Европа
Руски воздушен напад врз Киев, седум ранети, меѓу нив и девојче

Руските сили рано утринава извршија воздушен напад врз Киев, соопштија властите во главниот град на Украина. Во објава на „Телеграм“, градоначалникот на Киев, Виталиј Кличко, рече дека воздушната одбрана ги одбила нападите, но дека некои згради биле оштетени.
„Експлозии во градот. Противвоздушната одбрана работи. Останете во засолништата“, рече Кличко и потоа додаде: „Имаше уништување нестанбени згради во областа Дарнички“.
Деветгодишно девојче е меѓу седумте повредени во руските напади утринава во Киев, извести градоначалникот на главниот град.
‼️During the night, Russia launched a massive missile attack on Ukraine. Explosions were heard in Kyiv, Kharkiv, Rivne, Cherkasy, Khmelnytskyi, and Lviv regions.
• Over #Kyiv and its surroundings, air defenses destroyed 20 Russian targets. Missile fragments fell in three… pic.twitter.com/eXTpZoVgWV
— KyivPost (@KyivPost) September 21, 2023
Тој рече дека повредени се пријавени во областа Дарнички во главниот град. Дете и 18-годишна жена се хоспитализирани кога остатоци паднале од инфраструктурен објект врз станбена зграда, додаде градоначалникот на Киев.
Кличко исто така предупреди на прекини на струја и вода во некои делови на главниот град.
Серхи Попко, шеф на градската воена управа на Киев, рече дека остатоци паднале на земјата во најмалку две области.
„Предупредување за воздушен напад во Киев. Како резултат на работата на противвоздушната одбрана за соборување на непријателски цели, остатоци паднаа во областите Холосијевски и Дарнички“, рече Попко во објавата на „Телеграм“.
„Сите служби за итни случаи се на пат. Информациите за жртви и штети се разјаснуваат. Останете во засолништа додека не помине воздушната тревога“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Напаѓач уби турист кај Ајфеловата кула и нападна уште двајца, извикал „Алах акбар“

Маж е убиен, а двајца повредени во напад со нож и чекан на улица во центарот на Париз.
Францускиот министер за внатрешни работи Жералд Дарманин изјави дека напаѓачот ги нападнал туристите околу Кеј де Гренел, недалеку од Ајфеловата кула. Уапсениот 26-годишен француски државјанин од претходно им бил познат на безбедносните служби.
Осомничениот се приближил до туристичката двојка и го избол германскиот државјанин до смрт, рече тој. Потоа нападнал уште две лица со чекан пред да биде запрен со пиштол за шокирање и уапсен. На повредените им била укажана брза помош.
French police arrest Islamic terrorist in Paris who killed one person and injured two shouting “Allah Akbar”. pic.twitter.com/B5xR1CbsNd
— RadioGenoa (@RadioGenoa) December 3, 2023
Дарманин рече дека напаѓачот извикал „Алаху Акбар“, што значи „Господ е голем“ на арапски, а подоцна на полицијата и рекол дека е вознемирен бидејќи „толку многу муслимани умираат во Авганистан и Палестина“.
Тој рече дека осомничениот бил осуден на четири години затвор во 2016 година за планирање посебен напад и бил баран од француските безбедносни служби. Познато е и дека мажот боледувал од психијатриски нарушувања, изјави Дарманин.
Terrorist attack in Paris with hammer and knife shouting “Allah Akbar”. One dead and two injured. pic.twitter.com/puhYBn5Kwj
— RadioGenoa (@RadioGenoa) December 2, 2023
Обвинителството за борба против тероризмот соопшти дека ја презело истрагата. Пишувајќи на X, поранешен Твитер, францускиот претседател Емануел Макрон изрази сочувство до сите погодени од „терористичкиот напад“ и им се заблагодари на службите за итни случаи за нивниот одговор. „Националното обвинителство за антитероризам ќе биде одговорно за расветлување на овој случај за да може правдата да биде задоволена во име на францускиот народ“, рече тој.
Европа
47-метарската кула на Болоња е затворена бидејќи може да се урне

Средновековната кула Гарисенда во италијанскиот град Болоња, која е наведната исто како и онаа во Пиза, е затворена поради страв дека може да се урне, јавува Би-би-си.
Властите почнаа да градат бариера висока пет метри околу кулата Гарисенда од 12 век за да ги задржи остатоците во случај кулата да падне. Кулата висока 47 метри се наведнува под агол од четири степени, а неодамна беа откриени поместувања во насока на навалувањето.
Градскиот совет на Болоња соопшти дека ситуацијата е „многу критична“.
Локацијата првпат беше затворена во октомври, откако сензорите открија промени во наклонот на Гарисенда, а инспекциите открија влошени материјали што ја сочинуваат нејзината основа и дека кулата е полна со пукнатини.
Советот започна, како што го нарече, план за цивилна заштита за зачувување на кулата. Се вели дека бариерата, покрај тоа што содржи остатоци, ќе ги заштити околните згради и луѓето во случај на уривање.
Се наведува дека околу кулата ќе бидат поставени и метални мрежи против карпи. Изградбата на бариерата ќе заврши на почетокот на следната година, додека кулата и плоштадот под неа се очекува да останат затворени неколку години додека се реновира.
Градот проценува дека само бариерата ќе чини 4,3 милиони евра и почна заедничка финансиска кампања за плаќање на реновирањето.
Проектот е наречен „извонреден предизвик“ кој ќе бара „посветеност на целиот град и на оние ширум светот кои ја сакаат Болоња и еден од нејзините најважни симболи“.
Европа
Шојгу зборуваше за украинската контраофанзива: Изгубија повеќе од 125.000 луѓе

Рускиот министер за одбрана Сергеј Шојгу тврди дека загубите на Украина во изминатите шест месеци за време на контраофанзивата надминале 125.000 луѓе и 16.000 оружје.
За време на состанокот со раководството на руските вооружени сили, Шојгу рече дека борбените способности на украинските војници се значително намалени, пренесува „Интерфакс“.
Според Шојгу, руските војници ќе продолжат да спроведуваат активна одбрана и да го зголемуваат својот борбен потенцијал земајќи го предвид искуството стекнато во специјалната операција во Украина.
Рускиот министер за одбрана најави дека следната година Русија ќе ја одржи стратешката командно-штабна вежба „Океан-2024“ со учество на сите гранки на армијата.