Свет
Загина шефот на мисијата на ОН во Хаити
Водачот на мисијата на Обединетите нации на Хаити, Хеди Анаби од Тунис, најверојатно е жртва на земјотресот кој го погоди Хаити, а со него и сите лица кои во моментот на потресот се затекнале во зградата на ОН, објави во среда францускиот шеф на дипломатијата Бернар Кушнер.
Водачот на мисијата на Обединетите нации на Хаити, Хеди Анаби од Тунис, најверојатно е жртва на земјотресот кој го погоди Хаити, а со него и сите лица кои во моментот на потресот се затекнале во зградата на ОН, објави во среда францускиот шеф на дипломатијата Бернар Кушнер.
Од одредени земји чии војници биле во составот на мисијата на ОН на Хаити, најсиромашната држава на западната хемисфера, исто така стигнуваат вести за загинати, јавуваат агенциите.
„За жал, зградата на ОН се урна и најверојатно загинаа сите кои се затекнале во неа, а меѓу нив е и мојот пријател Анаби“ рече Кушнер во Париз.
Анаби, туниски дипломат ја презеде должноста на Хаити на 1 септември 2007 година, а претходно беше помошник на главниот секретар на ОН за мировни операции (1997 – 2007).
Генералот Алберто Барцелос објави дека на Хаити загинаа четворица бразилски војници, а пет бразилски војници се повредени, додека дел од војниците се сметаат за исчезнати.
Со 1.266 свои војници, Бразил е меѓу државите кои имаат најголем контингент во мировната мисија на Хаити.Претходно Јордан, кој има околу 1.497 свои војници во мисијата при ОН објави дека тројца негови војници загинале, а 21 мировник е ранет.
Силите на МИНУСТАХ имаат околу 11.000 луѓе, од кои 7.000 војници и 2.000 полицајци. МИНУСТАХ во Хаити пристигна во 2004 гдина, по судирите на вооружените банди сои со помош на распуштените војници го протераа од земјата избраниот претседател. /крај/хи/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вонредна состојба во регион во Русија, поради несреќа во рудник затрупани 13 лица
Во Амурската област, на рускиот далечен исток, воведена е вонредна состојба поради инцидентот во рудникот за злато „Пионир“, во областа Зеја, каде 13 лица останаа заробени под урнатините поради пад на карпа, соопштија од тој регион.
„Во Амурската област е воведена регионална вонредна состојба поради инцидентот во рудникот Пионир во областа Зеја со цел да се мобилизираат сите сили и ресурси. Оваа одлука е донесена на вонредна седница што ја одржа регионалниот гувернер“, се вели во соопштението на локалната самоуправа.
Претставник на службата за вонредни состојби за РИА Новости изјави дека во рудникот во моментот на уривањето имало 13 лица. Групата спасувачи, главно од Руската Република Јакутија, се состои од 25 вработени, а со нив пристигнале и четири парчиња опрема.
Покрај тоа, хеликоптерот Ми-8 на руското Министерство за вонредни ситуации полета од територијата Хабаровск до местото на несреќата, пренесува Интерфакс. Од оперативните служби за Интерфакс велат дека, според првичните информации, луѓето се на длабочина од 100 до 150 метри, а засега нема информации за можни жртви.
Свет
Силен земјотрес го погоди Пакистан
Земјотрес со јачина од 5,5 степени според Рихтеровата скала ја погоди провинцијата Белучистан во Пакистан, соопшти германскиот истражувачки центар за геонауки (ГФЗ).
ГФЗ додаде дека земјотресот бил на длабочина од 10 километри, пренесува Ројтерс.
Засега нема информации за жртви, а не се знае и колкава е штетата предизвикана од земјотресот.
Свет
Дваесет загинати во израелски воздушни напади
Дваесет Палестинци се убиени рано утринава во израелските воздушни напади врз Рафах, како и врз централниот дел на Појасот Газа, соопштија здравствените власти во енклавата.
Тие додадоа дека во Рафах, на југот на енклавата, каде во моментов се наоѓаат над милион Палестинци, 14 лица загинаа, а десетици други се ранети во нападите што погодија неколку куќи и станови.
Уште шест лица загинаа во вториот воздушен напад врз куќа во бегалскиот камп Ал-Нусеират во централниот дел на Појасот Газа, додадоа официјални лица.
Деир Ал Балах, град во централниот дел на Појасот Газа, на околу 14 километри јужно од градот Газа, исто така беше бомбардиран во текот на ноќта, јавува Ројтерс.
Од почетокот на израелската агресија врз Газа, според Министерството за здравство во Појасот Газа, загинале повеќе од 31.000 луѓе.
Шефот на израелската разузнавачка служба Мосад, Дејвид Барнеа, во понеделникот отиде во Катар за да ги продолжи преговорите за привремен прекин на огнот и ослободување на израелските заложници во Газа, пишува „Тајмс оф Израел“.