Европа
Владата на Каталонија повторно сака референдум за независност

Владата на шпанската автономна област Каталонија повторно побара од Мадрид да се одржи референдум за независност, кој е инспиран од примерот на Шкотска, пренесоа во понеделникот агенциите.
Барањето е поднесено во форма на отворено писмо до централните власти во Мадрид, објавено во весникот. “Ел Паис”, од страна на претседателот на Владата на Каталонија Карлес Пучдемон и неговиот заменик Орион Жункерас.
Ова доаѓа само една седмица откако шкотскиот прв министер Никола Старџан соопшти дека ќе побара втор референдум за независност на Шкотска. Таа првично инсистираше тој да биде направен пред Велика Британија формално да ја напушти ЕУ.
“Се покажува дека Шкотска и Велика Британија повторно ќе се договорат за организирање на втор референдум за независност”, пишуваат двајцата каталонски лидери.
“Разликите не не делат, туку недостатокот од согласност да се направи обид да се надминат”, пишуваат Пучдемон и Жункерас.
Владата на Каталонија ветува дека во септември ќе организира референдум за независност, со или без согласност на Мадрид.
Дел од каталонците лошо ја го поднесоа одлуката на Уставниот суд од 2010 година со која се поништи “статусот”, со пошироки овластувања на нивната автономна област, потсетува БТА.
Каталонците се поделени по прашањето за независноста. Значително мнозинство сака референдум, но според истражувањето од декември, кампусот на оние кои сакаат Каталонија да остане дел од Шпанија, има мала предност.
Неколку часа откако Пучдемон и Жункерас го најавија своето барање, владата во Мадрид го отфрли.
Кабинетот на Маријано Рахој, цитиран од “Ел Паис”, објави дека не може да се водат преговори за нешто што е нелегално.
Властите во Мадрид изразуваат жалење што каталонската влада продолжува да инсистира на референдум, кој нема да се случи, а во исто време ги остава нерешените проблемите на каталонците.
Против нова анкета се изјаснија и некои од партиите, кои во моментов се во опозиција во Барселона.
Минатата недела, поранешниот каталонски лидер Артур Мас беше осуден поради нелегалниот организиран референдум за независност во 2014 година, кога од гледна точка на Мадрид кабинетот на Рахој тврдеше дека слична анкета не е предвидена во Уставот, а позицијата подоцна беше потврдена и од шпански суд.крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Условите за користење.

Европа
Британија планира да ги забрани пластичните сламки и лажички

Британската премиерка, Тереза Меј, објави дека Велика Британија планира да ја забрани продажбата на пластични сламки, пластични лажици и пластични стапчиња за уши и воедно ги повика и другите лидери на Комонвелтот да се приклучат во борбата против пластиката и загадувањето на околината.
Вакиот британски план е дел од поширока стратегија насочена кон намалување на загадувањето на животната средина. Во согласност со предлогот на министрите, за идејата ќе се дискутира со претставници од бизис-светот на кои ќе им се даде доволно време да се прилагодат на новите правила.
Резултатите од една неодамнешна анкета покажале дека во Велика Британија секоја година се фрлаат околу 8,5 милијарди пластични сламки.
Меј рече дека владата ќе понуди финансиски средства за истражување и помош во износ од околу 61,4 милиони фунти со цел на земјите од целиот Комонвелт да им се помогне да го спречат фрлањето на штетен пластичен отпад во океаните.
„Британската јавност се покажа како многу кооперативна во врска со мерките за штетноста од пластичниот отпад, па тоа ни дава мотив денес да размислуваме за уште поамбициозни планови за намалување отпадот од пластика, како што е отстранувањето од употреба на пластичните сламки, лажици и чепкалки за уши“, рече Меј.
Секретарот за заштита на животната средина, Мајкл Гов, рече дека голем број британски трговци на мало, пабови и компании веќе работат заедно за да се заштити животната средина за идните генерации. Годишно во океаните завршуваат повеќе од 150 милиони тони пластичен отпад, што резултира со угинување на околу еден милион птици и 100.000 морски животни.
Европа
Европарламент: Преку вакцините годишно се спречуваат 2,5 милиони смртни случаи

