Свет
Барал да му се реши предметот, заработил тужба
На охриѓанецот Цане Трпковски за неколку дена ќе му се суди, откако судијка од битолскиот суд против него поднела тужба за клевета.
На охриѓанецот Цане Трпковски за неколку дена ќе му се суди, откако судијка од битолскиот суд против него поднела тужба за клевета. Судијката Вера Ристевска го тужи охриѓанецот затоа што тој барал од Републичкиот судски совет да ургира да се забрза неговиот предмет, кој четири години се влечел по судските фиоки. Во претставката до РСС тој напишал дека неговиот предмет фаќа прав во фиока на некој корумпиран судија, па судијката против него поднела приватна тужба во која бара тој да се прогласи за виновен и да и плати отштета затоа што и биле повредени угледот и честа. Судењето на Трпковски треба да почне во вторник.
– Ниту сум ја видел, ниту знам која е судијката, а таа ме тужи за клевета. Четири години се влечам по судови за мојот предмет, никој не постапуваше по него и сега уште згора на тоа ме тужат! Додека траеше процесот се сменија тројца судии, јас не знаев ни кои се – се жали Трпковски.
Тој вели дека во претставката до РСС воопшто не го споменал името на судијата што го водел предметот.
Оставинската постапка на Трпковски датира од 2001 година. Во текот на процесот се смениле тројца судии, но ниту еден не дал завршница на предметот. Револтиран од долготрајната постапка, охриѓанецот се жалел до Врховниот суд и до Републичкиот судски совет. Во тој момент предметот го водела судијката Ристевска, која се нашла засегната и го тужела Трпковски.
Во тужбата таа се повикува на членот 171 од Законот за кривична постапка, кој вели дека „тој што за друг изнесува нешто невистинито што е штетно за неговата чест и углед, ќе се казни со парична казна или со затвор до шест месеци“.
Во РСС вчера потврдија дека кај нив постои таков предмет.
– Трпковски не го споменува името на судијката во претставката, но пишува дека судот е корумпиран, дека судиите земаат мито и затоа предметот се влече со години. Најверојатно судијката се нашла погодена и затоа ја тужи странката. Од нашиот записник, судењето било ажурно и судење има речиси секој месец. Трпковски не се појавувал на судењата, туку неговиот брат, па изгледа затоа не бил запознаен. Предметот е сложен бидејќи станува збор за наследство за кое биле потребни многу вештачења и измени, па затоа било потребно време – вели Ангел Солев, член на РСС.
Судијката Вера Ристевска била изземена од предметот и сега случајот го води друг судија. Вчера не успеавме да стапиме во контакт со неа во битолскиот Основен суд.
Правниците коментираат дека Трпковски најверојатно нема да биде осуден бидејќи не го споменал името на судијката и дека ова е еден од ретките случаи каде што судија приватно тужи странка во предмет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Застрелан сојузник на Трамп
Чарли Кирк, влијателен десничарски активист близок до американскиот претседател Доналд Трамп и извршен директор на Turning Point USA (TPUSA), беше ранет за време на настан на Универзитетот Јута Вали.
Снимките што кружат на социјалните медиуми го покажуваат моментот кога е застрелан додека зборува под шатор во дворот на универзитетот. Во исто време, студентите бегаат во паника од звуците на пукотници. Кирк настапи таму како дел од турнејата American Comeback, организирана од локалниот огранок на TPUSA.
Неговиот тим потврди за Fox News дека е погоден, но неговата состојба во овој момент е непозната. Универзитетската полиција потврди дека се испукани куршуми, а ФБИ соопшти дека агентите брзаат на местото на настанот и целосно ја поддржуваат истрагата.
Претседателот на САД, Доналд Трамп, ја потврди веста дека конзервативниот активист и неговиот сојузник Чарли Кирк е ранет и повика на молитва.
„Сите мора да се молиме за Чарли Кирк, кој беше застрелан“, напиша тој на Truth Social. „Одличен човек од глава до пети. БОГ ДА ГО БЛАГОСЛОВИ!“
Потпретседателот на САД, Џ.Д. Венс, повика на молитви за Кирк, нарекувајќи го „добар човек и млад татко“, додека министерот за одбрана, Пит Хегсет, рече: „Нека раката на Исус Христос го допре“.
Гувернерот на Калифорнија, Гавин Њусом, го осуди нападот и рече дека е „одвратен, гнасен и срамен“. Сенаторот од Јута, Мајк Ли, рече дека внимателно ја следи ситуацијата и повика на молитви за Кирк и студентите кои беа таму.
Свет
Сојузниците и’ нудат помош за Полска во зајакнувањето на својата противвоздушна одбрана
Полска доби понуди од своите европски сојузници за зајакнување на својата противвоздушна одбрана, изјави премиерот, Доналд Туск.
Тој рече дека штотуку разговарал со лидерите на Франција, Германија, Обединетото Кралство, Италија, Холандија, Украина и НАТО.
„Во денешните разговори добив не само изрази на солидарност со Полска, туку пред сè предлози за конкретна помош за одбрана на нашиот воздушен простор“, рече Туск.
Свет
Британските медиуми јавуваат за средба меѓу Хари и Чарлс по повеќе од една година, принцот влезе во кралската резиденција
Принцот Хари беше виден како влегува во кралската резиденција Кларенс Хаус, среде шпекулациите за средба со неговиот татко, кралот Чарлс.
Нема потврда од Бакингемската палата или од претставниците на војводата од Сасекс, но кралот беше виден и како влегува во Кларенс Хаус порано.
Се верува дека кралот отпатувал во Лондон од Шкотска во среда попладне, а принцот Хари беше во Велика Британија за добротворни настани оваа недела.
