Европа
Австрија дебатира дали да распореди деминери во Украина
Австрија ќе биде првата западна земја што официјално ќе распореди трупи што ќе играат активна улога во војната во Украина ако претседателот се избори за својата идеја наспроти противењето на парламентот, пренесува „Брејтбарт“.
„Австрија треба да распореди војници во Украина за откривање и безбедно отстранување нагазни мини и други неексплодирани убиствени средства“, вели австрискиот претседател, Александар ван дер Белен.
На оваа идеја се спротивставуваат членовите на неговата влада и популистичката Слободарска партија, главната десничарска опозиција во земјата, кои тврдат дека тоа би било спротивно на долгогодишната воена неутралност на Австрија.
Претседателот Ван дер Белен, кој е титуларен началник на Вооружените сили на Австрија, вели дека не може да сфати зошто владата се двоуми да распореди деминери во Украина, пишува „Кронен цајтунг“.
„Поддршката за деминирање цивилни области, како што се станбени згради, училишта, градинки или земјоделски површини, секако не е во спротивност со австриската неутралност; тоа е хуманитарна работа,“ истакна тој.
Многу други западни земји веќе имаат војници во Украина, главно за заштита на амбасадите, но не за директно дејствување во војната. Неколку други, како што се САД, имаат војници во земјата за да ги следат огромните количества воена помош што се доставува до украинските сили и да се осигурат дека ништо не недостига.
Обединетото Кралство дури и премолчано призна дека војниците на неговите специјалните сили презеле тајни мисии во Украина во текот на војната, но не ги откри нивната природа и нивната цел.
Ван дер Белен и неговите поддржувачи, вклучително и либерално-глобалистичката партија НЕОС, велат дека операциите за деминирање се хуманитарна мисија и иако ги вршат војници во воена зона, не претставуваат учество во војната.
Австриската министерка за одбрана, Клаудија Танер, од централнодесничарската ОВП, сепак не се согласува и вели дека војната во моментот е во период во кој разликата помеѓу воените операции за деминирање и хуманитарното деминирање е нејасна и бесмислена.
„Австрија ќе помогне во финансирањето на паневропска операција за деминирање, но нема еднострано да распореди војници во Украина“, рече Танер пркосејќи му на претседателот.
Лидерот на Слободарската партија, Херберт Кикл, рече дека претседателот има уставна должност да ја заштити воената неутралност на Австрија и дека повикот за распоредување во Украина не е компатибилен со ова.
„Не толку одамна Ван дер Белен сакаше да ја укине нашата армија, а сега со своите пријатели од зелените се однесува како подбуцнувач на војна… нашата неутралност не смее да се разниша. Федерален претседател, кој ги доведува во прашање ова и нашата слобода на здружување, не е на место“, нагласи Кикл.
Ако претседателот распореди војници во Украина и покрај противењето на владата, тоа сигурно би предизвикало уставна криза, но Ван дер Белен е директно избран во Австрија и има поголеми ингеренции од другите церемонијални претседатели во некои европски нации, меѓу кои и моќ да ја распушти владата, па дури и да назначи воени офицери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Професорка во Британија осудена за сексуална експлоатација на ученици, забременила со еден од нив
Професорка е прогласена за виновна за сексуално искористување на двајца тинејџери на кои им предавала во нивното средно училиште во Велика Британија. 30-годишната Ребека Џојнс ја дочека пресудата на слобода, но беше суспендирана од работа во училиштето.
Британските медиуми јавуваат дека Џојнс веќе била суспендирана и пуштена со кауција поради секс со 15-годишен ученик, идентификуван во пресудата како Момче А, кога почнала да има секс со друг ученик, момче Б, со кој подоцна останала бремена, пишува „Independent“.
На судот му било кажано дека и двете момчиња и праќале флертувачки пораки на „Snapchat“ пред таа да ги покани во нејзиниот стан.
