Свет
Либанската војска стрелаше врз авиони на Израел

Либанската војска во понеделник отвори оган врз израелски воени авиони кои го пробија либанскиот воздушен простор и ниско го надлетале Бејрут, соопштија либанските власти.
Либанската војска во понеделник отвори оган врз израелски воени авиони кои го пробија либанскиот воздушен простор и ниско го надлетале Бејрут, соопштија либанските власти.
Против воздушната одбрана отвори оган врз четири непријателски авиони од Израел кои утринава го надлетаа Марџајун, рече преставник на либанската војска.
Либанските воени власти секојдневно информираат за повреда на нивниот воздушен простор од израелски авиони.
Обединетите нации ваквите надлетувања ги смета за прекршување на резолуцијата 1701, на Советот за безбедност со која во 2006 година е запрен судирот меѓу Израел и шиитското движење Хезболах.
Израел на овие обвинувања одговара дека прелетите се неопходни за да го спречат шверцот со оружје што го организира Хезболах.крај/хн/вм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Франција прогласи високо ниво на тревога за птичји грип

Француските власти го зголемија нивото на тревога за птичји грип од средно на високо барајќи од живинарските фарми во целата земја да ја чуваат живината во затворен простор предупредувајќи дека Европа се соочува со сезонска епидемија на болеста.
„Уредбата со која се наредува зголемување на нивото на тревога од средно на високо е издадена по докази за инфекција кај дивите птици преселници во Европа, вклучително и Франција, и потврдени епидемии на неколку живинарски фарми“, соопшти француското Министерство за земјоделство, според „Ројтерс“.
Во соопштението на француското Министерство за земјоделство беше потврдено дека досега се откриени две епидемии на птичји грип на француските живинарски фарми и три кај домашните одгледувачи.
Првиот случај на птичји грип беше откриен кон средината на октомври на фарма за фазани и еребици на север од Франција.
Високо патогениот птичји грип е сезонска болест што ја шират птиците преселници, која често ги принудува одгледувачите од целиот свет да уништат десетици милиони птици за размножување.
Фото: принтскрин
Свет
Кина го тестира најбрзиот воз во светот

Најбрзиот воз во светот, CR450, почна серија тест-возења на брзата железница во Кина достигнувајќи брзина од 453 километри на час за време на едно возење.
Серијата возови CR450, дизајнирана за максимална тест-брзина од 450 километри на час и комерцијална брзина од 400 километри на час, моментно е во процес на квалификациски тестови на брзата линија што го поврзува источниот град Шангај со западниот град Ченгду, објави „Наука и технологија дејли“, објави „Синхуа“.
Брзиот воз достигнува забрзување од 350 километри на час за четири минути и 40 секунди.
Во споредба со претходниот модел CR400, моделот CR450 има подолг и поаеродинамичен нос, понизок покрив за 20 сантиметри и 50 тони помала тежина, што го намалува аеродинамичниот отпор за 22 процента.
Фото: принтскрин
Свет
Москва: Средбата Лавров – Рубио не е ниту закажана за да може да биде одложена

Средбата меѓу рускиот министер за надворешни работи Сергеј Лавров и американскиот државен секретар Марко Рубио бара подготовка, објави државната новинска агенција РИА повикувајќи се на рускиот заменик-министер за надворешни работи, Сергеј Рјабков. Очекуваната средба меѓу Рубио и Лавров се смета за клучен подготвителен чекор за вториот самит меѓу американскиот претседател Доналд Трамп и рускиот претседател Владимир Путин оваа година во Унгарија.
Висок руски дипломат изјави дека е прерано да се зборува за времето на можна средба на министрите за надворешни работи на Русија и САД, објави РИА.
„Москва работи на она што го разговараа рускиот министер за надворешни работи, Сергеј Лавров, и американскиот државен секретар, Марко Рубио“, изјави рускиот заменик-министер за надворешни работи, Сергеј Рјабков.
Лавров и Рубио вчераа разговараа на телефон. Рјабков рече дека прашањето за нивната средба не е конкретно споменато. Руското Министерство за надворешни работи, реагирајќи на веста дека средбата на шефовите на дипломатиите на САД и Русија е одложена, рече дека не може да се одложи нешто за што не е договорено.