Европа
ЕУ: Продолжува забраната за извоз на вакцини

Заканата на Европската комисија за блокирање на извозот на вакцини за коронавирус во земји со повисоки стапки на вакцинација, вклучително и Велика Британија, наиде на поддршка од Германија, Франција и Италија, соопштија европските власти и дипломатите.
Претседателката на Европската комисија, Урсула фон дер Лајен, се закани со забрана за извоз на вакцини со цел да се заштитат оскудните дози за сопствените граѓани кои се соочуваат со третиот бран на пандемијата, пишува „Ројтерс“.
Исто така, би било можно да се укинат патентите и да им се дозволи производство на независни производители, пренесува „Дојче веле“.
„Ние сме во криза на векот. Во моментов не исклучувам ништо. Брисел сака да обезбеди реципроцитет, ако ЕУ извезува во некоја земја, тогаш за возврат мора да дозволи извоз во ЕУ“, вели во изјава за европските медиуми претседателот на Комисијата.
На состанокот на европски дипломати, одржан веднаш по предупредувањето на Фон дер Лајен, Германија, Италија, Франција и Данска го поддржале ставот на Комисијата за построго спроведување на контролата врз извозот, тврдат тројцата дипломати кои присуствувале на состанокот, пишуваат медиумите во Европа.
Холандија, Белгија и Ирска беа повнимателни, кажале двете официјални лица, додавајќи дека дискусија за ова прашање ќе се одржи на самитот на лидерите на ЕУ.
„Сето тоа произлегува од растечката фрустрација со вакцината од ‘Астразенека’ и зголемениот притисок да се направи нешто во врска со тоа. Немаме доволно вакцини, извезуваме како луди, без да добиеме ништо “, рекол еден од дипломатите кои учествувале во дискусиите.
Друг дипломат во изјава за агенциите потврдил дека главната причина за поригорозниот став е недоволното доставување на вакцините од „Астразенека“ до Европската Унија.
Компанијата минатата недела објави дека има намера да достави до 100 милиони дози од својата вакцина до Европската Унија до крајот на јуни, наместо 300-те милиони предвидени во договорот, а како причина ги наведоа проблемите во производството и ограничувањата на извозот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео/Фото) Масивен руски напад со дронови врз Киев, Харков и Одеса

Руските сили ја нападнаа Украина со беспилотни летала од типот „Шахед“, при што најтешко се погодени Харков, Одеса и Киев, според локалните власти. Во Харков, повеќе од 20 цивили беа повредени откако беспилотните летала погодија станбени области и цивилна инфраструктура во раните утрински часови.
Градоначалникот Ихор Терехов и началникот на Харковската регионална воена администрација, Олех Синегубов, потврдија дека се погодени областите Шевченковски и Слобидски. Оштетена е детска градинка и неколку станбени згради.
Според последниот извештај на Синегубов, повредени се вкупно 23 лица, вклучувајќи три деца. Петнаесет лица се ранети во Шевченковски, а осум во Слобидски. Најмалку три лица, вклучувајќи едно дете, се хоспитализирани со умерени повреди. Службите за итни случаи се уште се на терен.
Напад врз Одеса
Околу 1 часот по полноќ, началникот на регионалната воена администрација на Одеса, Олех Кипер, предупреди дека градот е нападнат од беспилотни летала. За време на тревогата, локалните канали на Телеграм објавија експлозии, проследени со повеќе детонации. Кипер подоцна потврди дека едно лице загинало во нападот.
„И покрај активната работа на воздушната одбрана, имаше уништување и штета на цивилната инфраструктура во градот, вклучувајќи автосервиси и патнички возила“, напиша тој.
Тој додаде дека нападот предизвикал пожар во колибата на чуварот во близина на новоизградена зграда. „За жал, еден чувар беше убиен. Искрено сочувство до неговото семејство и пријателите. Сите надлежни служби работат на отстранување на последиците“, се вели во извештајот.
Киев, исто така, нападнат
Во меѓувреме, Киев беше цел на беспилотни летала „Шахед“ рано наутро во понеделник. Градот доживеа два воздушни напади: од 1:37 до 2:15 часот наутро и повторно од 7:48 до 8:04 часот наутро. Главниот град претрпе штета во неколку области, од кои најсериозна последица беше прекинот на снабдувањето со топла вода за 500 згради, вклучувајќи училишта, болници и државни институции. Немаше повредени.
Во населбата Десњан, остатоците од дронот ја оштетија фасадата на административната зграда, гасовод и резервоар. Избувна пожар, кој брзо беше изгаснат. Во Соломјански, остатоците од дрон паднаа врз перална за автомобили, оштетувајќи возила и водоводна цевка. Во Холошијевско, остатоците скршија прозорци на канцеларии и оштетија цевка за греење со голем дијаметар, оставајќи стотици згради без топла вода.
Градоначалникот на Киев, Виталиј Кличко, ја потврди штетата на Телеграм, додавајќи дека комуналните претпријатија веќе работат на враќање на снабдувањето.
Шефот на Кабинетот на претседателот, Андриј Јермак, реагираше на најновиот напад со објава на Телеграм: „Одеса, Харков. Повторно масовни руски напади – цивили и нивните домови повторно се убиени“.
Тој истакна дека една од клучните цели на одбраната е да се спречи непријателот да произведува оружје за масовно уништување. Рускиот воено-индустриски комплекс, рече тој, мора да биде ослабен со сите расположиви средства – од санкции до директни напади.
Европа
(Видео) Експлодира бензинска пумпа во Рим, неколку повредени, тројца со сериозни изгореници

