Свет
Мајкрософт и Јаху се поврзаа

Корпорацијата Мајкрософт склучи договор за здружување на силите со Јаху во интернет пребарувачкиот и маркетинг бизнис
Корпорацијата Мајкрософт склучи договор за здружување на силите со Јаху во интернет пребарувачкиот и маркетинг бизнис.
Со десетгодишната спогодба меѓу Јаху и Мајкрософт, новопромовираниот пребарувач на Мајкрософт, Бинг ќе стане дел од интернет пребарувачот на Јаху, додека Јаху ќе продава реклами, што се појавуваат до резултатите од пребарувањата за големите компании за сметка на Мајкрософт и Јаху.
Со оваа зделка се очекува да се зголеми делот на Мајкрософт на пазарот на интернет пребарувачи до 30%, додека Гугл држи 65%
Договорот треба да биде контра тежа на Гугл и може да му помогне на извршниот директор на Мајкрософт, Стив Балмер да го затвори лошото поглавје во неговата кариера
Во изминатите години Мајкрософт повлече лоши потези, вклучувајќи го и ланскиот неуспех да го купи Јаху. Нивниот најнов оперативен систем Виста се соочуваше со технички проблеми, истото се случи и со играчката конзола Х360./крај/ам/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Франциско: Болеста ми помогна појасно да ја видам апсурдноста на војната

Папата Франциско кој беше хоспитализиран поради пневмонија, во писмо повика на прекин на војните и дипломатски решенија за конфликтите.
Во писмото до весникот „Кориере дела сера“, папата рече дека неговата долга болест му помогнала да стане уште појасна „апсурдноста на војната“ и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите, велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска Бакингемската палата потврди дека кралот Чарлс ќе се сретне со папата Франциско меѓу 7 и 10 април, и покрај болеста на католичкиот водач.
Папата (88) беше примен во римската болница Гемели на 14 февруари со тешка респираторна инфекција и оттогаш не е виден во јавноста, пренесува Танјуг.
Регион
Во хрватскиот Сабор едноминутно молчење за загинатите во Македонија

Хрватскиот Сабор денеска со едноминутно молчење им оддаде почит на 59-те лица кои завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието Гордан Јандроковиќ.
Во пожарот што завчера избувна во „Пулс“ во Кочани, загинаа 59 млади лица, а повеќе од 150 се повредени.
Свет
Кремљ го објави времето за почеток на разговорите Трамп-Путин

Кремљ потврди дека телефонскиот разговор меѓу Владимир Путин и Доналд Трамп ќе се одржи денеска, со почеток во 14 часот по македонско време (16 часот по московско време).
Американскиот претседател пред телефонскиот разговор со Путин изјави дека „многу елементи“ од мировниот договор во Украина се веќе договорени со неговиот руски колега.
Во своето ноќно обраќање во понеделникот, украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој, додавајќи дека „секој ден во време на војна значи човечки животи“.