Свет
Намерите на Малезијците заглавија во владини канцеларии
Бавноста на владината администрација ќе ја одложи инвестицијата на малезиската компанија „Хисниага груп“, која најави изградба на хидроелектричната централа „Бошков мост“ и на евтини станови во Скопје.
Мирче Котевски
Бавноста на владината администрација ќе ја одложи инвестицијата на малезиската компанија „Хисниага груп“, која најави изградба на хидроелектричната централа „Бошков мост“ и на евтини станови во Скопје. Ова го тврдат високи владини извори кои тврдат дека во преговорите за двата проекти и по половина година нема конкретен договор меѓу двете страни, туку само „писмо со намери“.
Неофицијално, инвестицијата вредна 170 милиони евра нема да влезе во земјава пред Нова година, затоа што Владата сакала внимателно да ги разгледа намерите на Малезијците со кои преговорите ги води вицепремиерот Минчо Јорданов. Конкретни резултати се уште нема, а како што дознаваме меморандумот со намери се уште е во владина процедура.
Од Владата признаваат дека инвестицијата доцни затоа што „не биле подготвени да се справат со големи проекти“, но како што велат, не се откажуваат од „Хисниага груп“.
– Мора внимателно да ја разгледаме понудата и да ги обезбедиме сите предуслови пред да го потпишеме договорот со нив. Не сакаме никакви проблеми – велат во Владата.
Оваа компанија имала намера да вложи во изградба на станови што би ги продавале за 600 евра за квадратен метар. Во кабинетот на Бучковски се убедени дека ваквата понуда значително ќе ги намали цените на становите во Скопје.
Според информациите, Малезијците сакаат да ја изградат, а потоа уште 50 години да ја управуваат ХЕЦ „Бошков мост“, што како капацитет е предвиден да никне на Мала Река кај Дебар. Овој капацитет треба просечно да произведува по 155 гигаватчаса струја годишно, или колку што се очекува да даваат половина од минихидроцентралите што најверојатно ќе ги гради словенечки „Турбоинститут“.
Изградбата, велат експерти, се очекува да трае најмногу четири години. Ако претпоставиме дека ќе остане сегашната цена на струјата, Малезијците, кои ќе добијат и концесија за користење на водите, би ги вратиле парите за од 8 до 10 години. Ако, пак, струјата поскапи најмалку 15 отсто, рокот за враќањето на инвестицијата ќе биде шест години.
Проектот со „Хисниага“ е една од инвестициите што Владата сака да ја донесе во земјава преку непосредна спогодба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.