Свет
Екс агент на CIA тврди дека САД го користеле Кастро против СССР
Неодамна починатиот кубански револуционер и децениски челник на карипскиот комунистички остров веднаш до САД. Фидел Кастро, всушност претставувал економски товар за поранешниот Советски сојуз, и поради таа причина во еден момент Вашингтон престанал да биде заинтересиран за негова ликвидација па дури и почнал да го поддржува, тврди поранешниот агент на американската Централна разузнавачка служба (CIA) Феликс Родригез, кој учествувал во заробувањето и ликвидацијата на аргентинско-кубанската герилска икона Ернесто Че Гевара во 1967 година.
Снимката од интервјуто на Феликс Родригез за латвиското радио Baltkom беше емитувано во понеделникот, како специјален осврт на медиумите посветен на смртта на деценискиот кубански лидер Фидел Кастро.
Одговарајќи на прашањето на новинарот зошто обидите на CIA за ликвидација на кубанскиот челник завршувале со неуспех, а се споменува збор за повеќе од 630 несушени обиди за атентат врз Кастро, Родригез вели дека претпоставува оти CIA во едем момент започнала да го користи во борбата со тогашниот СССР.
„Во почетокот го имаше и тоа (обидите за атентати), но пота, според мое убедување, него започнаа да го поддржуваат (САД). Тоа се должи на фактот што Кастро стана огромно економско бреме за Советскиот сојуз. СССР трошеше големи пари за да ја одржува Куба во живот. Од таа причина САД не беа заинтересирани да се ослободат од Фидел Кастро. Се разбира, имаше луѓе кои беа ‘при рака’, и имаше атентати, коишто, за жал не беа успешни. Јас самиот се предложив за ликвидацијата на Кастро, кога тој престојуваше во логор за обука во Гватемала. Ме прифатија, но потоа планот беше променет и тоа не се случи. Како и да е, атентати немаше толку многу како што зборуваше самиот Кастро. И она во што можеме да бидеме апсолутно уверени, е тоа што Фидел Кастро имаше огромна поддршка до своите разузнавачки служби“, вели Родригез.
Во продолжение некогашниот агент на американска CIA раскажува како била организирана заштитата на кубанскиот челник.
„Пред многу години сега покоен мајор на кубанската армија ми раскажа дека бројноста на припадниците на личното обезбедување на Фидел Кастро достигнувало до 10.000. Прво, бил формиран цврст прстен околу него. Второ, на пример, кога Кастро бил поканет во некоја амбасада, специјалните сили вршеле темелни проверки и доколку било откриено какво и да е оружје кај некого, тој бил замолуван да оддалечи, во спротивно Фидел не се појавувал. Крај него во секогаш имаше личен готвач, тој не јадеше ништо што друг ќе зготвеше. Затоа, тој можеби ја имаше најдобрата безбедносна служба на од сите претседатели во светот“, додава поранешниот агент на CIA.
Американскиот претседател Барак Обама изрази во саботата сочувство за смртта на водачот на кубанската револуција Фидел Кастро. Обама кон крајот на 2014 година објави дека го започнува процесот на подобрување на односите со Куба, кои беа прекинати повеќе од шест децении. Во 2015 година двете земји ги отворија повторни дипломатските мисии, а во март истата година Обама ја посети кубанската престолнина Хавана. Сепак, американското трговско ембарго врз Куба наметнато од страна на Конгресот досега не е укинато../крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Туск го обвини Орбан дека е „фасциниран од Москва“
Унгарскиот премиер Виктор Орбан повторно се најде на мета на критики во рамките на Европската Унија, откако полскиот премиер Доналд Туск изјави дека неговиот колега е „фасциниран од Москва“ и дека сака да ја обликува Унгарија по моделот на Русија.
„Орбан неодамна изгледаше фасциниран од Москва и сега верува дека би било подобро да се изгради државен модел донекаде по моделот на Русија“, рече Туск, според Гардијан.
Унгарскиот премиер постојано го критикуваше ставот на Брисел кон Москва, нарекувајќи ја неподготвеноста на Европската Унија да започне преговори со Русија „катастрофална грешка“. Според него, мирот во Европа не е можен без дијалог со Кремљ, што е став што предизвикува остри поделби меѓу членовите на Унијата.
Во исто време, „Политико“ пишува дека Будимпешта се обидува да формира сојуз на држави кои се скептични кон продолжувањето на безусловната поддршка на Украина, што дополнително ги зголеми тензиите во рамките на ЕУ.