Во случајот со првото момче, таа му го дала телефонскиот број, а како вежба за решавање проблеми, тој морал да ја погоди последната цифра. После тоа се поврзале на Снепчет и тој и праќал пораки во кои парот се договарал да се сретнат тајно.
Таа потоа го однела на шопинг и му купила скап појас. Полицијата подоцна ја пронашла неговата сперма во нејзината постелнина. Второто момчпе кажало дека врската со професорката започнала со бакнежи кога имал 15 години и со сексуални односи кога наполнил 16 години.
Џојнс пред судот се бранеше дека доживеала „нервно растројство“ кога била суспендирана од работа, по полициската истрага, и се вратила кај нејзините родители.
Џојнс на суд тврдеше дека никогаш немало сексуална активност со првото момче и дека врската со второто момче се развила додека таа била суспендирана од работа.
Таа плачела додека им кажувала на поротниците дека бебето што го родила и е одземено неколку часа по раѓањето и сега ѝ е дозволено да го гледа детето само три пати неделно. Таа беше прогласена за виновна по шест точки од обвинението за сексуална експлоатација на малолетници.
Европа
Словачкиот министер за одбрана: Премиерот опериран по втор пат, пациентот е стабилен, земјата е стабилна
Словачкиот премиер Роберт Фицо беше опериран по втор пат по атентатот во средата, кога се здоби со прострелни рани во стомакот и „е во стабилна состојба со навестувања за напредок, исто како што Словачка е стабилна“, изјави вицепремиерот и министер за одбрана, Роберт Калињак.
„Земјата е стабилна, пациентот е стабилен денеска. Можеме да ги направиме сите работи што треба да ги направиме како влада. А ние имаме свој премиер и тоа на сите ни е јасно“, изјави Калињак за новинарите во болницата каде што е Фицо.
Мирјам Лапуњикова, директорка на болницата Рузвелт во тој град во централна Словачка, најблиската добро опремена болница до Хандлова, каде што 71-годишен Словак во средата испука пет истрели кон премиерот, рече дека денешната операција траела два часа за отстранување некротично ткиво, што е вообичаена постапка при за такви повреди.
„Премиерот останува на интензивна нега, а неговата состојба се уште е многу сериозна. Лекарите се среќаваат и се консултираат секое утро и затоа денеска не можат да кажат дали ќе бидат потребни дополнителни операции“, рече Лапуњикова.
Лекарскиот совет в понеделник ќе одлучи дали и кога ќе можат да го превезат премиерот во Братислава.
Вицепремиерот Калињак се заблагодари за сите понуди за лекување на Фицо во странство и истакна дека Владата има целосна доверба во лекарите во Банска Бистрица.
„Ќе бидат потребни уште неколку дена додека не биде јасно како ќе се развива здравјето на премиерот. Порасположен сум бидејќи гледам напредок. При денешната интервенција се покажа дека главната операција била успешна“, рече Калињак.
Министерот за внатрешни работи Матуш Шутај Ешток денеска изјави дека во 40 случаи полицијата ги открила и гонела оние кои им се заканувале на политичарите со атентат и со говор на омраза на социјалните мрежи.
Лидерот на десноцентристичката опозициска партија Прогресивна Словачка, Михал Шимечка денеска поднесе кривична пријава поради драстични закани кон него и неговото семејство.
„Ги има повеќе. За жал, ова не е ништо ново. Слични закани доби и претседателот на Словачка, а слични закани денеска добиваат и мнозинството политичари, новинари и јавни личности кои го искажуваат својот став. Омразата раѓа омраза“, рече Шимечка.
Лидерот на опозицијата го повтори повикот до сите на словачката политичка сцена да се договорат, барем 100 дена да не се напаѓаат и за тоа време да се договорат за нови правила на политичка комуникација.
Надлежниот обвинител денеска побара притвор за осомничениот за атентатот, обвинет за обид за убиство на заштитено лице мотивирано од одмазда, за што му се заканува казна од 25 години или доживотен затвор.
