Свет
Ученичка во Саудиска Арабија осудена на камшикување и затвор
Ученичка во Саудиска Арабија на возраст од 13 години е осудена на 90 удари со камшик и два месеци затвор за напад врз директорката на училиштето
Ученичка во Саудиска Арабија на возраст од 13 години е осудена на 90 удари со камшик и два месеци затвор за напад врз директорката на училиштето.
Локалниот весник Ал-Ватан, објави дека девојчето ја удрило директорката со чаша по глава бидејќи и го конфискувала мобилниот телефон со камера.
Претставници на организациите за човекови права во Саудиска Арабија изјавија дека се изненадени од тежината на пресудата и повикаа таа да биде повторно разгледана.
Саудиска Арабија ги следи строгите закони на Исламот и камшикувањето е честа форма на казнување.
Во октомври минатата година судот на еден маж му изрече затворска казна од 5 години и 1000 удари со камшик заради јавно зборување на телевизија за сопствениот сексуален живот.
Неколку месеци претходно, 75 годишна жена е осудена на 40 удари со камшик, 4 месеци затвор и депортација заради тоа што истовремено во нејзината куќа имало двајца мажи кои меѓусебно немале роднински врски.
Во 2007 година, 19 годишна девојка, жртва на сексуално насилство, била осудена на 200 удари со камшик и 6 месеци затвор по средба со момче кое не и било роднина, но потоа била ослободена по силен меѓународен притисок. /крај/дн/и
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.