Свет
Полицијата трага по напаѓачот во бизнис центарот во Орландо
![](https://makfax.com.mk/wp-content/uploads/2016/11/221eb317-ec22-4fb5-81eb-32c5b07acc57.jpeg)
Поранешен вработен во бизнис центарот во Орландо отвори оган во петок во објектот, при што уби две лица, а најмалку 17 рани. Осомничениот Џејсон Родригез се верува дека вози сребрен Нисан СУВ, а полицијата смета дека тој е вооружен и дека уште се наоѓа во областа.
Поранешен вработен во бизнис центарот во Орландо отвори оган во петок во објектот, при што уби две лица, а најмалку 17 рани. Осомничениот Џејсон Родригез се верува дека вози сребрен Нисан СУВ, а полицијата смета дека тој е вооружен и дека уште се наоѓа во областа. Пукотницата започнала во канцеларијата на Reynolds, Smith & Hill, консалтинг компанија за транспорт. Полицијата на Орландо го сомничи Родригез, но официјална потврда нема дека тој е напаѓачот. Тела биле пронајдени на 12. и осмиот кат на Legions Place, во објектот со 16 ката. Како што соопшти полицијата, напаѓачот сè уште не е пронајден, а полицајците проверуваат кат по кат. Дел од вработените уште се во зградата, заклучени во своите канцеларии. Тие примаат малку информации за тоа каде е безбедно да се засолнат и кога е безбедно да ја напуштат зградата. Полицијата трага по лице во син џинс и сина маица. Сообраќајот во овој дел на Орландо е целосно пренасочен. Сведок за медиумите соопшти дека човек што претходно работел во зградата влегол внатре и отворил оган. Засега нема други детали за настанот, а полициските тимови се обидуваат да го локализираат напаѓачот. /крај/лат/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.