Свет
Агим Красниќи обвинет за подготвување тероризам

Обвинението се однесува и на Фатмир Љури, Африм Ферати и Бесим Красниќи, а за седумина други истрага е прекината поради недостапност
Ново обвинение за најпознатиот кондовец и за тројца негови пријатели
Обвинението се однесува и на Фатмир Љури, Африм Ферати и Бесим Красниќи, а за седумина други истрага е прекината поради недостапност
По неодамнешното појавување на Агим Красниќи во Основниот суд Скопје 1 тој во скоро време повторно ќе треба да присуствува на уште еден судски процес на кој што ќе одговара за нови кривични дела. Најпознатиот кондовец овој пат ќе треба да одговара за казнување за подготвување а тероризам и тероризам. Со Красниќи на обвинителната клупа ќе се најдат уште тројца негови пријатели и соселани. Поднесувањето на најновото обвинение, освен за Красниќи, се однесува и на Фатмир Љури(24), Африм Ферати(26) и Бесим Красниќи(23), сите жители на Кондово.
Во диспозитивот на обвинителниот акт е наведено дека настанот за кој се товари оваа четворка се случил на 2 април годинава. Спомнатите, како и лицата Алил Џ., Фадил Т., Зуди Р., Даим Ф., Ахмет Х., Сехат Р. и Сокол Б., за кои кривичната истрага е прекината поради нивна недостапност, заеднички подготвувале извршување кривично дело тероризам. Со намера сериозно да ја загрозат безбедноста на Република Македонија, а со акт на насилство, во месноста Борови, над селото Кондово, ископале фортификациски објекти. Групата која ги копала рововите покрај тоа што била облечена во воени униформи, била и вооружена со лесно и тешко пешадиско оружје. Откако рововите биле оспособени, тие вршеле демонстрација на користење на оружјето, а имале и показна вежба со стрелање од рачен топ. Во дел од демонстрирањето на вежбата било вклучено и снимање и набљудување на Скопје и неговата околина, притоа создавајќи чуство на страв и несигурност кај жителите на главниот град.
Каква ќе биде одбраната на четворицата обвинети ќе се знае дури откако ќе почне главниот претрес, но она што е извесно се однесува на досегашниот тек на кривичната постапка, односно на истрагата во која тие го користеле правото да се бранат со молчење. (Љ.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) „Таа е неверојатна, ама не сакам да влезам во неволја“- Трамп за сопругата на британскиот премиер

Американскиот претседател Доналд Трамп упати пофалби за Викторија Стармер, сопругата на британскиот премиер Кир Стармер, за време на средбата на двајцата државници во Тернбери, Шкотска.
Иако звукот од гајдите го надвладеа Трамп, се слушна како американскиот претседател вели: „Сакаме да го усреќиме премиерот.“
Говорејќи за Викторија Стармер, Трамп додаде:
„Таа е почитувана личност низ целите Соединети Американски Држави. Не знам што работи тој, но таа е многу почитувана, подеднакво почитувана како и тој. Не сакам да кажам повеќе, ќе влезам во неволја. Но, таа е многу, таа е прекрасна жена и многу е почитувана“, пренесува Express.
🚨🇬🇧🇺🇸 Trump welcomes Britains most hated Prime Minister ever & all round Global Communist Keir Starmer along with his estranged Wife to his Residence in Turnberry, Scotland pic.twitter.com/3T9a4oB4hh
— Concerned Citizen (@BGatesIsaPyscho) July 28, 2025
По долгиот разговор помеѓу премиерот и претседателот на врвот од скалите, Трамп се сврти да одговори на новинарските прашања додека гајдите продолжија да свират гласно.
Меѓу другото, едно прашање се однесуваше на царините на виски.
„Ќе разговараме за тоа, не знаев дека вискито е проблем. Не сум голем љубител на виски, но можеби треба да бидам“, рече Трамп.
За време на кратката средба пред официјалниот разговор, лидерите се осврнаа на теми од нелегална миграција до војната во Газа.
Свет
Американскиот потпретседател: Бајден, Обама и Буш го прикриваа случајот Епштајн

Американскиот потпретседател Џеј Ди Венс денес изјави дека претседателот Доналд Трамп сака целосна транспарентност во случајот со Џефри Епштајн.
Тој додаде дека поранешните претседатели Џо Бајден, Барак Обама и Џорџ В. Буш „го прикриле овој случај“.
„Претседателот (Трамп) му наложи на државниот обвинител да ги објави сите веродостојни информации и, искрено, да пронајде дополнителни веродостојни информации поврзани со случајот Џефри Епштајн. Тој е неверојатно транспарентен во врска со овие работи, но дел од тоа бара време“, изјави Венс при обраќање во Кантон, Охајо, пренесува „Си-ен-ен“.
Венс додаде дека „постојано“ е во контакт со државната обвинителка Пем Бонди, која во моментов, како што рече, „вредно работи на ова прашање“.
Тој посочи дека администрациите на Обама и Буш биле „млаки“ во однос на Епштајн, кого го нарече посрамен финансиски магнат и „педофилски олош“.
„Ниту целосно го истражија случајот, ниту покажаа некакво вистинско интересирање за него, а сега Доналд Трамп бара од своето Министерство за правда да покаже целосна транспарентност – и некако тоа станува критика за Трамп, наместо за Обама и Буш“, рече Венс.
Во времето на администрацијата на Буш, американскиот обвинител Алекс Акоста – кој подоцна служеше и во првата администрација на Трамп како министер за труд – одби да го гони Епштајн, што му овозможи да избегне федерални обвиненија.
Свет
Трамп тврди: Моето претседателство спречи шест големи војни

Американскиот претседател, Доналд Трамп, изјави дека неговото присуство во Белата куќа, односно тоа што е на позицијата претседател на САД, спречило избувнување на шест големи војни низ целиот свет, вклучувајќи и потенцијален вооружен конфликт меѓу Индија и Пакистан.
„Да не бев тука, ќе имавте шест големи војни во моментов. Индија ќе се бореше против Пакистан“, рече Трамп во Шкотска, пред средбата со британскиот премиер Кир Стармер, тврдејќи дека неговата администрација одиграла клучна улога во деескалацијата на кризите во неколку глобални жаришта, пишува Гардијан.
Како пример, тој го наведе спорот меѓу Тајланд и Камбоџа, за кој посочи дека благодарение на неговата интервенција, вклучително и заканата за прекин на трговските преговори, е постигнато примирје.
Трамп, исто така, посочи на придонесот на неговата администрација за намалување на тензиите и поддршка на мировните напори меѓу Руанда и Демократска Република Конго.