Полска сè повеќе станува цел на напади. По саботажата на стратешки важна железничка рута, министерот за надворешни работи Радослав Сикорски ја обвинува Русија за „државен тероризам“, пишува Дојче Веле.

Полскиот министер за надворешни работи Радослав Сикорски не ја криеше сериозноста на ситуацијата по саботажата на полската железничка мрежа.

„Ова не беше чин на саботажа како порано, туку државен тероризам, бидејќи неговата јасна цел беше да се предизвикаат човечки жртви“, рече Сикорски во парламентот во Варшава во среда.

„Странска земја испрати добро подготвени саботери кои само по чиста среќа не ја постигнаа својата цел“, додаде шефот на полската дипломатија, обвинувајќи ја руската воена разузнавачка служба ГРУ за регрутирање луѓе за „валкана работа“.

Потоа им објави на новинарите дека рускиот конзулат во Гдањск, последното преостанато руско конзуларно место во Полска, наскоро ќе биде затворено.

Туск: Најсериозниот инцидент по нападот врз Украина

Еден ден претходно, полскиот премиер Доналд Туск го нарече инцидентот „веројатно најсериозен удар врз безбедноста на земјата од почетокот на војната во Украина“. Тој нагласи дека „одредена линија е премината“.

Од полноќ, сите железнички линии во Полска се на второ највисоко ниво на тревога. Прописите предвидуваат 24-часовна безбедност на важните железнички објекти и вооружување на чуварите со боева муниција. Зголемените безбедносни мерки треба да останат на сила до крајот на февруари.

На полските безбедносни сили им беа потребни само 70 часа за да ги идентификуваат осомничените за двата акти на саботажа. Во недела наутро, машиновозач на линијата Варшава-Лублин запре воз во близина на Мика поради сериозно оштетување на шините и го извести раководството на Полските државни железници (ПКП). Кратко потоа, во близина на Пулави беше откриено уште едно оштетено место на оваа стратешки важна железничка рута што се протега од полската престолнина до украинската граница.

фото: принтскрин

Рускиот претседател Владимир Путин се обрати до јавноста откако неодамна помина една ноќ во болница, велејќи дека е во одлична здравствена состојба. За време на посетата на изложба во Москва, тој потврди дека бил подложен на медицински преглед кој вклучувал и ноќевање во болница.

„Фала му на Бога, сè беше во ред“, додаде Путин. Тој објасни дека станува збор за дводневни прегледи – бил примен во болница едно попладне и отпуштен следниот ден. Сепак, оваа епизода е само последната во низата од оние што ги поттикнаа долгогодишните шпекулации за здравјето на рускиот лидер.

Putin talked about his health condition

‘I just underwent an annual check-up, it took me almost two days with an overnight stay at the clinic. I arrived there in the afternoon and left the next day. Thank God, everything is fine.’
– SK pic.twitter.com/W7dAx3HH6W

— Zlatti71 (@Zlatti_71) November 19, 2025

Во ноември минатата година, за време на неговиот престој во Астана, Казахстан, вниманието беше насочено кон необични, нагли движења на неговите нозе. Додека зборуваше на прес-конференцијата, цврсто се држеше за говорницата, додека нозете му се чинеше дека неконтролирано се грчат.

Putin’s continuing problem to control his legs and arms has been visible again today, when he met Lukashenko. This man is medically sick. Russia’s losing war will most certainly expedite his worsening condition. #Russia #Putin pic.twitter.com/IqX1adtCH8

— (((Tendar))) (@Tendar) February 17, 2023

Коментирајќи го снимката за „Дејли експрес“, д-р Боб Беруким, уролог во Њујорк, рече дека ваквите движења можат да укажуваат на неколку состојби, вклучувајќи ја Паркинсоновата болест и други невролошки заболувања.

фото: принтскрин

Словачка сака НАТО да ја зајакне воздушната одбрана во земјата што е дел од нејзиното источно крило, изјави словачкиот премиер Роберт Фицо по состанокот со генералниот секретар на воениот сојуз.

За време на разговорите во Братислава со генералниот секретар на НАТО, Марк Руте, Фицо, исто така, ги бранеше плановите на Словачка да одлучи за темпото и структурата на трошоците за одбрана во наредните години, додека повеќето членки на НАТО ги зголемуваат таквите инвестиции.

Словачка се спротивстави на политиката на Европската Унија да ѝ помогне на Украина да се одбрани од руска инвазија во 2022 година, а Фицо на состанокот со Руте повтори дека неговата влада нема директно да испраќа смртоносно оружје во Киев, но ќе дозволи комерцијални договори.

„За време на разговорот, тој, исто така, побара од генералниот секретар да ја зајакне воздушната одбрана во Словачка“, се вели во соопштението на словачката влада по синоќешниот состанок, без да даде дополнителни детали.

Словачка во последните години се обидува да ги зајакне своите капацитети за воздушна одбрана, набавувајќи системи за воздушна одбрана од Израел и купувајќи нови борбени авиони Ф-16. Тоа е една од земјите-членки на ЕУ на источниот брег што во септември се согласи да изгради „ѕид од беспилотни летала“ со напредна технологија за детекција.

фото: принтскрин