Европа
Мас: Германија е за дијалог меѓу НАТО и Русија, но тоа зависи од Москва

Германскиот министер за надворешни работи, Хајко Мас, изјави дека Германија ќе го поздрави продолжувањето на дијалогот НАТО-Русија во рамките на Советот НАТО-Русија, кој не се состанува веќе две години, но посочи дека тоа зависи од Москва.
Советот НАТО-Русија е формиран во 2002 година со цел да ги олесни консултациите меѓу Северноатлантскиот сојуз и Русија, но како што се влошуваа меѓусебните односи, Советот последен пат се состана во јули 2019 година.
„Ние веруваме дека мора да одржиме дијалог. Но топката е на теренот во Москва. Ние сме подготвени и се надеваме дека руската страна ќе биде подготвена во блиска иднина”, рече Мас на самитот на министрите за надворешни работи на НАТО во Брисел.
Откако Крим беше припоен кон Русија во 2014 година, НАТО ги суспендираше буквално сите форми на соработка со Москва, но дијалогот во рамките на Советот заживеа во 2016 година, за да замре повторно во 2019 година, така што денес односите меѓу Русија и Западот се на најниско ниво од студената војна.
Државниот секретар на САД, Ентони Блинкен, оцени дека обидите на Русија да ги дестабилизира Западот и Кина да ја зајакнат својата воена моќ претставуваат закани што бараат единство во рамките на НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Чешка се понуди да ги купи вакцините на „Астразенека“ од кои се откажа Данска

Чешка се понуди да ги откупи од Данска останатите дози од вакцината „Астразенека“, откако тие одлучија целосно да ја прекинат употребата на оваа вакцина.
„Подготвени сме да ја купиме вакцината ‘Астразенека’ од Данска“, истакна чешкиот министер за внатрешни работи, Јан Хамачек.
Неколку земји досега ја ограничија старосната граница за употребата на оваа вакцина, но Данска е првата која се одлучи на целосен прекин, и покрај тоа што ваквиот потег може да предизвика одложување во кампањата за вакцинација.
Европа
ЕУ договори итна испорака на 50 милиони вакцини на „Фајзер“

Претседателката на Европската комисија, Урсула фон дер Лаен, во средата објави дека е постигнат договор со „Бионтек/Фајзер“ за испорака на 50 милиони дози вакцина во вториот квартал и најави почеток на преговори за трет договор за купување 1,8 милијарда дози од производителот во текот на следните две години.
„Задоволство ми е да објавам дека постигнавме договор со ‘Бионтек/Фајзер’ за забрзување на испораката на 50 милиони вакцини, кои ќе бидат доставени во вториот квартал наместо во четвртиот“, рече Фон дер Лаен.
Таа додаде дека испораката на тие 50 милиони дози вакцина ќе почне во текот на месецот. Со забрзувањето на испораката „Бионтек/Фајзер“ ќе испорача вкупно 250 милиони дози вакцина во вториот квартал. Овие 50 милиони дози ќе бидат дистрибуирани до земјите членки пропорционално на населението.
Фон дер Лаен потврди дека Комисијата во иднина ќе се потпре на вакцините засновани на информациската РНК, нова технологија, која ја докажа својата вредност.
„Сега влегуваме во преговори со ‘Бионтек/Фајзер’ за трет договор. Тој договор предвидува набавка на 1,8 милијарда дози за периодот 2021-2023 година“, рече претседателката на Комисијата.
Европа
Земјите од Е3 сериозно загрижени поради најавите на Иран

Велика Британија, Франција и Германија, кои ја сочинуваат безбедносната група на европски сили, позната како Е3, денес изразија загриженост поради последните најави на Иран дека ќе продолжи да го збогатува ураниумот до 60 проценти чистота.
„Владите на Франција, Германија и на Велика Британија (Е3) се сериозно загрижени поради најавата на Иран до Меѓународната агенција за атомска енергија (МААЕ) дека ќе почне со збогатување на ураниумот до 60 проценти“, се вели во официјалното соопштение на Е3.
Агенцијата наведува дека групата Е3 смета оти тоа претставува сериозен развој на настаните во безбедносна смисла бидејќи производството на високозбогатен ураниум е важен чекор во производството на нуклеарно оружје и дека Иран нема веродостојна цивилна потреба од збогатување ураниум на тоа ниво.
МААЕ на 13 април потврди дека добило известување од Иран за намерата да почне со збогатување ураниум до 60 проценти во фабриката во Натанц.
- Свет3 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Црна хроника2 месеци
Брат и сестра нападнати на Широк сокак
- Економија2 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Регион2 месеци
Вучиќ за ковид-пасошите: Кои сте вие да го ограничите движењето на некој што не сака да се вакцинира?
- Македонија2 недели
Ѓорчев: Мојот татко е во кома откако се вакцинираше во Ниш