Контакт

Европа

Истрага за нападот во Берлин покажа големи пропусти, ослободен приведениот Тунижанец

Објавено пред

Системот за автоматско кочење го запрел камионот и избегнати се повеќе жртви, соопшти германското државно обвинителство во четвртокот на прес-конференција за истрагата за нападот на божикниот базар во Берлин вечерта на 19-ти декември која покажала големи безбедносни пропусти, но засега не открила ниеден од соучесниците ниту налогодавачи.

Во понеделникот 19-ти декември околу 20 часот 24-годишниот Тунижанец Анис Амри, уби 11 лица со украден камион во центарот на Берлин, а непосредно пред масакрот со огнено оружје го убил полскиот возач на камионот.

Смртоносниот поход на камионот е запрен по 70 до 80 метри благодарејќи на системот против судири кој го покренал автоматското кочење на камионот и со тоа „се избегнати уште потешки последици“, соопшти германското државно обвинителство. Со тоа ги потврди претходните информации кои ги пренесоа одредени германски медиуми.

Со истрагата е утврдено дека лицето коешто беше уапсено во средата, 40-годишен Тунижанец, не можел да биде лице за контакт со Анис Амри, соопшти портпаролката на сојузното обвинителство надлежно за тероризам, Фрауке Кохлер, и објави дека тој е ослободен од притвор.

Ова лице е уапсено бидејќи се сметало дека осомничениот како извршител на атентатот му испратило фотографија и порака, Според дневниот весник Suddeutsche Zeitung, неколку минути пред да се залета во толпата на божикниот базар, Амри на неидентификувано лице по испратило селфи и порака „Брату мој моли се, сé е добро, Господ тоа го сака, во кола сум, моли се за мене“.

Тие информации ја поткрепуваат тезата за барем пасивно соучесништво и на неа иследниците ги насочуваат своите напори подолго од една седмица, но засега без резултат.

„Со непроменет интензитет се продолжуваат истрагите за можното постоење на други учесници, налогодавачи или лица запознаени со плановите за атентатот“, изјави портпаролката.

Десет дена по атентатот и натаму не е јасно како Амри се провлекол по повеќемесечното набљудување и пред носот им избега на германската и на европската полиција.

Според Suddeutsche Zeitung, германскиот центар за борба против тероризмот GTAZ во текот на 2016 година повеќепати го разгледувал неговиот случај, но проценил дека постојат мали веројатности да изврши терористички напад. Во последниот извештај пет дена пред нападот, антитерористичкиот центар навел дека Амри бил запознаен со функционирањето на полицијата.

Германските власти знаеле дека младиот Тунижанец одржува блиски врски со германските џихадистички кругови и полицијата во Дортмунд го проценила како симпатизер на Исламската држава. Сојузното обвинителство во четвртокот ја потврди веродостојноста на видео снимката во која Исламската држава ја презема одговорноста за најкрвавиот исламистички напад извршен на германска почва.

Иследниците, исто така, долго време знаеле дека Амри на интернет проучувал начини за производство на бомби и во еден онлајн форум ги понудил своите услуги на бомбаш самоубиец, веројатно на еден член на Исламската држава, пишува уште Suddeutsche Zeitung.

Стручњаците од GTAZ утврдиле дека Тунижанецот менувал осум идентитети и оти слободно и постојано се движел по германската територија, како и дека одел во едно исламско училиште во Дортмунд за кое се сомневаат дека подготвува лица кои сакаат да ѝ се придружат на Исламската држава.

Веднаш по нападот германските власти признаа дека Тунижанецот, кој пристигнал од Италија како барател на азил, ѝ бил познат на полицијата и со месеци бил на списокот на потенцијално опасни лица. Од февруари до септември годинава во Берлин бил ставен под надзор на полицијата, бидејќи се сомневале дека подготвува атентат, по што поради недостиг од докази, неговиот предмет бил затворен.

Меѓу дилемите во истрагата се и 48-те часа по атентатот, а иследниците ја губат трагата на Амри во понеделникот навечер во Берлина и ја пронаоѓаат во средата вечерта во Холандија. Тој потоа со автобус 15 часа патува до француски Лион и потоа со воз до Шамбери и Милано, каде во текот на рутинска полициска контрола рано утрото на 23-ти декември пукал кон полицаецот по што е застрелан./крај/мф/сн

Европа

Австрија веќе нема да јa користи вакцината на „Астразенека“

Објавено пред

Австрија веќе нема да ја користи вакцината на „Астразенека“ во процесот на вакцинирање, најави министерот за здравство, Волфганг Микштајн.

