Европа
Несреќа поради „црниот мраз“ во Германија: училишен автобус удрил во дрво

Едно дете загина, додека 13 лица се повредени во сообраќајна несреќа на лизгав зимски пат во Германија.
До несреќата дошло кога училишниот автобус удрил во возило на зимската служба, а потоа излизгал од патот и удрил во дрво.
Инцидентот се случил утрово околу 6 часот и 30 минути во завеано подрачје кај Зематал.
Портпаролката на полицијата за „Билд“ потврди дека детето загинало во несреќата. Засега не се знае колку години има и дали е момче или девојче.
Во несреќата тешко се повредени двајца возрасни, меѓу кои и возачот на автобусот. Уште 11 патници, од кои десет се деца, се здобиле со полесни повреди. Голем број на итните служби се на терен, а рутата е целосно затворена. Кризниот тим е во акција.
„Билд“ предупредува дека до пладне е крајно опасно на патиштата во Германија. Метеоролошките експерти предупредуваат на „црн мраз“ и снежни наноси.
Се сомнева дека до оваа несреќа довел и т.н „црн мраз“, додека надлежните велат дека тоа се уште не е потврдено.
„Точната причина за несреќата се уште се утврдува. Акцијата на лице место се уште е во тек со бројни служби за итна помош“, изјави портпаролката на полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Кокаин вреден 10 милиони евра запленет во близина на Неапол

Италијанската полиција заплени повеќе од 80 килограми кокаин од камион во близина на Неапол, јави денеска италијанската новинска агенција АНСА.
Полицијата уапси 33-годишник и 47-годишник, кои беа фатени како пренесуваат 81,7 килограм кокаин, поделени во 70 дела, од камион во помало комбе во северните предградија на Неапол, јави АНСА.
Проценетата улична вредност на дрогата е речиси 10 милиони евра.
Полицијата вели дека ова е значаен удар врз организираниот криминал, пренесува италијанската агенција.
Европа
Во Минхен нема руска делегација, велат организаторите на конференцијата

Иако американскиот претседател Трамп најави средба меѓу американската и руската делегација во Минхен, организаторите на конференцијата потврдија за Би-би-си дека нема руска делегација присутна во германскиот град.
Според Би-би-си, можно е средбата да биде планирана на друго место во градот, но претставници на конференцијата за Би-Би-Си велат дека е малку веројатно германската влада да и даде визи на руската делегација.
Европа
Унгарскиот министер за надворешни работи: Студентските протести се обид за дестабилизација на Србија

Унгарскиот министер за надворешни работи Петер Сијарто изјави дека гледа „обиди за дестабилизација“ на Србија во студентските протести во Србија, кои траат по уривањето на натстрешницата на железничката станица во Нови Сад.
„Гледам обид за дестабилизација на Србија и колку што јас разбирам, тој доаѓа не само од внатре, туку и од надвор“, рече тој во интервју за РТС.
Според него, во интерес на Унгарија е Србија да остане стабилна.
„Ова е добро за Унгарците кои живеат во Србија и за Унгарија поради соработката меѓу двете земји“, додавајќи дека Будимпешта „има доверба во владејачката коалиција во Србија и се надева дека обидот за дестабилизација нема да успее“.
Тој рече дека Србија е најсилната земја на Западен Балкан и дека Унгарија смета дека е во интерес на Европската унија Србија да биде нејзина членка.
„Тоа би била добра вест за Унгарија“, рече тој.