Опаѓањето на јавната доверба во вакцините е голем предизвик кој веќе влијае на здравјето, предупредија членовите на Европскиот парламент во резолуцијата усвоена денеска на пленарната седница во Стразбур.
Епидемиолошките податоци од земјите членки на ЕУ покажуваат значителни недостатоци во степенот на прифаќање на вакцините, односно стапка на недоволна вакцинација, се предупредува во резолуцијата.
Зголемениот отпор кон вакцинацијата од страна на луѓето доведе до зачестена појава на сипаници, а поради тоа зголемени се и смртните случаи во неколку европски земји.
Пратениците истакнаа дека вакцините во денешно време се подложени на ригорозни тестирања, со повеќе фази на испитувања. Исто така европскиот парламент ја повика Комисијата да продолжи да ја зајакнува својата поддршка за националните системи за вакцинација со цел да се зголеми свеста кај јавноста.
Европарламентарците повикаа и на дијалог со граѓанското општество со цел да се потиснат нерелевантните, погрешни и научно неприфатени информации за вакцинацијата.
ЕП побара и поголема транспарентност во производството на вакцини и во финансирањето на независните истражувања за можните несакани ефекти од вакцината, со цел да се придонесе за враќање на довербата во програмите за вакцинација.
Според објавените податоци, благодарение на вакцинацијата, на годишно ниво се спречуваат околу 2,5 милиони смртни случаи во светот, а се намалуваат и трошоците за лекување на одредени болести, вклучувајќи ги и третманите со антибиотици.
„Од 2008 до 2015 година во Европа имало 215 илјади случаи на болести кои можат да се спречат со вакцинација, притоа не сметајќи го грипот. Ова за жал, не е чудно доколку се знае дека скептицизмот кон вакцинација во Европа е меѓу највисоките во светот. Здравствената заштита е во одделна надлежност на земјите на ЕУ, но кажете им го тоа на вирусите и бактериите. Тие уживаат слобода во движењето во рамките на ЕУ и шенгенот за нив не значи ништо. Токму затоа ЕУ треба повеќе да се ангажира во врска со ова прашање“, оцени хрватската европарламентарка Билјана Борзан, чии амандмани беа вклучени во резолуцијата.
Европа
Макрон во Берлин бара поддршка од Меркел

Францускиот претседател Емануел Макрон денеска стигна во Берлин на разговори со германската канцеларка Ангела Меркал, со цел од неа да добие поддршка за неговите амбициозни планови за реформи на Европската Унија.
Според информациите, овој состанок е последна можност за Меркел и Макрон за расправа за ставот на Европа кон сириската криза и судбината на нуклеарниот договор со Иран пред двајцата лидери да одат во Вашингтон следната недела на одделни средби со американскиот претседател Доналд Трамп.
Францускиот претседател пред два дена ги повика Европејците да се спротивстават на растечкиот авторитаризам и да ја обноват својата посветеност кон демократијата.
- Македонија1 месец
(Видео) Фатиме Фетаи направи пародија со коментарите дека излегувала во дискотека
- Daily news1 месец
(Фото) Селфи со Путин предизвика внимание во јавноста
- Култура1 месец
Александар ќе го нема ни на филм
- Investigative story1 месец
(Видео) Патарини: Една пресметка за пратениците, друга за граѓаните
- Daily news1 месец
(Видео) Последна битка за планинарскиот дом Матка, црквата го презема со извршители, планинарите го бараат на суд
- Daily news1 месец
Заев: Можеме да им купиме возила и да им обезбедиме станови на пратениците во Скопје
- Македонија1 месец
Изјавата на Заев за отворање на грчкиот Устав – провокација за грчките медиуми
- Daily news1 месец
Учениците в година нема да учат по програмата „Кембриџ“