Немало средба лице в лице меѓу татко и син од февруари 2024 година, а принцот Хари во интервју за Би-Би-Си во мај 2025 година рече: „Би сакал помирување со моето семејство“.
Последниот пат кога таткото и синот се сретнаа беше кратко откако на кралот му беше дијагностициран рак минатата година, кога принцот Хари отпатува во Велика Британија на кратка средба.
Принцот Хари оттогаш ја посети Велика Британија, вклучително и за судски случаи, но не го видел својот татко.
Тој се врати во Велика Британија во понеделник и одржа серија добротворни настани во Лондон и Нотингем – и покрај прашањата дали ќе се сретне со својот татко.
Во четврток, тој ќе ја напушти Велика Британија и ќе се врати во САД за да ги види Меган и нивните деца, кои не дојдоа на ова патување, пишува Би-Би-Си.
Ветрот го сменил правецот од Дрисла, Скопје вечерва мириса на изгорено
Вечерва ветрот го смени правецот и дува од депонијата Дрисла во насока на Скопје поради што во делови од главниот...
Фетаи ќе раководи и со новоформираниот совет за конфискација на имот
Владата вчера ја усвои Одлуката за формирање на Национален совет за финансиски истраги и конфискација на имот, со што се...
Мицкоски: Време е да се стави крај на злоупотребите на безбедносно-разузнавачките служби
Во интервју за Дојче Веле, премиерот и претседателот на ВМРО-ДПМНЕ, Христијан Мицкоски, во однос со скандалот со прислушкувањето од страна...
(Видео) Зошто бил сменет шефот на внатрешната контрола, дали полиграфистот си дал отказ: Петровска побара декласификација од АНБ
Не знам дали Агенцијата за национална безбедност ќе има слух да изврши декласификација или делумна декласификација сѐ во интерес да можеме...
Со 2,5 милиона денари интервентно ќе се заштитува „Македониумот“, а странски експерти ќе работат на трајна заштита
Споменикот „Македониум“ над Крушево до крајот на оваа година ќе биде итно заштитен од пропаѓање, а за в година Владата...
Али и Мали, Мицкоски подолг период го моли „превоспитаниот” Ахмети да влезе во Владата, вели Жерновски
ВМРО- ДПМНЕ дојде на власт врз основа на две ветувања. Прво, дека ќе го поништи “штетниот” Преспански договор, со што...
Фон дер Лајен: Европа ќе го брани секој квадратен сантиметар од својата територија
Претседателката на Европската комисија (ЕК), Урсула фон дер Лајен, го одржа своето традиционално обраќање за состојбата на Европската Унија пред...
ЛДП: Новите регистарски таблички за службените возила ќе значат крај на злоупотребите
По иницијативата за намалување на банкарските трошоци, уште еден предлог на Либерално-демократската партија (ЛДП) добива реализација, службените возила добиваат посебни...
Дали Македонија станува третата српска република, прашуваат од ДУИ
Демократската унија за интеграција е загрижена и алармира до јавноста дека Северна Македонија се соочува со отворена офанзива на злогласниот...
Завршена полската воена операција
Полската војска ја заврши својата воена операција откога собори беспилотни летала што влегоа во полскиот воздушен простор во текот на...
(Видео) Трамп прашан за дроновите во Полска додека излегуваше од ресторан, не одговори
Полската војска рано утрово објави дека соборила беспилотни летала што го нарушиле нејзиниот воздушен простор за време на рускиот напад...
Украина предлага нов пристап по упадот на дроновите во Полска: „Путин продолжува да ескалира, да ја проширува својата војна и да го тестира Западот“
Упадот на руски беспилотни летала во полскиот воздушен простор покажува дека „чувството на неказнивост на Путин продолжува да расте“, предупреди...
Катарскиот премиер: Преговорите со Израел во моментот нема да дадат плод
Премиерот на Катар, шеикот Мохамед бин Абдулрахман ал-Тани, вчера изјави дека напорите за медијација се дел од идентитетот на Катар...
(Видео) Полската војска за руските дронови: Тоа е чин на агресија
Полскиот воздушен простор беше повеќе пати нарушен од руски беспилотни летала за време на синоќешниот напад врз Украина, потврди Оперативната...
(Видео) Пристигнуваат снимки од Полска: „На ‘Флајтрадар’ можеше да се види сè во реално време“
Полската војска рано утрово соопшти дека соборила беспилотни летала што го нарушиле нејзиниот воздушен простор за време на рускиот напад...
Туск: Операцијата е во тек
Полскиот премиер Доналд Туск потврди дека е во тек операција „поврзана со повеќекратни нарушувања на полскиот воздушен простор“. Во објава...
Дронови влегоа во полскиот воздушен простор, Полјаците ги соборија
Полската војска рано утрово соопшти дека соборила беспилотни летала што го нарушиле нејзиниот воздушен простор за време на рускиот напад...
Постои сомнеж дека пожарот во Дрисла е подметнат
Скопската противпожарна бригада со сити сили се обидува да го локализира пожарот во депонијата Дрисла. Направен е противпожарен појас за...
Пожар на депонијата Дрисла, Ангелов смирува дека не е алармантно, но е сложено поради хемиските процеси
Пожар избувна на депонијата Дрисла. Директорот на Дирекцијата за заштита и спасување, Стојанче Ангелов, рече дека пожарот не е алармантен,...
(Видео) Филипче во Франција: Резолуцијата е гаранција за заштита на националните интереси
Македонија мора да продолжи по европскиот пат, активно, со резултати и визија, порача претседателот на Социјалдемократскиот сојуз на Македонија, Венко...
