Европа
Британска студија: „ Астразенека“ штити можеби подобро од „Фајзер“
Веќе една доза од вакцината против Ковид-19 во Шкотска го намали бројот на хоспитализации за повеќе од 85%, се наведува во првите податоци од студијата за влијанието на британската програма за вакцинација.
Според прелиминарната студија, спроведена од научници од шкотски универзитети и јавно здравје во Шкотска, првата доза на Фајзер го намали бројот на хоспитализации за 85% а на Оксфорд- Астразенека за 94%.
Податоците за дејството на вакцината според експертите биле собрани во периодот од 8 декември до 15 февруари.
Во овој период биле администрирани 1,14 милиони дози на вакцина, така што 21% од шкотското население ја примило првата доза.
Околу 650 000 луѓе примиле вакцина Фајзер и околу 490 000 примиле вакцина Оксфорд-Астразенека.
„Одлична вест е дека програмата за испорака на вакцини работи во сегашниот формат“, рече д-р Osози Мареј од шкотскиот Институт за јавно здравје, која учествуваше во студијата.
Вакцината Оксфорд-Астразенека се чини дека има многу добри резултати кај постарите лица, велат експертите.
„Сè што можеме да сториме е да ја претставиме науката. Останува на меѓународната заедница да одлучи дали ќе се потпира на ваквите податоци“, велат научниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија ја нападна Украина со 188 проектили, ракети и дронови, тврди Киев
Додека властите во Киев велат дека се пресретнати сите проектили насочени кон главниот град на Украина, се известува за штета од околните области.
Неименуван инфраструктурен објект е погоден на една локација надвор од Киев, а приватна куќа, нестанбена зграда и структура од типот на хангар на друга, соопшти регионалната администрација додавајќи дека две лица побарале лекарска помош.
Украинските воздухопловни сили соопштија дека од 188 нападни воздушни средства – проектили и беспилотни летала – лансирани од Русија, пресретнале 76 крстосувачки ракети „Калибр“, три ракети „Кх-59/Кх-69“ и 35 дрона.
„Непријателскиот напад со проектили и беспилотни летала беа насочени кон енергетските капацитети на Украина“, се вели во соопштението.
Европа
(Видео) Експлозии во Краснодар, Русите тврдат дека ги собориле сите дронови
Руското Министерство за одбрана извести дека во текот на ноќта системите за противвоздушна одбрана пресретнале и уништиле 25 украински беспилотни летала над Кубан, Крим, како и регионите Брјанск и Ростов.
Како резултат на напад со дрон во Краснодарската област, една жена е повредена.
The Russian Ministry of Defense reported that overnight air defense systems intercepted and destroyed 25 Ukrainian drones over Kuban, Crimea, as well as the Bryansk and Rostov regions. As a result of a drone attack in the Krasnodar region, one woman was injured.
Footage shows… pic.twitter.com/AnXMM4ksUO
— ASTRA (@ASTRA_PRESS) November 28, 2024
Снимката покажува една од експлозиите во Славјанск-на-Кубан, регионот Краснодар.
Европа
(Видео) Русите објавија снимки од авионите што ја нападнаа Украина
Екипажот Су-34 нападна концентрација на персонал, оклопна и автомобилска воена опрема на украинските вооружени сили во пограничниот регион на областа Курск, објави руското Министерство за одбрана на својот канал на Телеграм.
Нападот беше извршен со воздушни бомби со универзален модул за планирање и корекција, додаваат од руското Министерство за одбрана.