Европа
Штајнмаер: Германија е поткрепа на борците за демократија

Германија е поткрепа за оние коишто се борат за демократијата во светот, изјави во неделата досегашниот министер за надворешни работи Франк-Валтер Штајнамер, откако Сојузната конвенција (Bundesversammlung), тело составено од пратениците и угледни припадници на општествената германска сцена кои го избира за нов германски претседател.
За Франк-Валтер Штанјмаер гласаа 931 од вкупно 1.253 претставници во Сојузната конвенција во Рахјстагот во Берлин, 14 гласови биле неважечки а 103 пратеници се воздржале . Овој досегашен шеф на дипломатијата, од Социјалдемократската партија на Германија (SPD), ќе ја преземе, оваа главно протоколарна должност претседател на Германија на 18-ти март од Јоаким Гаук.
Штајнмаер во говорот по изборот укажа на несигурноста којашто моментално владее во светот, како и на „важната улога на Германија како потпора на многубројните сили во светот“ кои се борат за демократија.
„Граѓаните живеат во несигурност, светот излезе од својот колосек. Јас ги чувствувам бројните грижи на граѓаните и ги сфаќам сериозно. Германија на граѓаните во светот кои се борат за демократија им дава храброст, тоа го доживеав на функцијата министер за надворешни работи. Германија е сидрото на надеж за многумина во светот“, тврди Штајнамер, кој стана дванаесеттиот германски претседател.
„Ние не живееме во светот на блажените. И на нас тука, во Германија, влијаат светските кризи. Но ние сме тие кои имаме право на оптимизам“, заклучи Штајнамер кој беше кандидат за претседател на ткн голема коалиција не неговата SPD и мнозинскиот партнер во владата Унијата на демохристијаните од CDU и CSU, водена од канцеларката Ангела Меркел.
Пред гласањето, претседателот на Бундестагот, Норберт Ламерт, од Христијанско-демократската унија CDU упати директна критика на сметка американскиот претседател Доналд Трамп.
„Оној којшто се залага за изолација наместо за отвореност кон светот, оној кој буквално се оградува со ѕид и кој слоганите ако ’Ние на прво место’ ги прогласува за свои програми, тој не смее да се чуди доколку и другите познат кон него да се однесуваат на ист начин, со сите можни последици за меѓународните односи“, изјави Ламерт.
Меѓу првите странски државници кои му го честитаа изборот на Штајнамер, беше рускиот претседател Владимир Путин, кој веднаш упати покана до својот нов германски колега по должност „во секое време“ да ја посети Русија.
„Шефот на руската држава изрази уверување дека активностите на Франк-Валтер Штајнамер на оваа одговорна позиција ќе придонесе за развојот на руско-германските односи, плодната соработка во различни области во полза на народите на двете земји, во смисла на зајакнувањето на стабилноста и безбедноста на европскиот континент и во целиот свет“, соопшти Кремљ.
Во изјавата се истакнува дека „Владимир Путин ја потврди заинтересираноста за продолжување на конструктивниот дијалог за актуелните билатерални односи и меѓународната агенда….“.
Германскиот претседател го избира Сојузното собрание (конвенција), уставно тело составено од пратениците во двата дома на парламентот, Бундестагот и Бундестратот, како и реномирани личности од јавниот живот кои ги избираат сојузните покраини.
Во неделата Сојузната конвенција одлучуваше меѓу пет кандидати. Покрај Штајнамер, за претседател на Германија се кандидираа и социологот Кристофер Бутервеге како кандидат на партијата Левица, Албрехт Глазер како кандидат на евроскептичната и антидоселеничка партија Алтернатива за Германија (AfD), судијата Александер Холд кого гои предложи група независни избирачи и Енгелберт Зонеброн, кандидат на анархистичката партија Партија.
Мандатот на претседателот на Германија трае пет години. Иако според уставот е прва политичка функција во земјата, должноста на претседателот има главно протоколарен карактер и првенствено е поврзан со претставувањето на Германија во светот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Украински функционер: Европа прави сè што може, но ќе биде тешко без американско оружје

