Европа
(Видео) Преживеана мачка пронајдена по осум дена од смртоносниот пожар во Шпанија
Пожарникарите во Валенсија не можеле да поверуваат кога во пламенот на зградата која изгорела пред осум дена пронашле преживеана мачка.
Мачката Коко повторно се спојува со нејзината сопственичка Андреа Рубио, која веќе се откажа од надежта дека ќе го најде својот сакан миленик по пожарот кој однесе десет човечки животи и десетици домашни миленици.
„Моето кутро малечко“, вели 32-годишната девојка во видеото на кое се гушка со Коко, објавено од локалната полиција.
Firefighters in Valencia were surprised to find a live cat among the remains of an apartment block which was ravaged by fire eight days ago. Coco reunited with her owner Andrea, who thought she wouldn't see her cat again | Read more: https://t.co/5ClRmo7GW0 pic.twitter.com/9L3C2RiSWq
— RTÉ News (@rtenews) March 1, 2024
„Го најдовме со чиста среќа“, рече еден пожарникар.
Хавиер Фернандез, нејзиниот партнер, изјави за Ројтерс дека пожарникарите го пронашле на тринаесеттиот кат, два ката над нивниот стан, во дел од зградата што не претрпела поголема штета.
Парот веднаш го однел на ветеринар, кој констатирал дека е во добра здравствена состојба, и покрај силниот чад. Коко останала под опсервација 24 часа за да се утврди дали е дехидрирана.
Смртоносниот пожар, кој брзо се прошири поради силниот ветер, избувна на 22 февруари во богатата населба Ел Кампанар.
Повеќе од 150 преживеани, меѓу нив и Рубио и Фернандез, се привремено сместени во слободни социјални станови додека не се најде трајно решение.
„Тоа е нов дом за него. Отпрвин ќе биде изгубен, но колку побрзо се навикне, толку подобро ќе се чувствува Коко“, заклучи Фернандез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украинска политичарка застрелана во глава: „Ситуацијата е сериозна“
Непознат сторител пукал во Ирина Фарион, поранешна украинска пратеничка од крајната десница, соопштија украинските власти. Фарион (60) е хоспитализирана со прострелна рана во главата, соопшти украинската национална полиција. Нејзината состојба е „исклучително сериозна“, додаваат тие.
Полицајците се обидуваат да го идентификуваат напаѓачот, пишува Киев Индепендент. Претседателот Володимир Зеленски беше информиран за ситуацијата од страна на министерот за внатрешни работи и шефот на Службата за безбедност на Украина (СБУ).
„Секое насилство е за осуда и кој и да е одговорен мора да ги сноси последиците“, рече Зеленски.
Ирина Фарион, која е позната по нејзините контроверзни изјави за употребата на рускиот јазик во Украина, се приклучи на ултранационалистичката партија Свобода во 2005 година и беше пратеник во парламентот меѓу 2012 и 2014 година.
Во јуни 2024 година, таа беше вратена како професорка на Катедрата за украински јазик на Политехничкиот универзитет во Лавов, набргу откако беше отпуштена. Фарион предизвика бес кога на 6 ноември рече дека не може да ги нарекува украинските војници украински ако зборуваат руски.
Скандалот околу нејзините изјави ескалира откако таа наводно добила порака за поддршка од Максим Хлебов, проукраински студент кој живее на окупираниот Крим. Таа го објави мејлот на своите социјални мрежи, по што наиде на остри критики.
Службата за безбедност на Украина (СБУ) во ноември 2023 година соопшти дека Фарион е под кривична истрага и за нејзините изјави за војниците кои зборуваат руски и за протекувањето на пораката на Хлебов.
Европа
Русите нудат парична награда за првиот уништен Ф-16
Руски фирми нудат парични награди за уништување на F-16 Fighting Falcons, охрабрувајќи ја својата војска да ги уништи западните авиони кои наскоро ќе се појават над небото на Украина.
Ова првпат беше објавено на каналот Телеграм на руското Министерство за одбрана на почетокот на оваа недела.
„Ќе има награда за уништување на борбените авиони Ф-15 и Ф-16. Наградата за првиот ќе биде 15 милиони рубли“, се вели во објавата, цитирајќи го директорот на руската нафтена компанија ФОРЕС Илја Потанин.
Инаку, 15 милиони рубљи се еднакви на околу 170.000 долари или околу 155.500 евра.
Министерството за одбрана соопшти дека се понудени и парични награди од 500.000 рубљи за уништување на тенковите на НАТО во Авдиивка, пренесува „Њузвик“.
На приложеното видео во објавата на Телеграм, може да се видат руски војници како добиваат награди и се ракуваат со нивните претпоставени офицери.
Европа
Зеленски ја моли новата британска влада: „Дозволете ни да ја нападнеме Русија со моќни ракети“
Украинскиот претседател Володимир Зеленски денеска им се обрати на министрите на новата британска влада, на покана на премиерот Кир Стармер, и го повтори апелот до западните сојузници да дозволат напади врз Русија со ракети со долг дострел.
Зеленски е првиот странски лидер кој лично се обратил пред британскиот кабинет откако поранешниот американски претседател Бил Клинтон го стори тоа во 1997 година.
Украинскиот претседател рече и дека Британија треба да ги убеди своите партнери, кои зазедоа различни позиции за тоа како Украина може да го користи оружјето што им е доставено, да ги укинат ограничувањата за употреба на оружје и муниција.
„Во моментов го немаме главниот одговор на тоа прашање, што се однесува на нашите долгорочни можности. Ве молиме, убедете ги другите партнери да ги укинат овие ограничувања“, рече Зеленски.
Стармер му рекол на Зеленски дека Британија ќе ја забрза испораката на клучната помош за Украина, откако неговиот министер за одбрана на почетокот на овој месец потврди дека помошта ветена од претходната конзервативна влада ќе биде доставена за 100 дена.