Премиерот на Унгарија, Виктор Орбан, изјави денеска дека новото заклучување поради ковид ќе биде неправедно за шесте милиони луѓе кои примиле две дози вакцина, но доколку се воведат какви било ограничувања, тогаш сертификатот за имунизација ќе игра важна улога.

Орбан рече дека постои одреден отпор вакцинацијата да биде задолжителна и дека најдоброто што може да се направи е вакцинацијата да биде задолжителна за здравствените работници, додека приватните лица се охрабруваат да бараат нивните вработени да бидат имунизирани, објави агенцијата МТИ.

Како што нагласи тој за националното радио, Унгарците не би сакале владата да се меша во нивните лични прашања.

По повод 4. Демографски самит, што се одржа вчера во Будимпешта, Орбан рече дека прашањата за индустријата, зеленилото, дигитализацијата се важни, но дека иднината лежи во децата.

„ Ако сакаме да ја видиме нашата земја како дел од Европа, мора да имаме семејства и деца. Западот во моментов не се одржува самостојно“, рече Орбан.

Кога станува збор за прашањата на ЛГБТ-заедницата, Орбан вели дека ги разбира.

„ И нив им треба место под сонцето. Сепак, законот не може да се воведе врз основа на исклучоци. Не прифаќаме дека тие сакаат да ги растат нашите деца. Ние ќе ги растеме“, рече унгарскиот премиер.

Генетичарот и имунолог Џон Бел од Универзитетот „Оксфорд“ рече дека до пролетта в година коронавирусот може да изгледа како настинка бидејќи нашиот имунитет станува посилен поради вакцините и изложеноста на вирусот.

Тој додаде дека најлошото е зад Велика Британија и работите треба да бидат во ред кога ќе помине зимата.

Слична изјава даде извршниот директор на компанијата „Модерена“, Стефан Бансел, кој во понеделникот рече дека пандемијата на коронавирусот може да заврши за една година, со оглед на тоа што зголеменото производство на вакцини обезбедува глобални резерви.

„Ако го видиме проширувањето на производствениот капацитет во индустријата во текот на последните шест месеци, до средината на следната година треба да има доволно дози за да може да се вакцинираат сите на овој свет. Засилувачите исто така би требало да бидат овозможени до потребниот степен“, им рече тој на новинарите.

„Оние што не се вакцинираат, ќе бидат имунизирани природно бидејќи варијантата на делта е доста заразна. На тој начин ќе дојдеме во ситуација слична на грипот. Можете или да се вакцинирате и добро да ја поминете зимата или, пак, да не го направите тоа и ризикувате да се разболите, а можеби дури и да завршите во болница“, додаде тој.

На прашањето дали тоа значи дека се враќаме во нормалното во втората половина на следната година, тој рече дека тоа може да се случи за една година.

Научникот Сара Гилберт, која работеше на развојот на вакцината на „Астра зенека“, исто така рече дека вирусите стануваат послаби. Џон Бел ја коментира нејзината изјава и рече дека „сега ни е многу подобро отколку пред шест месеци“.

„Притисокот врз британскиот здравствен систем е значително намален. Ако ги видите смртните случаи предизвикани од Ковид-19, обично се постарите лица и не е целосно јасно дали Ковид-19 е причината за тие смртни случаи“, рече Бел.

„Мислам дека сега го поминавме најлошото. Мислам дека одиме кон позицијата што ја опишува Сара и веројатно ќе стигнеме таму следната пролет. Мора да ја поминеме зимата, но мислам дека ќе биде добро тогаш“, додаде тој.

Унгарскиот премиер, Виктор Орбан, изјави дека Брисел е слаба алка во заштитата на унгарската граница, нагласувајќи дека земјите членки на ЕУ треба да ги прифатат Авганистанците.

„ Брисел ја изневерува Унгарија и Европејците. Унгарија ја штити цела Европа. Се надеваме дека планот на Брисел може да пропадне. Треба да обезбеди помош онаму каде што е потребна, а не да создава проблеми за Унгарија, Чешка и остатокот од ЕУ “, рече Орбан додека беше на обиколка на границата со Србија со чешкиот премиер Андреј Бабиќ, пренесува „Хангари тудеј“.

Тој повтори дека ЕУ треба да ги заштити шенгенските граници на југ, исто како што Србија веќе требаше да стане членка на Унијата и шенген-зоната. „ Ако Србија веќе беше примена во блокот, ќе бевме побезбедни“, рече Орбан.

Како што додаде, Унгарија наскоро ќе се соочи со поголем притисок во однос на миграцијата на нејзината јужна граница.

За време на обиколката на унгарско-српската граница, заедно со чешкиот премиер Андреј Бабиш, тој рече дека иако оградата на границата со Србија е ефикасна, ќе бидат потребни уште повеќе службеници за да ја заштитат, пренесува порталот „Хангари тудеј“.

Според него, во 2015 година Унгарија ја издржала инвазијата на повеќе од 400.000 мигранти кои тврделе дека германската канцеларка, Ангела Меркел, ги поканила во Германија, и дека потоа одлучил да изгради ограда на јужната граница откако станало невозможно да се зачува јавната безбедност.

Орбан истакна дека оградата поставена по должина на границата со Србија ја чуваат околу 4.500 службеници, што е голем трошок за државниот буџет, но и дека Брисел не направил ништо за да ѝ помогне на Унгарија со тие трошоци.