Тој рече дека причина за тоа е проблемот со испораките што ги има шведско-британскиот фармацевтски концерн.

Микштајн рече дека за втората доза, за граѓаните кои ја примиле првата доза на „Астразенека“, има доволно вакцини од тој производител во магацините.

Тој најави дека во иднина Австрија ќе се потпре на својата кампања за вакцинирање само на mRNA вакцините на „Бионтек-Фајзер“ и „Модерна“, како и на векторската вакцина „Џонсон и Џонсон“.

И нарачаните количини за 2022 и 2023 година се состојат од 90 проценти од mRNA вакцини, додаде Микштајн.

Тој рече дека неговата одлука нема никаква врска со наводното послабо дејство на „Астразенека“, што, како што вели, не е случај, туку само со проблеми со испораката.

ЕУ не го продолжи договорот со „Астразенека“.

Прикажи повеќе...

Европа

Студија: 96 проценти од Британците развиле антитела по првата доза

Објавено пред

Повеќе од 90 проценти од Британците имаат антитела против коронавирус по една доза вакцина на „Астразенека“ или „Фајзер“, и речиси 100 проценти по втората доза, покажува истражувањето спроведено на 8.517 луѓе во Англија и Велс.

Студијата од Универзитетскиот колеџ во Лондон покажа дека 96,42 луѓе развиле антитела 28 до 34 дена по првата доза, а тој процент се зголемил на 99,08 проценти во рок од седум до 14 дена од втората доза, пренесува „Гардијан“. Истражувачите истакнаа дека ова е одлична вест и вистински научен подвиг, додавајќи дека вакцините функционираат исклучително, особено со оглед на брзината со која се развиени.

Просечната возраст на учесниците во истражувањето е 65 години, односно истражувањето е спроведено меѓу постарата популација, која прва се вакцинирала во Велика Британија. Студијата покажа дека нивото на антитела на почетокот побрзо пораснало кај луѓето кои примиле вакцина на „Фајзер“ отколку кај оние кои биле вакцинирани со „Астразенека“, но по четири недели и едните и другите имале речиси исто ниво на антитела.

Исто така, по првата доза на вакцината, нивото на антитела било пониско кај постарите луѓе. Меѓутоа, кога ја примиле втората доза, луѓето од сите возрасти имале изедначено ниво на антитела. Нивото на антитела било исто така пониско кај луѓето со одредени болести како што се рак, дијабетес и срцеви заболувања.

Таа разлика исчезнала кога сите учесници во студијата добиле втора доза, се вели во студијата.

 

Прикажи повеќе...

Европа

Германија ќе овозможи вакцинирање за сите возрасни од јуни

Објавено пред

Германија ќе стави крај на практиката за вакцинирање на ранливи групи од 7 јуни и ќе им обезбеди на сите возрасни бесплатни вакцини, изјави денеска германскиот министер за здравство Јенс Шпан.

„Одлуката за укинување на приоритетите во германската кампања за вакцинација не значи дека сите ќе бидат вакцинирани веднаш во јуни“, рече Шпан, укажувајќи на постојните логистички проблеми. Сепак, тој го повтори ветувањето на владата дека секој граѓанин што сака да се вакцинира ќе може да ја прими вакцината во текот на летото. Тој додаде дека властите разговараат кога и како да се дозволи вакцинирање на деца и млади на возраст од 12 до 16 години.

Европската агенција за лекови (ЕМА) има намера да ја одобри вакцината на „Фајзер“ и „Бионтек“ во јуни за оваа возрасна група и можно е тоа да се случи кон крајот на овој месец.

Прикажи повеќе...

Најново

Македонија5 минути

Дипломат од руската амбасада во Македонија прогласен за непожелна личност

Министерството за надворешни работи одлучи да прогласи еден дипломат од руската амбасада за непожелна личност и тој треба да ја...

Македонија56 минути

Џамбаски го критикува хрватскиот претседател поради Македонија: „Тој зазема страна во спорот, ова е антибугарска кампања“

Бугарскиот европратеник Ангел Џамбаски остро го критикуваше хрватскиот претседател Зоран Милановиќ, кој, како што рече, ја обвини Софија за мешање...

