Свет
Телеком и догодина ќе ќарува од монополот
Агенцијата за електронски комуникациии до крајот на годинава ќе ги усогласува цените за користење на мрежата на Телеком од други оператори, што значи дека конкуренцијатра нема да се појави ни на почетокот на 2006 година
ДРЖАВАТА ГИ ПРОБИВА РОКОВИТЕ ЗА ЛИБЕРАЛИЗАЦИЈА НА ТЕЛЕКОМУНИКАЦИИТЕ
Агенцијата за електронски комуникациии до крајот на годинава ќе ги усогласува цените за користење на мрежата на Телеком од други оператори, што значи дека конкуренцијатра нема да се појави ни на почетокот6 на 2006 година
Агенцијата за електронски комуникации му го осигура монополот на Телеком до крајот на годинава. Законскиот рок за објавување на референтната понуда на “Македонски телекомуникации” за останатите фиксни оператори да ја користат неговата мрежа измина. Директорот на Агенцијата Коста Трпковски следниве десетина дена е на службен пат во Тунис, па, вчера во Агенцијата немаше кој да објасни зошто независното регулаторно тело ги пробива законските рокови и со тоа ја гуши потенцијалната конкуренција на Телеком.
Од “Македонски телекомуникации” велат дека ги испочитувале сите законски рокови при доставата на референтната понуда до Агенцијата. Според компанијата испочитуван е и временскиот рок за евентуалните корекции во понудата и таа повторно била доставена во Агенцијата.
Но, како што е дефинирано во законската регулатива, Агенцијата сега ќе има рок од уште 30 дена да ја разгледа корегираната верзија на понудата и потоа да ја објави во Службен весник. Според добрите познавачи на телекомуникациските состојби, ваквото одолговлекување е непотребно и во полза само на Телеком. Особено што Агенцијата веќе го информирала Телеком кои се корекциите кои треба да ги направи. И ако Телеком сепак доставил понуда што е дискриминаторска кон останатите учесници на пазарот, Агенцијата има право да ја корегира понудата и веднаш да ја објави.
Во Министерството за транспорт велат дека немаат никакви надлежности да се мешаат во работата на Агенцијата: “Ние донесовме европски Закон, за кој од ЕУ добивме многу пофалби бидејќи Агенцијата е издвоена како независно регулаторно тело, кое за својата работа одговара пред Собранието”, велат во Министерството за транспорт.
За работата на Агенцијата не сака да зборува ниту надлежната Комисија за електронски комуникации. Претседателката на Комисијата Софче Јовановска, како што ни објасни нејзината секретарка вчера беше презафатена со состаноци во Стопанската комора на Македонија.
Но познавачите на состојбите потенцираат дека независноста на регулаторното тело паѓа во вода, ако предвид се земе фактот што директорот на актуелната Агенција, Коста Трпковски во директорската фотелја седна уште во периодот кога тоа беше Управа за телекомуникации под Министерството за транспорт. Трпковски во Управата, каде претходно работеше како инспектор, беше унапреден како кадровско решение на СДСМ.
(Т.Ј.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Иран ги започна воените вежби порано од планираното: „Бевме предупредени за израелски напад“
Ирански функционер изјави дека „пријателска земја“ го предупредила Техеран за можен израелски напад врз неговите нуклеарни постројки, а иранските државни медиуми објавија дека иранската војска започнала вежби порано од планираното за да се фокусира на „непријателските движења“, објави Ројтерс.
Одговорот на Иран на секој израелски напад ќе биде „посилен и поразорен“ од претходно, изјави командантот на Револуционерната гарда, Хосеин Салами, за иранските државни медиуми.
🚨🇺🇸🇮🇱🇮🇷💥Iran starts military exercises across the country with the code name 'Ya Ali ibn Abi Talib'.
💥💥💥 pic.twitter.com/r6jDkAi8dG
— Defense Intelligence (@DI313_) June 12, 2025
Иран испука повеќе ракети кон Израел минатата година откако израелските сили го бомбардираа иранскиот конзулат во Дамаск. Израел одговори со лансирање ракети кон Иран и Сирија, што се првите такви директни напади меѓу регионалните сили.
Иранскиот претседател Масуд Пешмерга исто така се огласи денес, велејќи дека нуклеарните постројки на Иран ќе бидат обновени доколку бидат уништени, објавија иранските државни медиуми.
