит рече дека два дена пред парламентарните избори во европската земја, „руска група“ објавила лажна аудио снимка која наводно открива заговор за кражба на гласови.
„Руската влада е многу способна, многу софистицирана, не само во технологијата, туку и во општествените науки“, рече Смит.
Шефот на Мајкрософт нагласи дека „има реални и сериозни закани“, вклучително и претстојните претседателски избори во САД, кои ќе се одржат на 5 ноември.
Трката за Белата куќа можеби се води меѓу републиканскиот кандидат Доналд Трамп и демократката Камала Харис, „но ова исто така стануваат избори на Иран против Трамп и Русија против Харис“, рече извршниот директор на Мајкрософт.
„Ова се избори каде Русија, Иран и Кина се обединети во заеднички интерес за дискредитација на демократијата во очите на нашите гласачи“, предупреди Смит.
Пред само неколку дена, американските власти ја разоткрија кампањата спонзорирана од Русија во која беа регрутирани десничарски инфлуенсери. Сметки маскирани како веб-страници на новински куќи, како што се конзервативниот канал Фокс њуз и весникот Вашингтон пост, објавија лажни приказни.
„Путин знае дека НАТО е најсилниот воен сојуз во светот, затоа и не влегува во конфликт, алијансата нема да биде вовлечена во војна“
Генералниот секретар на НАТО во заминување Јенс Столтенберг ги отфрли како „лажни“ тврдењата дека одлуката на сојузниците да и дозволат...
(Видео) Неверојатна снимка токму во моментот на нападот: како изгледаше Бејрут кога се активирале пејџерите
Меѓународната новинска агенција Ројтерс снимаше директен пренос од панорамата на Бејрут, главниот град на Либан, кога точно во 15 часот...
(Видео) Поплави на северот на Италија: „Ситуацијата е многу драматична“
Домовите се евакуирани во северниот италијански регион Емилија-Ромања бидејќи бурата Борис, која од минатата недела однесе најмалку 24 животи во...
Јапонската компанија: Овие воки-токи не сме ги произведувале од 2014 година
Јапонскиот ИКОМ соопшти дека моделот на нивните воки-токи поврзани со експлозиите во Либан бил прекинат пред една деценија и дека...
Блискиот исток се соочува со најголемата војна во последните 50 години, предупредува саудискиот амбасадор
Блискиот исток е најблиску до регионална војна во последните 50 години, предупреди саудискиот амбасадор во Велика Британија. Принцот Калид бин...
„Ирански хакери краделе информации за кампањата на Трамп и ги испраќале до луѓето на Бајден“
Ирански сајбер актери испратија е-пошта во текот на летото до луѓе вклучени во тогашната кампањата за реизбор на американскиот претседател...
Од денеска нема да има загарантирани работни места на Албанците и другите немнозински заедници, честито Таравари, велат од Алијанса за Албанците
По предупредувањата на претставниците на моноетничката Влада, Мицкоски, Димитриевски, Таравари, денеска Уставниот суд направи голем чекор од проектот за деалбанизација...
„Вреди“за „балансерот“: Одлуката нема да смени ништо за правата на Албанците, но е инспирирана од криминалните структури на претходната власт за создавање дестабилизација
„Вреди“ остро реагира на одлуката на Уставниот суд за покренување на постапка за оценување на уставноста и замрзнување на т.н....
Уставниот суд поведе постапка за „балансерот“
Уставниот суд денеска поведе постапка за одредби од Законот за вработени во јавен сектор, Законот за административни службеници, Правилникот за...
(Видео) Нови експлозии во Либан: експлодирале воки-токи
Воки-токи користени од либанската група Хезболах експлодирале во средата доцна попладне во јужниот дел на земјата и во јужните предградија...
Во „Синџир“ обвинети петнаесет лица вработени во УЈП
И покрај поднесениот обвинителен акт за предметот познат во јавноста како „Синџир“, предметниот јавен обвинител во Основното јавно обвинителство за...
Кривични против осум лица и три фирми по несреќата на автопатот Скопје – Куманово кога загинаа татко и син
Единицата за насилен криминал при СВР Скопје, до ОЈО Скопје, поднесе кривична пријава против Д.Д.(40), Д.М.(59), П.Г.(42), П.М.(56), С.С.(39) и...
Мицкоски патува во Брисел: Ќе ја пренесам фрустрацијата на народот, пречките за ЕУ се вештачки наметнати
Премиерот Христијан Мицкоски, заедно со министерот за надворешни работи и трговија, Тимчо Муцунски, и министерот за европски прашања, Орхан Муртезани,...
Будимпешта се подготвува за поплави – се поставуваат бариери пред куќите и брани околу Дунав, за викендов најавена опасноста
Во градовите северно од Будимпешта властите поставија мобилни брани за да ги ограничат поплавите од Дунав. Будимпешта се подготвува за...
(Видео) Објавена првата снимка од остатоците на подморницата „Титан“
Првата снимка од подморницата „Титан“, направена по нејзината смртоносна имплозија во јуни 2023 година, беше објавена вчера на јавната расправа...
За четири месеци, во Клиничкиот центар ќе се прават и потешките операции, Таравари го потпиша договорот за нова компресорска станица
Почна да тече рокот за изградба на нова компресорска станица во Клиничкиот центар, која ќе овозможи хируршките сали да работат...
Германија со чартер-летови депортира 36 лица до Белград и Скопје, меѓу нив имало осудени криминалци
Првиот чартер-лет како дел од најновата офанзива за депортација на германската влада полета пред две недели за Авганистан. Вториот вчера...
Се судрија два патнички воза во Прага, десет лица полесно повредени
Во Прага утрово се судрија два патнички воза, а полесно се повредени десет лица, јавува чешката агенција ЧТК повикувајќи се...
Пејџерите што експлодираа во Либан се направени во Будимпешта, соопшти тајванската компанија
Тајванската компанија Голд Аполо денеска објави дека ја овластила компанијата со седиште во Будимпешта да ги произведува пејџерите што експлодираа...
ВМРО-ДПМНЕ: Eнергетскиот сектор во Македонија е на дното
Наместо АД МЕПСО да го одржува стабилен енергетскиот систем и да нема покачување на цената на струјата, недомаќински ги трошело...
