Свет
Деветти викенд протести против јужнокорејската претседателка

Десетици илјади жители на Јужна Кореја ги преплавија во саботата улиците на главниот град Сеул, веќе деветти викенд по ред, барајќи оставка од претседателката Парк Гуе-хе, којашто парламентот ја отповика од должноста поради корупциски скандал.
Околу двесте млади луѓе облечени како Дедо Мраз делеа дарови на собраните граѓани кои учествуваат на протесниот собир, а многумина од нив како и на минатите протести излегуваат семејно заедно со децата.
Како и на претходните протести, и овој беше одржан во весела атмосфера, со музика и говори од сцената поставена на големиот плоштад неколку квартови од претседателскиот Син дом.
„Ќе имаме среќен Божик, ако Парк Гуен-хе отстапи“, извикуваше толпата.
Парк Чанс, 25-годишен службеник облечен како Дедо Мраз за Reuters вели дека целта му е да го види крајот на претседателството на Парк Геун-хе, како и сите кои се обвинети за корупција да одговараат. „Се надевам дека во новата година оваа земја за младите ќе стане подобро место за живот“, додава.
Уставниот суд ќе го разгледува отповикувањето на претседателката, поради кршење на нејзините уставни должности, а има од отповикувањето изгласано на 9-ти декември 180 дена да одлучи дали ќе го поддржи отповикувањето или ќе ја врати на должност.
Скандалот избувна поради нејзиниот однос со блиска пријателка Чои Сун-сил. Чои е обвинета за обид да изнуди огромни суми пари од компании во Јужна Кореја. Таа, исто така, е осомничена за користење на нејзиното пријателство со претседателката Парк да користи бизнис донации за непрофитен фонд кој таа го контролира. Чои е во полициски притвор и се соочува со низа обвиненија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски: Русија изврши 46 воздушни удари и 900 гранатирања за еден ден

Претседателот на Украина, Володимир Зеленски, соопшти дека Русија извршила сериозни напади врз украинска територија, прекршувајќи го велигденскиот прекин на огнот. Според податоците на врховниот командант на украинската армија, Олександр Сирски, руските сили до 16 часот по локално време извршиле 46 воздушни напади и 900 артилериски гранатирања.
„Денеска руските сили употребија 400 дронови за напади врз различни делови од Украина“, објави Зеленски на социјалните мрежи.
Според него, дел од нападите биле насочени и кон регионот Доњецк, токму за време на прекинот на огнот по повод православниот Велигден. Напади биле регистрирани и во областа Курск во Русија.
Украинскиот претседател остро ја осуди агресијата, оценувајќи дека Москва повторно демонстрира целосно непочитување кон верските празници и обидите за деескалација на конфликтот.
Регион
Додик: Британски специјалци се дојдени во Република Српска да ме убијат

Милорад Додик, претседателот на Република Српска и осуден бегалец кој е наведен како бегалец во Федерацијата на Босна и Херцеговина, во интервју за Новости упати сериозни обвинувања.
Тој тврди дека „тројца претседатели на европски земји и еден премиер“ му кажале дека во Босна и Херцеговина е префрлена британска воена единица со многу специфична задача – негова ликвидација.
„Тоа не е класична единица. Станува збор за четириесет војници кои пристигнаа со јасна наредба – не да ме уапсат, туку да ме убијат. И тоа под изговор дека давам отпор. Мафијашки принцип – ако отстраните човек, го отстранивте проблемот. Лидерите од Европа ми го потврдија тоа. Тие не се откажаа, но засега молчат“, вели Додик.
Тој во интервјуто нагласува дека не живее во страв и дека слободно се движи, отфрлајќи ги тврдењата дека е изолиран.
„Никогаш нема да бидам скршен од политичките процеси. Нема да се откажам од борбата за Република Српска“, вели тој.
Додик открива и дека официјални лица од Брисел наводно го советувале да се засолни.
Регион
Сестри си размениле пцости, па тупаници за имотот на нивниот татко

Две сестри се степале за имотот на нивниот покоен татко! Сè експлодирало во двор во Цазин (БиХ) кога жените, откако си размениле остри зборови, почнале да си разменуваат удари. Соседите зачудено гледале како драматичниот конфликт ги вознемирува локалните жители, принудувајќи ја полицијата да интервенира.
„Прво дошло до жестока расправија во дворот од куќата на нивниот покоен татко, а потоа сето тоа прераснало во физичка пресметка“, вели еден од соседите, кој сакал да остане анонимен.
Според него, спорот настанал околу поделбата на имотот на нивниот татко – земјиште и стара рурална станбена зграда.
„Беше страшно да се гледаат две сестри како се тепаат пред луѓе кои со години ги познаваат како мирни и резервирани луѓе“, додава сосед.