Одборот на гувернери на Меѓународната агенција за атомска енергија (МААЕ) во четврток објави дека Иран не ги почитува своите обврски за неширење на нуклеарно оружје за прв пат по речиси 20 години, за што би можел да биде пријавен до Советот за безбедност на ОН.
Службеник на МААЕ изјави дека Иран одговорил на МААЕ дека планира да отвори трета постројка за збогатување на ураниум.
Израелското Министерство за надворешни работи последователно оцени дека постапките на Иран го поткопуваат Договорот за неширење на нуклеарно оружје и претставуваат непосредна закана за регионалната и меѓународната безбедност и стабилност.
Иран е потписник на Договорот. Израел не е потписник, но се верува дека поседува нуклеарен арсенал.
Свет
(Видео) Објавени се нови снимки од падот на Боингот во Индија
Авион на „Ер Индија“ што леташе за Лондон со 242 патници се урна кратко по полетувањето во близина на аеродромот Ахмедабад. Патничкиот авион се урна во областа Меганинагар. Според последните информации, повеќе од 290 лица загинаа.
Шефот на градската полиција изјави дека е пронајден еден преживеан патник. Тој е британско-индискиот државјанин Вишвас Кумар Рамеш.
Дел од авионот се урна во хостел каде што живеат лекари. Федерацијата на медицински здруженија на сите Индија (FAIMA) објави дека помеѓу 50 и 60 студенти по медицина се однесени во болница. Густи облаци од чад се издигаа од местото на несреќата и беа видливи од голема далечина. Итните служби, вклучувајќи ги и пожарникарите, веднаш беа испратени на местото на несреќата и во тек е спасувачка операција.
New CCTV footage emerges of the Air India 787 as it took off from Ahmedabad. It also appears to show smoke (or dust) as the aircraft lifted off from the runway. pic.twitter.com/8ytjZCDOP1
— Breaking Aviation News & Videos (@aviationbrk) June 12, 2025
Се појавија нови снимки од безбедносните камери на кои се гледа како авионот на Ер Индија, кој летал кон аеродромот Гетвик во Лондон, се урива и се запалува само неколку секунди по полетувањето.
Снимката го прикажува авионот како полетува од аеродромот Ахмедабад. Само неколку секунди подоцна, почнува да губи висина, со спуштена опрема за слетување. Набрзо по ударот следува силна експлозија.
Европа
Украина и Русија ја спроведоа третата размена на затвореници оваа недела
Украина и Русија спроведоа уште една размена на затвореници, трета оваа недела, потврдија денес двете страни.
Украинскиот претседател Володимир Зеленски изјави дека неколку „сериозно ранети и сериозно болни војници“ се вратиле дома. „На сите им е потребен третман и дефинитивно ќе им биде пружена потребната помош“, напиша Зеленски на Телеграм.
Руското Министерство за одбрана, исто така, ја потврди размената, која следува по договорот постигнат во Истанбул претходно овој месец.
Според штабот на украинските воени заробеници, некои од вратените војници биле држени повеќе од три години откако пружиле отпор во југоисточниот пристанишен град Мариупол. Останатите биле помлади од 25 години или се водат како исчезнати.
Руското Министерство за одбрана соопшти дека предавањето се случило на белоруско-украинската граница и дека ослободените руски војници биле транспортирани во Русија.
Размената беше договорена за време на директните разговори меѓу Киев и Москва во Истанбул на 2 јуни, каде што секоја страна се согласила да ослободи 1.200 затвореници.
Тоа беше единственото конкретно поместување во мировните преговори. Украина се спротивставува на целосна руска инвазија повеќе од три години.
(Видео) „Имаше тела насекаде околу мене, бев преплашен, станав и почнав да трчам“: британски државјанин го преживеа падот на авионот на Ер Индија
Британски државјанин кој ја преживеал падот на авионот во Ахмедабад го опишал моментот кога се случил. Според NDTV, шефот на...
(Видео) Костадиновска-Стојчевска до Љутков: Се знае ли кој е државен секретар во Министерството за култура?
Пратеничката на СДСМ, Бисера Костадиновска-Стојчевска, на денешната собраниска седница посветена на пратенички прашања, упати прашање до министерот за култура и...
Арсовска: Висар Ганиу фатен со криминално легализирање дивоградби со фалсификат, документи се доставени до обвинителство
„Висар Ганиу фатен со криминално легализирање дивоградби со фалсификат, за што документи се доставени до обвинителство и има изјави кои...
