Кампот за мигранти на грчкиот остров Самос беше евакуиран откако доцна синоќа во него избувна пожар.

Нема повредени или поголема материјална штета во пожарот во кампот, кој наскоро ќе биде затворен.

Властите соопштија дека пожарот избувнал во напуштени згради во кампот и дека е ставен под контрола, пренесуваaт агенциите.

Околу 550 мигранти беа евакуирани на поле во близина на влезот во кампот.

Трансферот на мигрантите од кампот во новиот објект вреден 43 милиони евра ќе почне денеска, а се планира да заврши в среда.

Според анализите на медиумите во регионот, досега 7.500 мигранти беа сместени во постојниот камп во тесни услови, што грчкиот министер за миграција Нотис Митаракис го призна во саботата, отворајќи нов центар за прием.

Француската филмска ѕвезда Жерар Депардје, кој има и руски пасош, гласаше на руските парламентарни избори во амбасадата на Русија во Париз.

„Гласав затоа што тоа е моја должност. Се восхитувам на Русија, се восхитувам на рускиот претседател Владимир Путин“, рече актерот пред новинарите, а пренесе агенцијата ТАСС.

In other news, Russian national Gérard Depardieu has arrived at the embassy in Paris to cast his vote in the State Duma election pic.twitter.com/jCsROse75p

— Francis Scarr (@francska1) September 19, 2021

Депардје изјави дека ретко гласал во Франција, но дека гласа за Русија.

„Верувам дека има демократија во Русија“, посочи тој.

Актерот додаде дека често оди во Русија и планира таму да отпатува во март.

Во Франција, парламентарните избори во Русија се одржуваат во амбасадата во Париз, како и во руските конзулати во Стразбур и Марсеј и во Вилфранш сур Мер.

Околу 25.000 млади луѓе се собраа на голема прослава на отворено за да го означат почетокот на студентската година и покрај забраната за одржување вакви настани, соопшти полицијата.

Снимките на социјалните мрежи покажаа како учесниците танцуваат и пијат алкохол во петокот во просторите помеѓу зградите на кампусот Сиудад Универзитарија во Мадрид, објавија шпанските списанија.

Слична прослава, со 8.000 учесници се одржа во кампусот на автономниот универзитет во Барселона.

Младите со ваков голем собир го прославија почетокот на зимскиот семестар.

Прославите на отворено со многу алкохол, наречени „ботелони“ во Шпанија, се забранети, а пиењето алкохол во јавност може да заврши со парични казни.

Во Шпанија, ноќниот живот се уште е под ограничувања поради пандемијата од Ковид-19.

Мадридската полиција соопшти дека нема доволно членови за да ја растера толпата, така што последните учесници во забавата не го напуштија местото до саботата наутро.

Единаесет тинејџери беа медицински третирани поради труење со алкохол.

„Додека колеџите се обидуваат да воспостават безбедносни мерки за да ја вратат наставата во живо на универзитетите, во исто време се одржуваат масовни забави во паралелен свет“, се пожали професорот Хесус Перез Гил на Твитер.

Ситуацијата со коронавирус во Шпанија сега е релативно стабилна со мал број на нови инфекции, ситуацијата во болниците се смирува а вакцинацијата напредува.