Европа
ОН повика на итен прекин на огнот во Донбас, Киев и Москва се обвинуваат меѓусебно
Во Обединетите нации се загрижени од заострувањето на ситуацијата на истокот од Украина, изјави во вторникот вечерта портпаролот на светската организација, Фархан Хак, додека Киев и Москва меѓусебно се обвинуваат за зголемувањето на судирите последните денови што предизвика најголем број жртви во последните неколку седмици и прекин на снабдувањето со електрична енергија и вода за населението во близина на линијата на разграничувањето на украинските и силите на рускојазичните одметнати региони.
Украинската армија и властите во рускојазичните самопрогласени ткн „народни републики“ во Донецк и Луганск меѓусебно се обвинуваат за почнување офанзива во индустрискиот град Авдеевка, кој е под контрола на силите лојални на Киев и за отворање оган од тешка артилерија со што се кршат договорите од Минск.
Градот Авдеевка или на украински Авдиивка, на 6 километри северно од Донецк, има околу 35 илјади жители, од кои 63 отсто се изјаснуваат како Украинци а 33 отсто како Руси, но големо мнозинство од 87 отсто го наведува рускиот како мајчин јазик, според пописот од 2001 година. Градот претставува важна железничка станица во регионот на Донбас.
„Длабоко сме загрижени за ескалацијата на конфликтот во регионот Донецк – Јасиноватаја – Авдеевка, на истокот од Украина, коишто, според информациите, доведоа до жртви“, изјави портпаролот на ОН, Фархан Хак за агенцијата РИА.
Портпаролот на генералниот секретар на ОН истакнал дека „зголемувањето на насилствата е директно кршење на договорите од Минск“. „Ги повикуваме сите страни да ги сопрат судирите“, порачал Хак.
Подоцна во вторникот по њујоршко време Советот за безбедност на ОН зад затворени врати ќе дискутира за ситуацијата во Донбас, соопштија од светската организација.
Осум украински војници загинале а 26 се ранети откако судирите се интензивирале во неделата, и тоа се најголемите загуби коишто украинската војска ги претрпела од средината на декември, според податоците на владата во Киев.
„Моменталната ескалација во Донбас е јасен показател дека Русија не ги почитува своите обврски од договорот од Минск и ја спречува стабилизацијата на ситуацијата“, велат од украинското министерство за надворешни работи, пренесе Reuters.
Портпаролот на Кремљ, Дмитриј Песков, пак, возврати дека Русија „поседува уверливи докази дека нападот крај Авдеевка го започнале украинските ’самостојни единици’, а украинската војска ги поддржала“.
Според договорот за примирјето договорен во белоруската престолнина Минск во февруари 2015 година, за кој гаранти се Украина, Русија, Франција и Германија, тешкото вооружување треба да е повлечено на стотина километри од линијата на раздвојувањето. Но меѓународните набљудувачи редовно известуваат за кршење на прекинот на огнот од двете страни, вклучително и оган од топови и минофрлачи.
Според податоците на ОН, најмалку десет илјади луѓе загинале во борбите од почетокот на граѓанската војна во февруари 2014 година, по протестите и превратот во Киев кога власта ја преземаа прозападно ориентираните сили./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украинска политичарка застрелана во глава: „Ситуацијата е сериозна“
Непознат сторител пукал во Ирина Фарион, поранешна украинска пратеничка од крајната десница, соопштија украинските власти. Фарион (60) е хоспитализирана со прострелна рана во главата, соопшти украинската национална полиција. Нејзината состојба е „исклучително сериозна“, додаваат тие.
Полицајците се обидуваат да го идентификуваат напаѓачот, пишува Киев Индепендент. Претседателот Володимир Зеленски беше информиран за ситуацијата од страна на министерот за внатрешни работи и шефот на Службата за безбедност на Украина (СБУ).
„Секое насилство е за осуда и кој и да е одговорен мора да ги сноси последиците“, рече Зеленски.
Ирина Фарион, која е позната по нејзините контроверзни изјави за употребата на рускиот јазик во Украина, се приклучи на ултранационалистичката партија Свобода во 2005 година и беше пратеник во парламентот меѓу 2012 и 2014 година.
