Европа
Анкета: Лепен го добива првиот круг од изборите, но ќе биде поразена во вториот
![](https://makfax.com.mk/wp-content/uploads/2017/02/marine-le-pen-france.jpg)
Челничката на крајната десница Националниот фронт (NF), Матен Лепен, според сé судејќи, ќе победи во првиот круг од француските претседателски избори, додека ќе загуби во вториот од независниот кандидат Емануел Макрон покажува уше една анкета објавена во четвртокот.
Истражувањето на институтот Harris Interactive покажа дека на првиот круг од француските претседателски избори на 23-ти април претседателката на Националниот фронт Марин Лепен би победила со 24 отсто, додека поранешниот социјалистички министер за економија Емануел Макрон, би освоил 21 отсто од гласовите.
Франсоа Фијон, конзервативецот од партијата Републиканци, кого анкетите до пред две седмици пред избувнувањето на скандалот со наводното фиктивно вработување на неговата сопруга, го покажува како главен фаворит за шеф на државата, сега има 19 отсто поддршка.
Анкетата предвидуваа дека центристот Франсоа Баеру, доколку се кандидира е добие пет отсто од гласовите во првиот круг. Меѓутоа, тој сé уште не ја истакна својата кандидатура. Доколку тоа не го стори, неговите гласачи, најверојатно, ќе поддржат некој од кандидатите Макрон или Фијон.
Анкетата објавена во саботата на институтот Ifop предвидуваше дека Марин Лепен е фаворит за лидер по првиот круг од претседателските избори на 23-ти април со 25 отсто, а на второто место е независниот кандидат поранешниот министер за економија Емануел Макрон со 20,5 отсто, одека конзервативецот поранешниот премиер Франсоа Фијон со 18,5 отсто.
Но, бидејќи традиционално левицата, центристите и конзервативците се сојузуваат против Националниот фронт, анкетата покажува дека во вториот круг на 7-ми мај Лепен има шанси од 37 отсто, наспроти Макрон со 63 отсто./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Украинска политичарка застрелана во глава: „Ситуацијата е сериозна“
![](https://makfax.com.mk/wp-content/uploads/2024/07/Screenshot-2024-07-19-215957.jpg)
Непознат сторител пукал во Ирина Фарион, поранешна украинска пратеничка од крајната десница, соопштија украинските власти. Фарион (60) е хоспитализирана со прострелна рана во главата, соопшти украинската национална полиција. Нејзината состојба е „исклучително сериозна“, додаваат тие.
Полицајците се обидуваат да го идентификуваат напаѓачот, пишува Киев Индепендент. Претседателот Володимир Зеленски беше информиран за ситуацијата од страна на министерот за внатрешни работи и шефот на Службата за безбедност на Украина (СБУ).
„Секое насилство е за осуда и кој и да е одговорен мора да ги сноси последиците“, рече Зеленски.
Ирина Фарион, која е позната по нејзините контроверзни изјави за употребата на рускиот јазик во Украина, се приклучи на ултранационалистичката партија Свобода во 2005 година и беше пратеник во парламентот меѓу 2012 и 2014 година.
Во јуни 2024 година, таа беше вратена како професорка на Катедрата за украински јазик на Политехничкиот универзитет во Лавов, набргу откако беше отпуштена. Фарион предизвика бес кога на 6 ноември рече дека не може да ги нарекува украинските војници украински ако зборуваат руски.
Скандалот околу нејзините изјави ескалира откако таа наводно добила порака за поддршка од Максим Хлебов, проукраински студент кој живее на окупираниот Крим. Таа го објави мејлот на своите социјални мрежи, по што наиде на остри критики.
Службата за безбедност на Украина (СБУ) во ноември 2023 година соопшти дека Фарион е под кривична истрага и за нејзините изјави за војниците кои зборуваат руски и за протекувањето на пораката на Хлебов.
Европа
Русите нудат парична награда за првиот уништен Ф-16
![](https://makfax.com.mk/wp-content/uploads/2024/07/ruski-vojnik.jpg)
Руски фирми нудат парични награди за уништување на F-16 Fighting Falcons, охрабрувајќи ја својата војска да ги уништи западните авиони кои наскоро ќе се појават над небото на Украина.
Ова првпат беше објавено на каналот Телеграм на руското Министерство за одбрана на почетокот на оваа недела.
„Ќе има награда за уништување на борбените авиони Ф-15 и Ф-16. Наградата за првиот ќе биде 15 милиони рубли“, се вели во објавата, цитирајќи го директорот на руската нафтена компанија ФОРЕС Илја Потанин.
Инаку, 15 милиони рубљи се еднакви на околу 170.000 долари или околу 155.500 евра.
Министерството за одбрана соопшти дека се понудени и парични награди од 500.000 рубљи за уништување на тенковите на НАТО во Авдиивка, пренесува „Њузвик“.
На приложеното видео во објавата на Телеграм, може да се видат руски војници како добиваат награди и се ракуваат со нивните претпоставени офицери.
Европа
Зеленски ја моли новата британска влада: „Дозволете ни да ја нападнеме Русија со моќни ракети“
![](https://makfax.com.mk/wp-content/uploads/2024/07/Screenshot-2024-07-19-194232.jpg)
Украинскиот претседател Володимир Зеленски денеска им се обрати на министрите на новата британска влада, на покана на премиерот Кир Стармер, и го повтори апелот до западните сојузници да дозволат напади врз Русија со ракети со долг дострел.
Зеленски е првиот странски лидер кој лично се обратил пред британскиот кабинет откако поранешниот американски претседател Бил Клинтон го стори тоа во 1997 година.
Украинскиот претседател рече и дека Британија треба да ги убеди своите партнери, кои зазедоа различни позиции за тоа како Украина може да го користи оружјето што им е доставено, да ги укинат ограничувањата за употреба на оружје и муниција.
„Во моментов го немаме главниот одговор на тоа прашање, што се однесува на нашите долгорочни можности. Ве молиме, убедете ги другите партнери да ги укинат овие ограничувања“, рече Зеленски.
Стармер му рекол на Зеленски дека Британија ќе ја забрза испораката на клучната помош за Украина, откако неговиот министер за одбрана на почетокот на овој месец потврди дека помошта ветена од претходната конзервативна влада ќе биде доставена за 100 дена.