Орбан, кој долго време е во конфликт со Брисел околу прашањето за санкциите против Русија и миграциската политика, останува еден од ретките европски лидери кои отворено повикуваат на „нова архитектура на безбедноста во Европа“, во која Русија би имала свое место.
Фото: принтскрин
Свет
Палестинците: Израел нападна засолништа, домови и џамија во Газа – загинаа повеќе од 90 луѓе
Израелската армија уби најмалку 91 Палестинец, вклучувајќи најмалку 35 деца, во нападите врз Појасот Газа од синоќа, и покрај договорот за прекин на огнот, соопштија медицински извори, објави Анадолија.
Израелската армија уби 31 лице на север, 42 во централните области и 18 на југ од Појасот Газа. Десетици цивили беа ранети во нападите, објави државната новинска агенција Вафа, повикувајќи се на извори во болниците во Газа.
Израелските напади погодија куќи, шатори што се користат како засолништа за раселени цивили, возило, засолниште и болница во рамките на таканаречената „жолта линија“, изјавија медицински лица за агенцијата Анадолија.
„Жолтата линија“ се однесува на зоната во која израелските сили се повлекле во согласност со договорот за прекин на огнот. Таа физички го дели Појасот Газа на два дела, лоцирани во рамките на територијата на Газа, јужно од градот Газа и северно од Кан Јунис.
Во северна Газа, израелската армија таргетираше училиште претворено во засолниште во областа Беит Лахија, при што загинаа тројца цивили и беа ранети неколку други.
Израелската армија гранатираше две куќи во населбата Ал-Наср во бегалскиот камп Шати во западниот дел на градот Газа, при што загинаа осум лица.
Нов израелски напад во среда наутро погоди џамија што служи како засолниште за раселени лица во населбата Сабра во градот Газа, изјавија очевидци за агенцијата Анадолија.
Две лица беа убиени, а десет беа ранети во населбата Зејтун во Газа. Неколку цивили сè уште се водат како исчезнати под урнатините на куќа погодена од израелската армија, додека неколку лица беа ранети во друг напад југозападно од Зејтун.
Израелската армија уби мајка и дете во населбата Тел ал-Хава во Газа.
Четири лица загинаа во напад врз шатор
Во централна Газа, четири лица беа убиени откако израелски напад го погоди нивниот шатор во Деир ал-Балах.
Шест лица беа убиени, а неколку други беа ранети кога израелски авиони бомбардираа училиште претворено во засолниште и куќа во бегалскиот камп Буреиџ.
Пет лица беа убиени во напади врз неколку домови во бегалскиот камп Нусејрат.
Во сличен напад, девет лица, меѓу кои четири деца, беа убиени, а девет се водат како исчезнати под урнатините на куќа погодена од израелската армија во кампот Нусејрат.
Осум лица, меѓу кои три деца, беа убиени во израелски напад врз шатори во кои се сместени раселени семејства во областа Ал-Маваси, западно од Кан Јунис, во јужна Газа.
Медицински извори изјавија дека бројот на жртви може да се зголеми бидејќи многу од ранетите се во критична состојба, а потрагата по исчезнатите под урнатините сè уште е во тек.
фото: принтскрин
Свет
(Видео) Трамп прогласен за мировник во Јужна Кореја, оркестарот му ја свиреше омилената песна
Американскиот претседател Доналд Трамп беше пречекан во Јужна Кореја, каде што доби највисока државна награда – „Големиот ред Мугунгхве“, што му беше доделена како признание за неговата улога на „мировник“ на Корејскиот Полуостров, јави Хина, пренесе Индекс.
Трамп пристигна во Јужна Кореја на крајот од азиската турнеја, а беше пречекан со изведба на неговата омилена песна „YMCA“ од воениот оркестар.
BREAKING 🚨 South Korea just surprised Donald Trump playing YMCA as he steps off Air Force One
America is RESPECTED around the world again
THIS IS AWESOME ❤️ pic.twitter.com/lh7aaA0QOx
— MAGA Voice (@MAGAVoice) October 29, 2025
Јужнокорејскиот претседател Ли Џе Мијонг изрази надеж дека ќе постигне напредок во трговските преговори со САД и го пофали Трамп за неговиот пристап кон Северна Кореја.
Трамп изјави дека иако оваа недела нема да се сретне со Ким Џонг Ун, ќе продолжи да работи на смирување на тензиите меѓу двете Кореи.
„Многу добро го познавам Ким Џонг Ун… само не успеавме да најдеме вистински момент“, рече тој.
Тоа е првпат еден американски претседател да ја добие оваа награда, именувана по националниот цвет на Јужна Кореја – хибискусот Мугунгхва.