Украина ги повика САД да продолжат со „континуираната“ воена помош, по изненадувачката најава дека некои испораки на оружје за Киев ќе бидат запрени, додека Вашингтон се обиде да го намали значењето на паузата.
Тоа е сериозен удар за Украина во време кога Русија ги засилува нападите во отсуство на дипломатски напредок за решавање на конфликтот. Американскиот претседател Доналд Трамп му се обраќа на рускиот претседател Владимир Путин од јануари, обидувајќи се да изврши притисок врз него да ги запре борбите, но без да постигне конкретен напредок.
Вчера, сосема неочекувано, неговата администрација објави дека престанала да испорачува одредени видови оружје во Киев, официјално поради загриженост за намалувањето на залихите на муниција во САД, од каде што доаѓа најголемиот дел од воената помош за Украина од почетокот на руската инвазија во февруари 2022 година.
Американските претставници вчера се обидоа да го минимизираат влијанието на потегот, без да дадат детали. „Министерството за одбрана продолжува да му презентира опции на претседателот во врска со воената помош за Украина, во согласност со целта за завршување на оваа трагична војна“, изјави портпаролот на Пентагон, Шон Парнел, за новинарите.
Портпаролката на Стејт департментот, Тами Брус, на брифингот изјави дека „ова не е суспензија на американската помош за Украина или испораката на оружје“, туку „изолиран инцидент“.
Оружјето, муницијата и опремата од Соединетите Американски Држави, како и разузнавачките информации, им овозможија на украинските сили да ги сопрат руските трупи, кои окупираа речиси 20 проценти од украинската територија. Украина останува зависна од американските испораки на оружје, изјави за АФП висок украински воен функционер.
„Европа прави сѐ што може, но ќе ни биде тешко без американска муниција“, додаде тој. Синоќа, украинскиот претседател Володимир Зеленски рече дека Вашингтон и Киев се обидуваат да ги „разјаснат сите детали“ во врска со воената помош што Соединетите Американски Држави сè уште ја обезбедуваат. „Продолжената американска помош за нашата одбрана и нашиот народ е во наш заеднички интерес“, рече тој.
Европа
(Видео) Украинците уништија руско складиште за муниција, се шири снимка од огромна експлозија

Украина очигледно извршила напад врз руско складиште за муниција во градот Карцизк во окупираниот дел од Донецката област на 2 јули, објавија и руски и украински Телеграм канал.
На социјалните мрежи се појавија снимки на кои наводно се гледаат моќни експлозии во близина на магацинот за кој се тврди дека се наоѓа источно од рускиот окупиран град Донецк.
Украинската војска не го коментираше нападот, а во моментов нема информации за обемот на штетата.
💥Just now: strike reported on the Russian ammunition depot on Khartsyz'k. pic.twitter.com/o33onaTPWF
— Special Kherson Cat 🐈🇺🇦 (@bayraktar_1love) July 2, 2025
Украинската војска редовно напаѓа воени цели на територијата окупирана од Русија, како и длабоко во Русија, во обид да ја ослабне способноста на Москва да води војна против Украина.
Вечерта на 30 јуни, Украина слично започна напад врз командниот пункт на 8-та комбинирана армија на руските вооружени сили во рускиот окупиран дел од Донецката област. Според неофицијални информации, нападот бил извршен од британски крстосувачки ракети со долг дострел од типот Storm Shadow.
Russian ammunition depot in Khartsyzk https://t.co/VkenrZaEV1 pic.twitter.com/ktxSlOzcCd
— Special Kherson Cat 🐈🇺🇦 (@bayraktar_1love) July 2, 2025
Со месеци, Русија ја фокусираше својата офанзива врз градот Покровск во Донецката област, кој е под постојан напад, а во последно време сè повеќе се обидува да ги пробие украинските линии кон соседната Дњепропетровска област – регион кој досега не беше погоден од борбите.
Европа
Убиен украински командант; Зеленски: Ќе одговориме за овој напад

Во руски ракетен напад врз Хуљајпоље во областа Дњепропетровска беше убиен командантот на 110-та посебна механизирана бригада на Украина, Сергеј Захаревич, а ранети се уште 30 други, изјави украинскиот претседател Володимир Зеленски.
Руската војска го нападна вчера округот Камјански, каде што се наоѓа селото Хуљајпоље, соопшти гувернерот Сергеј Лисак. Хуљајпоље, со население од околу 1.200 жители пред војната, се наоѓа во западниот дел на областа Дњепропетровска, на околу 70 километри од линијата на фронтот.
„Секако ќе им одговориме на Русите за овој напад“, објави Зеленски, додавајќи дека во моментов е во тек истрага за рускиот напад и дека чека извештај од воената команда.
Захаревич дипломирал на Одесскиот институт на копнените сили. Во февруари оваа година, тој беше назначен за командант на 110-та посебна механизирана бригада. Пред тоа, тој беше заменик-командант на 33-та механизирана бригада.
Тој учествуваше во неколку борбени мисии на фронтот. „Нашата армија изгуби уште еден претставник на новата генерација украински офицери кои пораснаа во битка и станаа модели на храброст и проактивно воено лидерство“, соопшти Генералштабот на украинските вооружени сили.