Германската канцеларка Ангела Меркел денес беше вакцинирана со „астразенека“.

Меркел, која во јули ќе наполни 67 години, веќе објави дека има намера да се вакцинира, но дека го чека својот ред, пишува „Дојче веле“.

Досега претседателот Франк-Валтер Штајнмаер исто така беше вакциниран со „астразенека“, велејќи дека има доверба во вакцините што биле одобрени во Германија.

По препорака на Централната комисија за вакцини во Германија, само оние над 60 години се вакцинираат со „астразенека“ од почетокот на април.

Министрите за здравство на сојузните покраини пред неколку дена одлучија помладите луѓе кои ја примија вакцината на „Астразенека“ како прва вакцина, да добијат вакцина од „Фајзер / Бионтек“ или од „Модерна“ во втора фаза.

СМС-аферата не престанува да ја тресе Австрија.

Медиумите дојдоа до голем број пораки што канцеларот Себастијан Курц наводно ги разменил со поранешниот секретар во Министерството за финансии, Томас Шмид, што поттикна на многубројни шпекулации за нивниот меѓусебен однос.

Шмид му испратил порака на Себастијан Курц во која го замолува да му вети дека ќе има вистинска моќ на новото работно место, а не само церемонијална улога.

„Добиваш сè што ќе посакаш“, му одговорил Курц.

can’t stop thinking abt this news report like HELLO “du kriegst eh alles was du willst 😘😘😘” pic.twitter.com/Ti83LDSfce

— sir jazz the fish (@swagjazzswag) April 7, 2021

„Пресреќен сум… го сакам мојот канцелар“, му напишал Шмид.

Се чини дека нивната преписка била многу блиска, па пронајдени се и пораки со бакнежи, што канцеларот наводно ги упатил до секретарот. Во телефонот на Томас Шмид се пронајдени околу 2.500 експлицитни фотографии, пишува „Блик“.

Јавноста со денови шпекулира за она што е напишано во пораките што беа откриени откога, по аферата „Ибица“, истрагата продолжи против другите членови на Партијата на слободата на Австрија (ФПО) на Штрахе, но и Народната партија на Австрија (ОВП) на Себастијан Курц.

Der “neue Stil” ist nichts anderes als Postenvergabe und der Freunderlwirtschaft.

Thomas Schmid soll die Ausschreibung für seinen Job zumindest mitgestaltet haben und Aufsichtsräte ausgesucht haben.

“Kriegst eh alles was du willst”, versichert Kanzler Sebastian Kurz.#ÖVP pic.twitter.com/8P61t61AgV

— mobika stewart (@MobikaStewart) April 11, 2021

Одземен му е мобилниот телефон на Шмид, во кој, според „Суедојче цајтунг“, наводно, сè било избришано, но форензичарите сепак успеале да ги пронајдат пораките, меѓу кои се и оние што ги разменил со канцеларот. Тие пораки, според медиумите, треба да бидат доказ за тоа како секое назначување завршува на самиот врв на власта.

Во преписката наводно се гледа како Курц му испраќа порака на Шмид: „Ќе добиеш сè што ќе посакаш“, покрај кои има три емотикони што испраќаат бакнеж. Шмид одговори: „Многу сум среќен. Го сакам својот канцелар“. Неколку недели по размената на овие пораки во јавнота, се појави аферата „Ибица“.

Покрај пораките, како што пренесува „Блик“, во службениот телефон на Шмид се пронајдени околу 2.500 експлицитни фотографии, на кои се гледа машки полов орган.

Обвинителството испитува од каде се фотографиите, но исто така испитува и како доказите од истрагата се обелодениле во јавноста.

Британското кралско семејство во средата на својот официјален профил на „Твитер“ објави досега невидена фотографија од кралицата Елизабета Втора и починатиот принц Филип со своите правнуци. Фотографијата ја сними војвотката од Кембриџ, Кејт Мидлтон, во замокот Балморал во 2018 година.

На фотографијата малиот принц Џорџ стои на левата страна до кралицата, а принцот Луис седи во нејзиниот скут.

The Queen and The Duke of Edinburgh surrounded by seven of their great-grandchildren at Balmoral Castle in 2018.

©️ The Duchess of Cambridge pic.twitter.com/xMmbzfDHwL

— The Royal Family (@RoyalFamily) April 14, 2021

Савана Филипс позира веднаш зад принцезата Шарлота, која седи покрај војводата од Единбург. Десно од него е Исла Филипс, која ја држи Лена Тиндал, а Миа Тиндал стои десно.

На принцот Филип, кој почина минатиот петок на 99-годишна возраст, се присетија и принцот Вилијам и неговата сопруга Кејт, кои исто така споделија заедничка фотографија со кралицата и војводата од Единбург во јавноста.

Today we share, along with Members of The @RoyalFamily, photographs of The Duke of Edinburgh, remembering him as a father, grandfather and great-grandfather.

📷 This picture was taken at Balmoral in 2015. pic.twitter.com/HxNfrL21xU

— The Duke and Duchess of Cambridge (@KensingtonRoyal) April 14, 2021

Нивната фотографија исто така е снимена во Балморал, но во 2015 година, а на неа војводата од Кембриџ ја држи раката на својот син, принцот Џорџ, а принцезата Шарлота е во прегратката на војвотката.

„Денес го паметиме како татко, дедо и прадедо“, пишува на твитер-профилот на Кенсингтон ројал.

Remembering The Duke of Edinburgh as a much-loved Father and Father-in-Law.

Members of The Royal Family are today sharing their memories of The Duke – see more on @RoyalFamily. pic.twitter.com/7lIGjhhYtQ

— The Prince of Wales and The Duchess of Cornwall (@ClarenceHouse) April 14, 2021

И принцот Чарлс и неговата сопруга Камила објавија две фотографии во спомен на Филип. На едната војводата и младиот Чарлс играат поло, а на другата Филип стои помеѓу принцот од Велс и војвотката од Корнвол.