Зеленски: Трамп го препознава вистинското лице на Путин, тој гледа дека не е искрен
Украинскиот претседател Володимир Зеленски во интервју за германскиот „Билд“ изјави дека рускиот претседател Владимир Путин ги користи преговорите со Украина...
Пожарот во Вардариште е во голема мера изгаснат, полека се враќа протокот на струјата
Пожарот во Вардариште е во голема мера изгаснат, но БППЗ Скопје во моментот се уште вршат догаснување, извести Центарот за...
(Фото) „Боингот“ се урна врз мотел за доктори, делови од авионот останаа во зградата
Патничкиот авион Боинг 787-8 Дримлајнер, управуван од „Ер Индија“, кој полета од Ахмедабад до Лондон утрово, се урна неколку минути...
(Видео) Луѓето трчаат да ги спасат преживеаните: детали по падот на авионот во Индија
Авион на Ер Индија со 232 патници и 10 членови на екипажот се урна во Ахмедабад, Гуџарат, како што потврди...
Игуменот Георгиј избран за нов митрополит на Дебарско – кичевската епархија
Игуменот Георгиј (Ѓорѓевски) е избран за нов духовен водач на Дебарско-кичевската епархија Тој е назначен на местото на упокоениот митрополит...
Бројот на гости и ноќевања расте со историски 20% во однос на лани, целта ни е да стигнеме до четири милиони ноќевања, вели Мицкоски
Премиерот Христијан Мицкоски утрово при посетата на Машинскиот факултет историски успех го нарече зголемениот број регистрирани ноќевања и туристи во...
Картел во фармацевтскиот бизнис – две веледрогерии го оштетиле буџетот за 1,1 милион евра
Вишиот управен суд со пресуда го потврди решението на Комисијата за заштита на конкуренцијата со кое утврди дека две големи...
Трајко Славески со платa од 3.000 евра им порачува на граѓаните да работат по три работи, тоа е лицемерие на човек кој цел живот е во фотелји, велат од СДСМ
Новиот гувернер на Народната банка, Трајко Славески, според СДСМ, уште на почетокот го покажал својот вистински лик, надмен, без допир...
Филипче со денови молчи за бугарската фирма, Обвинителството да поведе постапка, бара ВМРО-ДПМНЕ
Филипче со денови молчи за бугарската фирма Пауер Ај 8, која е во негова 100% сопственост, а ја основал на...
Германскиот министер за одбрана: Правиме сè што можеме за да ѝ помогнеме на Украина да се одбрани
Германскиот министер за одбрана, Борис Писториус, пристигна во Киев за да разговара за воената поддршка за Украина во нејзината војна...
За три дена, 109 повредени од Кочани доставиле барања и предлози на телефонската линија на Владата
109 граѓани за три дена од пуштање на телефонската линија за повредените лица и нивните семејства, која е во директна...
Вучиќ е единствениот кој не ја потпиша декларацијата за поддршка на Украина
Претседателот на Србија, Александар Вучиќ, ги опиша денешните состаноци во Одеса на самитот „Украина-Југоисточна Европа“ како многу успешни, но тој...
Меџити во Украина: Силно ја осудуваме руската агресија и бараме итно запирање на војната
Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот...
Битолчанка сакала да ги убие своите баба и дедо, ги избодела со нож
Полицијата приведе жена од Битола која со нож ги избодела своите баба и дедо. „По овластување на јавен обвинител од...
Паушалите во сметките за струја ќе станат минато, Министерството за енергетика почна серија брифинзи за новиот закон
До 2031 година 80 отсто од граѓаните треба да имаат смарт броила, а првите веќе се очекува да бидат инсталирани...
Македонската дипломатија нема да биде ничија партиска сопственост, одговори МНР по прозивките од СДСМ
Македонската дипломатија не е, и нема да биде ничија партиска сопственост. По години на политичка злоупотреба, ја враќаме дипломатијата на...
Побаран доживотен затвор за убијците на Вања и Панче: Двете дела се убиства на свиреп начин за кои е предвидена најтешка казна
Обвинителките Ана Стојковиќ-Димитровска и Жаклина Крстевска во завршните зборови на денешното судење за убиствата на 14-годишната Вања Ѓорчевска и 74-годишниот...
