Американскиот претседател Доналд Трамп во подолга објава на својата социјална мрежа Трут соушал го изнесе своето гледиште за НАТО. Тој порача дека се сомнева оти сојузниците би застанале зад Соединетите Американски Држави „ако навистина ни бидат потребни“, но истовремено нагласи дека САД секогаш ќе бидат тука за НАТО, „дури и ако тие не бидат тука за нас“.

Во својата објава не наведе што би значел неговиот став во контекст на неговите претходни закани за преземање на Гренланд, кој е дел од Данска, една од членките на НАТО.

Трамп, исто така, ги презеде заслугите за зајакнувањето на НАТО, тврдејќи дека токму тој ги поттикнал земјите-членки да ја зголемат одбранбената потрошувачка. Тој изјави и дека без него „**Русија сега би ја имала цела Украина“, а остро го критикуваше и Нобеловиот комитет затоа што не му ја доделил Нобеловата награда за мир.

Тој додаде дека Америка е обновена под негово водство и дека е „единствената нација од која **Кина и Русија се плашат и која ја почитуваат“.

Објавата на Трамп во целост

„Запомнете, за сите тие големи обожаватели на НАТО, тие беа на 2% од БДП, а повеќето не ги плаќаа своите сметки, СÈ ДОДЕКА ЈАС НЕ ДОЈДОВ. САД, глупаво, плаќаа за нив! Јас ги доведов, со почит, до 5% од БДП, И ТИЕ ПЛАЌААТ, веднаш. Сите велеа дека тоа не може да се направи, но можеше, бидејќи, над сè, сите тие се мои пријатели. Без моето учество, Русија сега би ја имала ЦЕЛА УКРАИНА.

Запомнете и дека јас самостојно ЗАВРШИВ 8 ВОЈНИ, а Норвешка, членка на НАТО, глупаво одлучи да не ми ја додели Нобеловата награда за мир. Но тоа не е важно! Она што е важно е дека спасив милиони животи. РУСИЈА И КИНА НЕМААТ НИКАКОВ СТРАВ ОД НАТО БЕЗ СОЕДИНЕТИТЕ АМЕРИКАНСКИ ДРЖАВИ, И СЕ СОМНЕВАМ ДЕКА НАТО БИ БИЛ ТУКА ЗА НАС АКО НАВИСТИНА НИ БИДЕ ПОТРЕБЕН. СИТЕ СЕ СРЕЌНИ ШТО ЈА ОБНОВИВ НАШАТА ВОЈСКА ВО МОЈОТ ПРВ МАНДАТ, И ПРОДОЛЖУВАМ ДА ГО ПРАВАМ ТОА.

Секогаш ќе бидеме тука за НАТО, дури и ако тие не бидат тука за нас. Единствената нација од која Кина и Русија се плашат и која ја почитуваат е САД“, напиша Трамп.

Фото: Depositphotos

Соединетите Американски Држави планираат повеќе од тројно да го зголемат производството на пресретнувачки ракети за системите за противвоздушна одбрана „Патриот“, како одговор на зголемената глобална побарувачка, поттикната од војната во Украина и други безбедносни предизвици.

Пентагон објави дека склучил нов долгорочен договор со „Локхид Мартин, со кој годишното производство на пресретнувачи ПАЦ3=-МСЕ треба да порасне од околу 600 на приближно 2.000 ракети.

Побарувачката за овие ракети нагло се зголеми по руската инвазија врз Украина, која се потпира на системите „Патриот“ за заштита на градовите и клучната инфраструктура од воздушни напади. Американските власти наведуваат дека новиот модел на набавка ќе овозможи побрзо производство, поголеми индустриски инвестиции и посилни синџири на снабдување.

И покрај најавеното зголемување, експертите предупредуваат дека САД моментално се соочуваат со недостиг на вакви пресретнувачи, поради нивната интензивна употреба во Украина и на Блискиот Исток.

Хуманитарната организација ИНАРА ја угости актерката и хуманитарка Анџелина Џоли за време на нејзината посета на програмите во Египет, каде што се сретна со палестински деца од Појасот Газа кои добиваат медицинска, образовна и психолошка поддршка.

Џоли ги посети децата кои се лекуваат во болници, учесниците во образовните програми и семејствата за време на домашни посети, како и центар за ментално здравје и психосоцијална поддршка. Таму разговараше со персоналот и ги слушна сведоштвата на децата за траумите низ кои поминале.

 

View this post on Instagram

 

A post shared by INARA (@inaraorg)

Децата истакнаа дека медицинската помош, психолошките терапии и наставата што ги обезбедува ИНАРА им помогнале повторно да почувствуваат стабилност и да продолжат да сонуваат за иднината. Шеснаесетгодишно девојче раскажа дека по повеќемесечно лекување му била спасена повредената нога, а на денот на средбата со Џоли ѝ бил изваден гипсот.

Џоли изрази почит за храброста на децата и надеж дека еден ден ќе живеат во мир и безбедност. Од октомври 2023 година, ИНАРА обезбедила медицинска и психосоцијална помош, образование, сместување и финансиска поддршка за илјадници палестински деца и нивните старатели во Египет.

Фото: ИНАРА – хуманитарна организација (inara.org)