Во јуни 2024 година, таа беше вратена како професорка на Катедрата за украински јазик на Политехничкиот универзитет во Лавов, набргу откако беше отпуштена. Фарион предизвика бес кога на 6 ноември рече дека не може да ги нарекува украинските војници украински ако зборуваат руски.
Скандалот околу нејзините изјави ескалира откако таа наводно добила порака за поддршка од Максим Хлебов, проукраински студент кој живее на окупираниот Крим. Таа го објави мејлот на своите социјални мрежи, по што наиде на остри критики.
Службата за безбедност на Украина (СБУ) во ноември 2023 година соопшти дека Фарион е под кривична истрага и за нејзините изјави за војниците кои зборуваат руски и за протекувањето на пораката на Хлебов.
Европа
Русите нудат парична награда за првиот уништен Ф-16
Руски фирми нудат парични награди за уништување на F-16 Fighting Falcons, охрабрувајќи ја својата војска да ги уништи западните авиони кои наскоро ќе се појават над небото на Украина.
Ова првпат беше објавено на каналот Телеграм на руското Министерство за одбрана на почетокот на оваа недела.
„Ќе има награда за уништување на борбените авиони Ф-15 и Ф-16. Наградата за првиот ќе биде 15 милиони рубли“, се вели во објавата, цитирајќи го директорот на руската нафтена компанија ФОРЕС Илја Потанин.
Инаку, 15 милиони рубљи се еднакви на околу 170.000 долари или околу 155.500 евра.
Министерството за одбрана соопшти дека се понудени и парични награди од 500.000 рубљи за уништување на тенковите на НАТО во Авдиивка, пренесува „Њузвик“.
На приложеното видео во објавата на Телеграм, може да се видат руски војници како добиваат награди и се ракуваат со нивните претпоставени офицери.
Европа
Зеленски ја моли новата британска влада: „Дозволете ни да ја нападнеме Русија со моќни ракети“
Украинскиот претседател Володимир Зеленски денеска им се обрати на министрите на новата британска влада, на покана на премиерот Кир Стармер, и го повтори апелот до западните сојузници да дозволат напади врз Русија со ракети со долг дострел.
Зеленски е првиот странски лидер кој лично се обратил пред британскиот кабинет откако поранешниот американски претседател Бил Клинтон го стори тоа во 1997 година.
Украинскиот претседател рече и дека Британија треба да ги убеди своите партнери, кои зазедоа различни позиции за тоа како Украина може да го користи оружјето што им е доставено, да ги укинат ограничувањата за употреба на оружје и муниција.
„Во моментов го немаме главниот одговор на тоа прашање, што се однесува на нашите долгорочни можности. Ве молиме, убедете ги другите партнери да ги укинат овие ограничувања“, рече Зеленски.
Стармер му рекол на Зеленски дека Британија ќе ја забрза испораката на клучната помош за Украина, откако неговиот министер за одбрана на почетокот на овој месец потврди дека помошта ветена од претходната конзервативна влада ќе биде доставена за 100 дена.
ДУИ за Балансерот: Тоа е опасен обид за намалување на влијанието на Албанците во јавниот и институционалниот живот на државата
Демократската унија за интеграција најостро ја осудува одлуката на владата со моноетнички легитимитет да ја смени формулата „балансер“ од 29,5%...
Пратеници на службените електронски адреси добиле заканувачки пораки
МВР соопшти дека вчера во 13.58 часот во Полициската станица Центар, претставник на една политичка партија пријавил дека на 23.07.2024...
Иселениците повеќе нема да ја одредуваат етничката застапеност во државните институции, сменет е процентот на балансерот
Министерот за јавна администрација, Горн Минчев, објави дека се изменети процентите на балансерот, кој од 2022 година ја броеше и...
По 200.000 денари субвенција за занаетчиите за нов алат, машини или нов производ, пријавување до 1 октомври во Економија
Занаетчиите што купиле нов алат, машини или имале нов производ во 2023 и 2024 година ќе може да се пријават...