Неколку лица се повредени, меѓу кои тројца со сериозни изгореници, по експлозија на бензинска пумпа во Рим, јавуваат медиумите.
#Últimahora 🚨 Sentida en #Roma una fuerte explosión originada en un depósito de combustible de #Centocelle. Hay varios heridos.#Rome #Italia #Italypic.twitter.com/DNyPh0Vr7e
— eSPAINews (@eSPAINews_) July 4, 2025
Силна експлозија на дистрибутивна станица за бензин, дизел и течен нафтен гас на Виа деи Гордијани се слушнала во целиот италијански главен град.
Локалниот портал „Рома тудеј“ објави фотографија, на која се гледа огромен облак од чад и пламен над бензинската пумпа.
BREAKING: A powerful explosion struck a fuel depot on Via dei Gordiani in Rome, Italy, injuring multiple people. pic.twitter.com/Aw0EM1dhEW
— Weather Monitor (@WeatherMonitors) July 4, 2025
Агенцијата за јавен превоз во Рим, „Атак“, соопшти дека блиската метро-станица Теано е затворена по наредба на полицијата.
Европа
(Видео) Украинците со дронови нападнаа трафостаница во близина на Москва

Украина изврши напад со беспилотно летало врз областа Сергиев Посад во близина на Москва рано утрово, при што едно лице беше повредено и беше прекинато снабдувањето со електрична енергија во делови од верски значајниот центар, изјави раководителот на областа.
„Ги молам сите да останат смирени, да не се приближуваат до прозорците, да не ја фотографираат работата на воздушната одбрана“, напиша Оксана Јероханова во објава на апликацијата за пораки Телеграм.
Таа рече дека во округот – на околу 75 километри од Кремљ – биле пријавени најмалку четири експлозии и дека е оштетена трафостаница, оставајќи делови од округот без електрична енергија.
Drones strike Russia’s Sergiyev Posad in the Moscow region, with a power station among the damaged targets. pic.twitter.com/H2vVCwddql
— KyivPost (@KyivPost) July 4, 2025
Административниот центар на округот, градот Сергиев Посад, се смета за религиозен центар на Московскиот регион и духовно срце на Руската православна црква.
Руското Министерство за одбрана соопшти на Телеграм дека единиците за воздушна одбрана уништиле 48 украински беспилотни летала над пет руски региони преку ноќ. Министерството, кое известува само за бројот на беспилотни летала што ги уништиле неговите сили, а не за бројот на летала лансирани од Украина, не го наведе Московскиот регион како регион каде што биле соборени беспилотните летала.