Судот во сабота ќе го сослуша Јурај Цинтула и ќе одлучи за притворот.
Европа
(Видео) Поплави во Северна Италија по обилните дождови: „Ова е бомба, вакво нешто во Милано не сме виделе 170 години“
Невремето и обилните дождови предизвикаа поплави во многу делови на северна Италија, а особено беа погодени градовите Падова и Виченца, пишува Би-Би-Си.
Службите за итни случаи користат гумени чамци за да ги спасат луѓето од нивните домови.
Гувернерот на Венето ги опиша временските услови во текот на ноќта како „водена бомба“.
Југот на Италија се соочува со топлотен бран невообичаен за овој период од годината, а на Сицилија се забележани температури до 35 Целзиусови степени.
#maltempo le strade diventano fiumi…#Veneto provincia di Verona pic.twitter.com/SPnjUfq1Zh
— Santone ✨🌙 (@santone1973) May 16, 2024
Професорот Марко Марани, експерт за ефектите од климатските промени од Универзитетот во Падова, за весникот „Кориере дел Венето“ изјави дека „екстремните настани стануваат се почести и ќе се интензивираат со зголемувањето на глобалното затоплување“.
In sei ore 230 millimetri di pioggia. È allerta rossa in #Veneto colpito dal maltempo che già ha flagellato #Milano e la #Brianza. Temporali intensi hanno provocato il crollo di due ponti a #Malo, nel vicentino. Scantinati e sottopassi allagati, numerosi black out elettrici. pic.twitter.com/PxhZ1kAR7B
— Tg1 (@Tg1Rai) May 16, 2024
Локалните жители велат дека таков интензитет на дожд не е забележан во мај, повеќе од 170 години.
Бреговите на реката Мусон деи Саси во областа Падова попуштија поради силниот дожд во раните утрински часови во петокот, што предизвика поплави.
Luca Zaia dichiara lo Stato di Emergenza in Veneto. Le forti piogge hanno rotto un argine a Rustega, frazione di Camposampiero, in provincia di Padova. Allagate campagne e anche alcune case 👉 https://t.co/HWPmUurm9X#meteoeradar #alluvione #emergenza #veneto pic.twitter.com/IbGwftrjqo
— Meteo & Radar (@meteoeradar) May 17, 2024
Товарен воз во Борго Мантовано во провинцијата Ломбардија беше превртен од налетите на ветрот со брзина од 150 до 200 километри на час.
Локалниот лидер Алберто Борсари на социјалните мрежи напиша дека „многу улици и подруми се поплавени“ и дека ситуацијата е „навистина тешка“.
„За среќа, никој не е повреден“, додаде тој.
До 130 милиметри дожд за еден ден падна во Милано, што предизвика поројни поплави. Очевидци велат дека таков интензитет на дожд не бил забележан во мај повеќе од 170 години.
Властите за цивилна заштита прогласија црвена тревога во Венето до 14 часот, особено меѓу Виченца и Верона, каде што реките надобија по 70 милиметри дожд за 30 минути.
Едно лице е исчезнато во реонот на градот Комо по уривањето на мал мост.
Во исто време, многу сушни услови беа забележани на островот Сардинија, кој веќе се соочува со уште една лоша сезона за локалните земјоделци на пченица, кои очекуваат половина од нивниот нормален род поради недостиг на вода, пишува локалниот весник L’Unione Sarda.
Ограничувања за користење на водата се очекуваат и во областа подоцна во текот на летото.
Професорот Марани рече дека „има силни научни докази“ дека екстремните временски услови стануваат се почести, додавајќи дека пресметките за одбрана од поплави „треба да се ревидираат за да се разбере реалниот ризик со кој се соочуваме“.
„Климатските промени мора да бидат ставени под контрола“, додаде тој.
Во април, Европската климатска агенција Коперник и Светската метеоролошка организација ја истакнаа потребата за заштита од поплави, како и итна акција за борба против ефектите од климатските промени.