Свет
Северозападна Бугарија е најсиромашен дел на Европската унија
Најбогатата област во Европската унија, центарот на Лондон, е седум пати побогат од најбедната Северозападна Бугарија, покажуваат најновите европски истражувања.
Најбогатата област во Европската унија, центарот на Лондон, е седум пати побогат од најбедната Северозападна Бугарија, покажуваат најновите европски истражувања. Според истражувањето на Европската статистичка служба Еуростат, најсиромашните региони во ЕУ се Бугарија, Романија, Полска и Унгарија, сите поранешни комунистички земји од Централна и Источна Европа, што се приклучија на Унијата во 2004 и 2007 година. Најбогати области во Унијата пак, се делови на Германија, Холандија, Данска и Велика Британија.Како пример е даден БДП по глава во Централен Лондон, што е 334 отсто од просекот на ЕУ, за разлика од 26-те отсто во северозападна Бугарија. Вториот најбогат регион е Луксембург, а по него следат Брисел и Хамбург./крај/бт/см
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Либанско Министерство за здравство: Најмалку осум загинати и 59 ранети во израелскиот напад
Во денешниот воздушен напад на израелската армија на периферијата на Бејрут загинаа најмалку осум лица, а 59 се ранети, соопшти либанското Министерство за здравство, пренесува Ројтерс.
Израелската војска претходно денеска соопшти дека извршила „целен напад“ врз либанската престолнина, додека два безбедносни извори изјавија за Ројтерс дека е погодено јужно предградие на Бејрут и дека цел бил лидер на Хезболах.
Нападот погодил локации во близина на клучни објекти што ги користи Хезболах, објави британската агенција, повикувајќи се на неименувани безбедносни извори во Либан.
Свет
Њујорк Тајмс: Харис потроши 20 пати повеќе пари на реклами од Трамп за време на дебатната недела
Американската потпретседателка и кандидат на демократите Камала Харис потроши 20 пати повеќе пари за рекламирање на социјалните мрежи отколку републиканскиот кандидат Доналд Трамп за време на дебатната недела, објави денеска Њујорк Тајмс.
Харис наводно потрошила 12,2 милиони долари на рекламирање на Фејсбук и Инстаграм за време на дебатната недела, додека Трамп потрошил нешто повеќе од 611.000 долари.
Претседателската дебата се одржа на телевизијата ABC на 10 септември, а Трамп, иако го оцени својот настап како „најдобар досега“, одби да учествува на следната.
Свет
Хезболах лансира ракети врз северен Израел
Хезболах лансира 140 ракети кон северниот дел на Израел, само еден ден откако лидерот на екстремистичката група, Хасан Насрала, најави одмазда за серијата експлозии во Либан во последните три дена.
Израелската армија објави дека ракетите паднале во три брана во петокот попладне, а цел биле места по должината на разурнатата граница со Либан, пренесува „Јутарњи“.
Хезболах соопшти дека цели биле неколку места по должината на границата со ракетите „Катјуша“, вклучително и неколку бази за противвоздушна одбрана, како и штабот на израелската оклопна бригада, која, според нив, била првиот погоден, пренесува „Н1 Загреб“.
Хезболах рече дека ракетите биле како одмазда за израелските напади врз села и домови во јужен Либан.