Европа
Лепен се жали дека е жртва на политичка кампања

Кандидатката на француската крајна десница на претстојните претседателски избори, Марин Лепен, повторно во петокот оцени дека против неа се води приземна политичка кампања, на денот кога требаше да се појави на суд поради истрагата поради сомневањата дека наводно со пари на Европскиот парламент ги плаќала функционерите во својата партија.
„Некои сакаат да го инструментализираат правосудството за да влијаат врз претседателските избори, нема во тоа да учествувам, работите се јасни“, изјави Марин Лепен во разговорот за радиото France Bleu Berry.
„Јас сум жртва на политичката кампања којашто Европскиот парламент ја води веќе три години, И самата барав да се одреди истражен судија во овој случај пред повеќе од една година, тоа беше одбиено. Како случајно, ова се случува повторно пред самите претседателски избори“, истакна Лепен.
Првиот круг од француските претседателски избори се одржува на 23-ти април и сите досегашни анкети покажаа дека таа е водечка за влегување во вториот круг кој ќе се одржи на 7-ми мај, но дека ќе биде поразена од некој од противкандидатите поради вообичаеното коалицирање на конзервативците и левицата против крајната десница.
Сепак, во Париз и особено во Брисел стравуваат од можно изненадување на изборите, имајќи ги предвид неочекуваните за нив резултати од ланскиот референдум во Велика Британија за излегувањето од Европската унија, и победата на Доналд Трамп на американските претседателски избори.
Лепен во петокот беше повикана на суд во рамките на истрагата дека со парите на Европскиот парламент предвидена за асистентите на пратениците ги плаќала службениците во нејзината партија Национален фронт (FN). Покрај тоа, Европскиот парламент ѝ го укина пратеничкиот имуните бидејќи во декември 2015 година на Twitter објавила фотографии од милитантите на џихадистичката групација Исламска држава како убиваат луѓе.
И кандидатот на десниот центар и конзервативците Франсоа Фијон е обвинет во сличен скандал поради наводно фиктивното вработување на членови на своето семејство и, исто така, го обвинува естаблишментот дека се обидува политички да го елиминира, бидејќи во анкетите до крајот на јануари, пред избувнувањето на аферата, беше означен како конечен победник на претседателските избори.
Меѓутоа, Фијон одлучи да се појави пред судот идната среда, кој би можел да му го потврди обвинението./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Условите за користење.

Европа
Британија планира да ги забрани пластичните сламки и лажички

Британската премиерка, Тереза Меј, објави дека Велика Британија планира да ја забрани продажбата на пластични сламки, пластични лажици и пластични стапчиња за уши и воедно ги повика и другите лидери на Комонвелтот да се приклучат во борбата против пластиката и загадувањето на околината.
Вакиот британски план е дел од поширока стратегија насочена кон намалување на загадувањето на животната средина. Во согласност со предлогот на министрите, за идејата ќе се дискутира со претставници од бизис-светот на кои ќе им се даде доволно време да се прилагодат на новите правила.
Резултатите од една неодамнешна анкета покажале дека во Велика Британија секоја година се фрлаат околу 8,5 милијарди пластични сламки.
Меј рече дека владата ќе понуди финансиски средства за истражување и помош во износ од околу 61,4 милиони фунти со цел на земјите од целиот Комонвелт да им се помогне да го спречат фрлањето на штетен пластичен отпад во океаните.
„Британската јавност се покажа како многу кооперативна во врска со мерките за штетноста од пластичниот отпад, па тоа ни дава мотив денес да размислуваме за уште поамбициозни планови за намалување отпадот од пластика, како што е отстранувањето од употреба на пластичните сламки, лажици и чепкалки за уши“, рече Меј.
Секретарот за заштита на животната средина, Мајкл Гов, рече дека голем број британски трговци на мало, пабови и компании веќе работат заедно за да се заштити животната средина за идните генерации. Годишно во океаните завршуваат повеќе од 150 милиони тони пластичен отпад, што резултира со угинување на околу еден милион птици и 100.000 морски животни.
Европа
Европарламент: Преку вакцините годишно се спречуваат 2,5 милиони смртни случаи

