Свет
Чиновници на Црвенковски, Костов и на Бучковски трошеле расипнички
Владата лани потрошила 13,5 милиони денари (220.000 евра) повеќе буџетски пари од дозволеното, утврдил Државниот завод за ревизија.
Александра К. Мишовска
Владата лани потрошила 13,5 милиони денари (220.000 евра) повеќе буџетски пари од дозволеното, утврдил Државниот завод за ревизија. Владите на Бранко Црвенковски, на Хари Костов и на Владо Бучковски во тој период, според ревизорите, исплаќале паушали без соодветен акт, трошеле астрономски суми за угостителски услуги и храна, а од државни пари ги полнеле резервоарите и на сопствените возила.
Ревизорскиот извештај што Заводот го објави вчера се однесува на цела 2004 година, период во кој на премиерското место прво беше Црвенковски, па Костов, а само неколку дена во декември и Бучковски, лица што според ревизорите се директно одговорни за сите неправилности во работењето.
Ревизорите утврдиле дека Владата на име месечни паушали на избрани и именувани лица исплатила 5 милиони денари, без соодветен акт од комисија што е надлежна за определување на паушалите.
Во извештајот пишува дека Владата лани неекономично трошела пари за репрезентација (пари за службени угостителски услуги).
„Исплатени се трошоци за храна на вработени во Владата во голем износ. Во текот на март и април за храна и пијалаци се платени 988.000 денари, што е 10 отсто од вкупниот фактуриран износ од Службата за општи и заеднички работи во цела 2004 година. Во таа година репрезентација користат и лица што не се на листата со такво право“, утврдиле ревизорите.
Според нив, Владата лани ангажирала лица со договор на дело, за што исплатила околу 6 милиони денари, а за тоа немало соодветна дозвола. Владините службеници под ставката „други трошоци за транспорт“ завеле 50.000 денари, за кои Заводот за ревизија утврдил дека се пари потрошени за гориво за користење сопствено возило во висина над дозволениот лимит на трошоците за одвоен живот.
Според извештајот, 16 пати вработени во Владата плаќале со мастер и картичка „дајнерс“ и за тоа потрошиле 548.000 денари, а ревизорите не успеале да утврдат кому и што е платено бидејќи не била приложена соодветна документација. Во повеќето случаи биле платени угостителски услуги.
Ревизорите тврдат дека Владата потрошила повеќе од 600.000 денари, пари со кои купиле уметнички дела и цеде-дискови, а нема документација за кого се купени. За набавките дури не била спроведена постапка за јавна набавка.
За време на периодот на кој се однесува ревизорскиот извештај се смениле и тројца владини генерални секретари. Прво на тоа место бил Миле Зечевиќ, потоа кога премиер беше Костов него го заменила Мери Младеновска, а на крајот на годината на функцијата генерален секретар во Владата дојде Снежана Станковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.