До декември потешките операции, место во Клинички, ќе се прават во „8 Септември“ и во „Св. Наум Охридски“, Таравари најави нов тендер за компресорска станица
Хируршките сали во Клиничкиот центар ќе функционираат со надворешни компресори и со намален интензитет до декември. Ова решение како привремено...
Наместо Скопје, прашина на подножјето на Водно – што се случувало во сеизмолошката станица за време на скопскиот земјотрес
Денес, 26 јули, одбележуваме 61 година од скопскиот катастрофален земјотрес, кој остави длабоки траги во историјата на градот Скопје. Земјотресот...
Амбулантата во Илинден готова до Нова година, ќе почне со општи лекари, а веќе се бараат и интернист, педијатар, гинеколог…
До Нова година ќе биде пуштена во употреба реновираната амбуланта во општина Илинден, која ќе ги опслужува и жителите на...
Телефонот на врховниот судија Георгиев упатува на друго кривично дело – одземени и досиеја при претресот во Академијата за судии
Два мобилни телефона од лице вработено во Академијата за судии и јавни обвинители, како и видеозапис и две досиеја –...
„Вреди“ го прозва Али Ахмети откога СДСМ ја призна грешката за измените на Кривичниот законик
Претседателот на СДСМ, Венко Филипче, ја призна грешката, дали ова ќе го направи и Али Ахмети од ДУИ, прашуваат од...
Почвата кај Берово не се смирува: утрово регистриран уште еден земјотрес
Земјотрес од 3,1 степени утрово е регистриран во околината на Пехчево и Берово. Според информациите на Сеизмолошката опсерваторија, земјотресот се...
Камала Харис до Нетанјаху: Ставете крај на војната во Газа
Американскaта потпретседателка Камала Харис, која се очекува да биде кандидат на Демократската партија на претседателските избори во ноември, одржа, како...
(Видео) Американска пратеничка со говорна мана одржа говор користејќи глас со вештачка интелигенциј
Американската пратеничка од Вирџинија Џенифер Векстон користеше програма за вештачка интелигенција (АИ) за да се обрати синоќа пред Претставничкиот дом...
Сончево со мала до умерена локална облачност и температури до 38 степени
Времето денеска ќе биде сончево со мала до умерена локална облачност. Ќе дува умерен, а наместа долж Повардарието и во...
Починато бебе во Богданци: подолг период било хоспитализирано
Вчера во 09.10 часот во СВР Струмица, лекар од Итна медицинска помош Гевгелија пријавил дека во Богданци починало машко бебе....
Во канал за наводнување пронајдена почината жена од Кочанско
Денеска во Полициската станица Кочани, К.Ј.(64) пријавил дека во канал за наводнување во близина на с.Оризари, кочанско, ја пронашол удавена...
Мицкоски по апелот на Филипче за нов кривичен законик: Што е со делата што застареа, а граѓаните плаќаат милиони отштета
Премиерот Христијан Мицкоски е согласен да биде донесен нов кривичен законик, кој ќе биде изработен според европските стандарди. Ова беше...
„Нема повеќе евтина храна на државна сметка“ – 50 отсто зголемени цените во владините објекти
Зголемување на цените на угостителските услуги во владините објекти за педесет отсто најави директорот на Службата за општи и заеднички...
Филипче призна дека згрешиле со измените на Кривичниот законик, на Владата ѝ предложи да донесе нов што им бил изготвен пред шест години
Претседателот на СДСМ, Венко Филипче, вели дека претходната влада згрешила што ги донела измените на Кривичниот законик, со кој застаруваат...
Таравари и со скратен буџет ќе ги вработува оние со договор на дело: Ќе најдеме решение и тие до крајот на годината да бидат редовно вработени
По одлуките за вработување на специјализантите и дополнувањето на позитивната листа на лекови, кои министерот за здравство, Арбен Таравари, ги...
Гром предизивка пожар во општина Старо Нагоричане
Гром предизвикал пожар на сува трева и шума во село Бајловце, општина Старо Нагоричане, информираа од регионалниот центар за управување...
