Меѓународната заедница ќе посвети големо внимание на илегалната трговија со деца, која претставува голема опасност на Хаити, јавија западните агенции.

Меѓународната заедница ќе посвети големо внимание на илегалната трговија со деца, која претставува голема опасност на Хаити, јавија западните агенции.

САД ќе соработува со владата на Хаити и со меѓународни приватни организации за да се заштитат децата во Хаити од опасноста да станат жртви на илегална трговија, изјави портпаролот на Стејт Департментот  П. Ј. Кровли.

Тој истакна дека во последните неколку дена забележани се случаи на трговија со деца и на педофилија. Тоа се должи на фактот дека многу деца останаа без своите домови, а многу од нив останаа сирачиња или се раздвоени од родителите.

Главната улога за општа заштита на децата од Хаити од земјотресот наваму ја презема УНИЦЕФ.

Премиерот на Хаити, Жан-Макс Белериве вчера изјави дека илегалната трговија со деца претставува еден од најголемите проблеми со кој се соочува неговата земја.

Белериве предупреди дека дополнителен проблем претставува трговијата со органи на возрасни и на деца. Тој рече дека има податоци кои укажуваат дека постои илегална трговија со деца и органи, но не даде никакви детали.

Хаити се соочува со огромни проблеми по катастрофалниот земјотрес од 12 јануари, кој однесе повеќе од 200 илјади животи./крај/иа