Топ2 часа

Тешка сообраќајна несреќа синоќа во Скопје, неколку лица завршија во болница

Синоќа во 23:50 часот, десетина минути пред почетокот на полицискиот час, во Скопје се случила тешка сообраќајна несреќа на  крстосницата кај...

Македонија4 часа

Пристигна нова пратка од 9.360 дози вакцини на „Фајзер“

Министерството за здравство соопшти дека вчера во нашата земја стигнаа 9.360 дози вакцини од производителот „Фајзер“. „Од нив 4.680 се...

Свет4 часа

(Видео) Израел го гранатираше Либан, поради одмазда истрела 22 гранати

Израелската армија ја гранатираше територијата на Либан како одмазда за истрелувањето на неколку ракети од нејзината територија кон Израел. Шест...

Македонија4 часа

Пендаровски и бугарскиот претседател заедно ќе заминат во Рим на чествувањето на Кирил и Методиј

Претседателот Стево Пендаровски и бугарскиот претседател Румен Радев заеднички ќе оддадат почит на делото на светите браќа Кирил и Методиј...

Свет4 часа

Денеска во Брисел вонреден состанок на ЕУ за конфликтот во Газа

Министрите за надворешни работи на земјите членки на ЕУ денеска во Брисел ќе одржат вонреден состанок на кој ќе биде...

Свет5 часа

Во налет на циклонот во Индија загинаа најмалку 21 човек, исчезнати се 96 луѓе

Најмалку 21 човек загинаа, а 96 се водат за исчезнати во голем удар на циклон во западна Индија, носејќи им...

Свет5 часа

Израел ја уништи единствената лабораторија за испитување коронавирус во Газа

Со денови се интензивираат судирите меѓу Израел и Палестина, а во еден од нападите на Појасот Газа израелските сили ја...

Свет5 часа

Испалени над 90 ракети од Појасот Газа кон Израел

Во текот на ноќта од Појасот Газа беа истрелани околу 90 ракети кон Израел, објави израелската армија. Се наведува дека...

Регион18 часа

Лидерите на Западен Балкан со заедничка декларација: Итен почеток на преговорите со Скопје и Тирана

Декларацијата усвоена од лидерите на Процесот „Брдо – Бриони“ на самитот укажува на важноста од брзото проширување на ЕУ за...

Македонија18 часа

Хрватскиот претседател: Членка на ЕУ навлегува во интимниот простор на Северна Македонија

Претседателот на Хрватска, Зоран Милановиќ, најави дека ќе се спротивстави на условите што ги поставува Бугарија за почеток на преговорите...

Македонија19 часа

Заев: Следните парламентарни избори ќе се одржат во 2024 година, нема да има предвремени

Премиерот и претседател на СДСМ, Зоран Заев, изјави дека предвремени парламентарни избори нема да има и дека следните ќе се...

Европа19 часа

ЕМА: Вакцината на „Фајзер“ може да се чува во обичен ладилник до еден месец

Европската агенција за лекови (ЕМА) препорача да се продолжи времето на чување на вакцините на „Фајзер/Бионтек“ на стандардни температури во...

Македонија22 часа

Денеска се регистрирани 27 нови случаи на Ковид-19, починати се 19 лица

Министерството за здравство информира дек во последните 24 часа се направени 1.314 тестирања, а регистрирани се 27 нови случаи на...

Економија1 ден

Oд полноќ се намалува цената на еуросупер БС-95 и на мазутот

Регулаторната комисија за енергетика и водни услуги донесе одлука со која се врши намалување на малопродажните цени на нафтените деривати...

Свет1 ден

Индија почна со дистрибуција на свој лек против коронавирус

Индија почна со дистрибуција на нов, домашен лек за лекување на симптомите од Ковид-19. Властите го одобрија лекот 2-ДГ, кој...

Македонија1 ден

Захариева: Властите во Македонија ќе направат сѐ што можат Бугарите таму да се сѐ помалку

И Европа и ние ќе го следиме пописот во РСМ и очекуваме да се спроведе според сите европски стандарди и...

Свет1 ден

(Видео) Тврдат дека Израел фрлил забранета бомба врз Газа, од која се топи човечко месо

На социјалните мрежи се шири видео со ракетирање на Појасот Газа, за кое се тврди дека е доказ дека Израел...

Свет1 ден

СЗО: Животниот век на работниците загрозен по пандемијата на коронавирусот

Премногу долгото работно време е смртоносно за стотици илјади луѓе во светот и ова е тренд што може да се...

Досие