Свет
Во ќелија за изолација се обесил осуденик за кражба
Музафер Асановски (33) од Куманово, вчераутро, со бесење си го одзел животот додека бил во ќелијата за изолација во Казнено-поправната установа “Идризово”. Неговото тело го пронашле чуварите.
Ново самоубиство во Казнено-поправната установа “Идризово”
Музафер Асановски (33) од Куманово, вчераутро, со бесење си го одзел животот додека бил во ќелијата за изолација во Казнено-поправната установа “Идризово”. Неговото тело го пронашле чуварите.
Како што информираат од Министерството за правда, Асановски си го одзел животот со бесење со чаршафот од креветот. Тој бил осуден на две години затвор поради кривично дело кражба. Казната почнал да ја издржува во почетокот од минатиот месец, но по две недели престој во најголемиот затвор во државава, Асановски самоволно се оддалечил од Отвореното одделение.
По четири дена поминати на слобода, тој бил пронајден и уапсен, а потоа бил вратен во затворот за доиздржување на казната. Согласно со затворските правила, поради самоволно оддалечување од затворот нему му била изречена мерка изолација во траење од 15 дена, а за што била издадена и лекарска согласност. Меѓутоа, по шест дена поминати во самица Асановски си го одзел животот.
Како што дознаваме, Асановски не бил проблематичен затвореник, па затоа се претпоставува дека причина за самоубиството било тоа што тој никако не успевал да се помири дека наредните две години треба да ги помине во затвор.
(Г.А.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.