Лидерот на главната опозициска партија во Турција беше нападнат вчера додека ја напушташе комеморацијата во Истанбул.

Озгур Озел, кој ја предводи Републиканската народна партија, го напуштал Културниот центар „Ататурк“ во центарот на градот кога му се приближил повозрасен маж и го удрил во лицето со отворена дланка, покажаа телевизиските снимки.

#LATEST — Türkiye’s main opposition leader Ozgur Ozel physically attacked pic.twitter.com/VS9K0539HN

— Türkiye Today (@turkiyetodaycom) May 4, 2025

Озел, кој присуствуваше на комеморацијата за Сири Суреја Ондер, прокурдски политичар, не беше повреден во нападот. Осомничениот е приведен, според извештајот на Канцеларијата на главниот јавен обвинител во Истанбул.

Министерството за внатрешни работи подоцна објави дека напаѓачот бил 66-годишен маж кој ги убил своите две деца во 2004 година и бил условно ослободен во 2020 година. Весникот „Џумхуриет“ објави дека во 2004 година тој ги застрелал и избодел синот и ќерката, на возраст од 19 и 17 години.

Инцидентот ги обнови стравувањата за безбедноста на политичарите во Турција. Во 2019 година, претходникот на Озел, Кемал Киличдароглу, како лидер на Републиканската народна партија, беше нападнат додека присуствуваше на погреб на војник.

Привремената влада на Португалија планира да протера околу 18.000 странци кои живеат во земјата без дозвола, објави Асошиејтед Прес.

Министерот за претседателство, Антонио Леитао Амаро, објави дека централно-десничарската влада ќе издаде приближно 18.000 известувања до луѓето што живеат нелегално во земјата да ја напуштат. Тој додаде дека оваа недела 4.500 странци ќе бидат повикани доброволно да заминат во рок од 20 дена.

Португалија ќе одржи предвремени општи избори на 18 мај. Премиерот Луис Монтенегро распиша предвремени избори во март откако неговата малцинска влада, предводена од Социјалдемократската партија, го загуби гласањето за доверба во парламентот.

Во југозападниот дел од Москва вчера се случи силна експлозија во повеќекатна зграда на улицата Генерал Тјуленев. Според неофицијални информации, експлозијата била предизвикана од гас и предизвикала голем пожар што ги зафатил становите на деветтиот кат од зградата.

After the explosions in a multi-storey building in Moscow, floors collapsed, several apartments are burning. There is no official information yet about casualities or the cause of the explosion! pic.twitter.com/MDF3iwhKlW

— LX (@LXSummer1) May 4, 2025

Според извештаите, делови од еден кат се урнале, при што загинале неколку лица, а повеќе од 15 биле повредени. Некои од жителите беа заробени на горните катови, каде што повикаа на помош низ прозорците додека пожарникарите се обидуваа да го локализираат пожарот и густиот чад.

At least 2 Russians are dead, 20 more injured.

The Russians hung from the windows, waiting for a rescue that never came. They burned alive — abandoned by their government.

Karma hits hard and fast. Turns out Russian gas is highly flammable, especially when safety takes a back… pic.twitter.com/tvK4FBvo0e

— Victoria (@victoriaslog) May 4, 2025

Според локалните медиуми и очевидци на терен, пожарот брзо се проширил низ неколку станови, а службите за итни случаи сè уште ја пребаруваат зградата. Нема официјална потврда за причината за експлозијата, но се шпекулира дека станува збор за дефект на гасната инсталација.

Руските власти сè уште официјално не го објавија бројот на загинати и повредени.