На вториот секретар на британската амбасада, Алкеш Одедра, и на сопругата на првиот секретар на политичкиот оддел на амбасадата Мајкл Скинер им е одземена акредитацијата и мора да ја напуштат Русија во рок од две недели, соопшти денеска руската Федерална служба за безбедност (ФСБ).

„Со сигурност е утврдено дека вториот секретар на амбасадата, Алкеш Одедра и Мајкл Скинер, сопругот на првиот секретар на политичкиот оддел на амбасадата, Табасум Рашид, кои беа испратени во Москва, намерно дале лажни информации при добивањето дозвола за влез во нашата земја, со што ги прекршиле руските закони“, се вели во соопштението на Специјалната служба.

ФСБ oбјави дека „нашло знаци оти дипломате вршат разузнавачки и субверзивни работи што ја загрозуваат безбедноста на Руската Федерација“.

Врз основа на ова, дополнително се нагласува, руското Министерство за надворешни работи донесе одлука за одземање на акредитацијата на Алкеш Одедра и Мајкл Скинер и им нареди да ја напуштат Русија во рок од две недели.

Специјалната служба нагласи дека ФСБ „ќе продолжи да работи на сузбивање на разузнавачките и субверзивните активности на странските специјални служби користејќи ги сите достапни методи“.

Интерфакс потсетува дека во ноември минатата година ФСБ извести дека му ја укинала акредитацијата на Вилкс Едвард Прајор, вториот секретар на политичкиот оддел на британската амбасада во Москва, кој исто така дал лажни информации за себе кога добил дозвола за влез во Руската Федерација.

Русија и САД побараа затворени консултации со Советот за безбедност на Обединетите нации за ситуацијата во Сирија, потврди првиот заменик постојан претставник на руската мисија во ОН, Дмитриј Полјански.

Тој во објава на „Телеграм“ рече дека Москва очекува бараните консултации да се одржат денеска, пренесе „РИА Новости“.

„Русија и САД побараа итни затворени консултации од страна на Советот за безбедност на ОН во врска со насилството врз цивилите во западна Сирија“, рече Полјански.

Русија очекува данското претседателство со Советот за безбедност на ОН да закаже консултации за денеска, 10 март.

Повеќе од 1.000 луѓе загинаа во дводневните судири и убиства од одмазда во Сирија, бидејќи безбедносните сили на земјата наводно убиле стотици цивили кои припаѓаат на верското малцинство алавити, соопшти групата за набљудување на војната.

Сириската опсерваторија за човекови права соопшти дека околу 745 цивили биле убиени во петокот и саботата во тековните насилства долж брегот на земјата, заедно со 125 припадници на безбедносните сили и 148 борци од вооружените групи поврзани со поранешниот сириски лидер Башар ал Асад, пренесува „Политико“.

Соединетите Држави наскоро треба да продолжат со размената на разузнавачки информации со Киев, им потврди на новинарите американскиот претседател Доналд Трамп на 9 март во авионот „Ер Форс Уан“.

Директорот на ЦИА Џон Ретклиф во средата објави дека Соединетите Држави го прекинале споделувањето разузнавачки информации со Украина. Овој потег уследи по одлуката на Вашингтон веднаш да ја замрзне сета воена помош за Украина.

Според Ројтерс, на прашањето дали ќе стави крај на суспензијата на споделување разузнавачки информации, Трамп им рече на новинарите: „Само што не сме“.

Трамп, исто така, рече дека е оптимист за претстојните разговори меѓу американските и украинските претставници во Саудиска Арабија. Делегациите ќе се сретнат во градот Џеда за да разговараат за рамката за потенцијалниот мировен договор меѓу Украина и Русија.