Опаѓањето на јавната доверба во вакцините е голем предизвик кој веќе влијае на здравјето, предупредија членовите на Европскиот парламент во резолуцијата усвоена денеска на пленарната седница во Стразбур.
Епидемиолошките податоци од земјите членки на ЕУ покажуваат значителни недостатоци во степенот на прифаќање на вакцините, односно стапка на недоволна вакцинација, се предупредува во резолуцијата.
Зголемениот отпор кон вакцинацијата од страна на луѓето доведе до зачестена појава на сипаници, а поради тоа зголемени се и смртните случаи во неколку европски земји.
Пратениците истакнаа дека вакцините во денешно време се подложени на ригорозни тестирања, со повеќе фази на испитувања. Исто така европскиот парламент ја повика Комисијата да продолжи да ја зајакнува својата поддршка за националните системи за вакцинација со цел да се зголеми свеста кај јавноста.
Европарламентарците повикаа и на дијалог со граѓанското општество со цел да се потиснат нерелевантните, погрешни и научно неприфатени информации за вакцинацијата.
ЕП побара и поголема транспарентност во производството на вакцини и во финансирањето на независните истражувања за можните несакани ефекти од вакцината, со цел да се придонесе за враќање на довербата во програмите за вакцинација.
Според објавените податоци, благодарение на вакцинацијата, на годишно ниво се спречуваат околу 2,5 милиони смртни случаи во светот, а се намалуваат и трошоците за лекување на одредени болести, вклучувајќи ги и третманите со антибиотици.
„Од 2008 до 2015 година во Европа имало 215 илјади случаи на болести кои можат да се спречат со вакцинација, притоа не сметајќи го грипот. Ова за жал, не е чудно доколку се знае дека скептицизмот кон вакцинација во Европа е меѓу највисоките во светот. Здравствената заштита е во одделна надлежност на земјите на ЕУ, но кажете им го тоа на вирусите и бактериите. Тие уживаат слобода во движењето во рамките на ЕУ и шенгенот за нив не значи ништо. Токму затоа ЕУ треба повеќе да се ангажира во врска со ова прашање“, оцени хрватската европарламентарка Билјана Борзан, чии амандмани беа вклучени во резолуцијата.
Европа
Макрон во Берлин бара поддршка од Меркел

Францускиот претседател Емануел Макрон денеска стигна во Берлин на разговори со германската канцеларка Ангела Меркал, со цел од неа да добие поддршка за неговите амбициозни планови за реформи на Европската Унија.
Според информациите, овој состанок е последна можност за Меркел и Макрон за расправа за ставот на Европа кон сириската криза и судбината на нуклеарниот договор со Иран пред двајцата лидери да одат во Вашингтон следната недела на одделни средби со американскиот претседател Доналд Трамп.
Францускиот претседател пред два дена ги повика Европејците да се спротивстават на растечкиот авторитаризам и да ја обноват својата посветеност кон демократијата.
- Македонија1 месец
(Видео) Фатиме Фетаи направи пародија со коментарите дека излегувала во дискотека
- Daily news1 месец
(Фото) Селфи со Путин предизвика внимание во јавноста
- Култура1 месец
Александар ќе го нема ни на филм
- Investigative story1 месец
(Видео) Патарини: Една пресметка за пратениците, друга за граѓаните
- Daily news1 месец
(Видео) Последна битка за планинарскиот дом Матка, црквата го презема со извршители, планинарите го бараат на суд
- Daily news1 месец
Заев: Можеме да им купиме возила и да им обезбедиме станови на пратениците во Скопје
- Македонија1 месец
Изјавата на Заев за отворање на грчкиот Устав – провокација за грчките медиуми
- Daily news1 месец
Учениците в година нема да учат по програмата „Кембриџ“