Независен новинар е пронајден мртов на северот на Мексико, како нова жртва во серијата од 13 убиства на новинари и медиумски работници годинава, соопшти денеска државното обвинителство.

Обвинителството во северната погранична држава Сонора објави дека тетоважите на телото, пронајдени во пограничниот град Сан Луис, одговараат на тетоважите што ги имал и новинарот Хуан Арјона Лопез, но се уште не е официјално потврдено дека тој е жртвата, пренесува АП.

Сан Луис беше долго познат по медицинските и стоматолошките ординации каде доаѓаа Американците, се додека во последните неколку години овој дел од Мексико не стана сцена на насилни конфликти меѓу нарко-картелите.

Во март, доброволци пронајдоа 11 тела во тајни гробници во пустината во близина на Сан Луис, во близина на локална депонија за ѓубре,пренесе Танјуг.

Денеска Северна Кореја најверојатно тестирала две крстосувачки ракети кон Жолтото Море, изјави јужнокорејски воен претставник, а пренесува Јонхап.

Лансирањето се случи кога јужнокорејскиот претседател Јун Сук-Јол одржа прес-конференција за да го одбележи својот 100-ти ден од функцијата и откако во говорот два дена претходно детално ја опиша „храбрата иницијатива“ која би требало да му помогне на Пјонгјанг да ја подобри својата економија, во случај да презема чекори кон денуклеаризација.

Иако на Пјонгјанг му е забрането да лансира технологија за балистички проектили според резолуциите на Советот за безбедност на ОН, ова лансирање на крстаречка ракета не е нивно кршење,пренесе Танјуг.

Американскиот претседател Џозеф Бајден ја потпиша сметката од 430 милијарди долари, која се смета за најголем пакет климатски мерки во американската историја и има за цел да ги намали емисиите на штетни гасови, но и да ги намали цените на лековите на рецепт и зголемената инфлација, пренесува Ројтерс.

Законот што Бајден го потпиша вчера на церемонија во Белата куќа, во присуство на водечки демократи, ги опфати најзначајните инвестиции на федералните власти во борбата против климатските промени од околу 375 милијарди долари за 10 години.

Малку порано Претставничкиот дом на американскиот Конгрес го усвои предлог-законот за климатски промени, здравство и даноци, кој се нарекува и закон за намалување на инфлацијата, а претходно истото го направи и Сенатот.