Европа
Германија истражува можно турско шпионирање на своја територија

Германското правосудство во вторникот отвори истрага поради сомневања во турски шпионирања на поборниците на исламистичкиот проповедник Фетулах Ѓулен, кој од 1999 година живее во доброволен егзил во САД, во Германија со што се отвора нов фронт во гемрнаско-турската криза.
Аферата за јавноста ја откри висок функционер на германската покраинска влада, кој изјави дека Анкара побарала од Берлин помош во шпионирањето на 300 лица и организации во Германија , за коишто се оценети дека се блиски на движењето на имамот Фетулах Ѓулен. Оваа организација Турција ја обвинува за создавање тајни паралелни државни структури и за неуспешниот обид за воен преврат од 15-ти јули 2016 година.
„Јасно е дека турската тајна служба (MIT) ги шпионираат лицата коишто живеат во Германија“, изјави министерот за внатрешни работи на сојузната земја Долна Саксонија, Борис Писториус.
Предупреди на „параноичното“ тежнеење на Турција да ги шпионира во Германија поборниците на Ѓулен.
„Тоа е потполно неприфатливо и неподносливо“, рече Шисториус и побара од владата на канцеларката Ангела Меркел да ги изнајде „вистинските и јасни“ зборови коишто ќе ѝ ги упати на Анкара.
Германскиот сојузен министер за внатрешни работи Томас де Мезиер истакна дека е казниво шпионирањето кои трети земји го вршат во Германија и заклучи дека тие на својата територија не прифаќаат таков вид активности.
Министерот за надворешни работи Зигмар Габриел оцени дека доколку турските разузнавачки служби дејствувале на германска територија, тоа претставува тежок престап, пренесува агенцијата DPA.
Германското Државно обвинителство се ќе се обиде да утврди дали Турција навистина собирала информации за приврзаниците на Ѓулен коишто живеат во Германија.
Писториус прецизираше дека околу 10 до 15 такви цели,меѓу кои најмалку едно училиште и две компании во Долна Саксонија, властите ќе ги информираат дека биле предмет на следење и дека ризикуваат затвор доколку патуваат во Турција//крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски и Навални меѓу кандидатите за Нобеловата награда за мир

Украинскиот претседател Володимир Зеленски и рускиот активист Алексеј Навални се во трка за годинешната Нобелова награда за мир иако нивните шанси се неизвесни поради тековната војна во Украина.
Одлуката е на Норвешкиот нобелов комитет, составен од пет члена избрани од норвешкиот парламент.
Европа
Институтот за проучување на војната: Руските воени блогери признаваат дека го самоцензурираат нивното известување

Неколку руски воени блогери признаа дека го самоцензурираат поголемиот дел од нивните извештаи повторувајќи го поширокиот тренд во тоа како Москва дискутира за одредени области на битката, објави Институтот за проучување на војната.
NEW: Ukrainian forces continued offensive operations near #Bakhmut and in western #Zaporizhia Oblast on September 28.
Russian forces have reduced the tempo of their localized offensive operations on the Kupyansk-Svatove-Kreminna line in recent days.
Latest #Ukraine campaign… pic.twitter.com/1DNpDxYi94
— ISW (@TheStudyofWar) September 29, 2023
Тие блогери, кои често ги критикуваат руските воени акции, велат дека се соочуваат со постојани проблеми, како што се проблеми во комуникацијата и доцнење на плаќањата, кои нивните команданти имаат тенденција да ги игнорираат, според Институтот.
Еден блогер ја смени објавата за да изгледа дека Украина не постигнала толку голем напредок сугерирајќи дека Русија можеби ги контролира информациите што се споделуваат. Друг блогер рече дека е важно одредени информации да се чуваат во тајност и да се знае кога да се молчи, се наведува во извештајот.
Европа
Најстарите европски чевли пронајдени во пештера во Шпанија

Научниците велат дека ги идентификувале најстарите чевли во Европа, сандали ткаени од трева, а се смета дека се стари околу 6.000 години. Тие беа меѓу мноштвото антички предмети откриени во една пештера во Шпанија, кои беа украдени од рудари во 19 век, но беа анализирани во нова студија.
Ниската влажност и студените ветрови во пештерата ги направија невообичаено добро сочувани. Истражувачите исто така анализирале корпи и комплети алатки. Коавторката на студијата, Марија Хереро Отал, изјави дека предметите се „најстариот и најдобро зачуван збир на материјали од растителни влакна во јужна Европа досега познат“.
„Документираната технолошка разновидност и третман на суровините ја истакнуваат вештината на праисториските заедници“, додаде таа. Новите техники за датирање покажаа дека колекцијата од 76 предмети пронајдени во пештерата е околу 2.000 години постара отколку што се мислеше, пишува Би-би-си.
Некои предмети во комплетот датираат пред 9000 години. Анализираните сандали во својата структура имаат разни видови трева, истакнуваат истражувачите, но вклучени се и други материјали, како кожа и вар. Тие потекнуваат од неолитскиот период, што ги прави постари од кожените чевли стари 5.500 години, откриени во една пештера во Ерменија во 2008 година.
Пештерата во која се пронајдени сандалите стари 6.000 години се вика Cueva de los Murciélagos или Пештера на лилјаците, а се наоѓа во Андалузија, на југозападот од Шпанија. Според истражувачите на оваа студија, до пештерата првпат пристапил земјопоседник кој собирал измет од лилјаци, корисни за правење ѓубриво, во 1831 година.
Помалку од две децении подоцна ја користеле рударите, кои откриле галерија со делумно мумифицирани трупови, корпи, дрвени алатки и, меѓу другото, заби од диви свињи и уникатна златна дијадема.